(( صد الخوي ))

[عبدالعزيز ابراهيم المنصور]

فهد الغنامنص رائع وقافية جميلةصح لسانكسلمت ولاهنتدمت بخير

[ماجد الراشد الهيري]

صح لسانك يابو غنام وعساك على القوه وانا اشهد ان تصويرك الشعري نادر
ولايكتبه الا شاعر متمكن مثل قامتك اخوي لاهنت ولاهان فكرك

[الراقي]

صح لسانك على ما قدمت من ابداع

ابيات فيها من الاصالة ما يكفي

[الخنساء]

مقشر من الضيقه على غير حاجه

ألا إلى صد الخوي وأنت محتـاج

لا جيت له شفقٍ وعقّـد إحجاجـه

في ساعةٍ مالك من الضيق مخراج

ومن الردا حطّك بعنـق الزجاجـه

وعن حاجتك يبني معاذير وسياج

صح لسانك مليووون

قصيدة اجبرتنى للعوووودة

[صعبة المنال]

اللي إلى جيته تشـوف إبتهاجـه
وعن لازمك ما صك بابه بمـزلاج

صح لسانك

[عبدالله مذكر العقيلي]

صح لسانك

والله لايهينك


تحياتي

[عبدالإله]

أشهد انك شاعر جزل

قصيدة إعتلت عاليا

صح لسانك

و لاعدمناك

@@@@@@@@

ابدعت بهذه الباسقه
صح لسانك
ودام ابداعك
تقبل اطيب تحياتي

[عمر ال شيبي]

المشاركة الأصلية كتبت بواسطة فهد الغنام

,,,

مساكم فل ويا سمين يالربع ,,, وعساكم دوم متعافين ,,,

مواقف الخذلان مواقف تحصل للجميع وما فيه احد ما مر عليه مثل هالموقف ,,, انسان تهقا فيه الطيب ويخذلك ,,,

من موقف مشابه لهذه المواقف أتت هذه القصيدة ,,,,


مرورها ... ولكم مني الود

مقشر من الضيقه على غير حاجه = ألا إلى صد الخوي وأنت محتاج
لا جيت له شفقٍ وعقّد إحجاجه = في ساعةٍ مالك من الضيق مخراج
ومن الردا حطّك بعنق الزجاجه = وعن حاجتك يبني معاذير وسياج
وعوّرك في كبدك بكثر اللجاجه = هرجه كثير ولا وراء هرجه إنتاج
لا ضاق وقتك فيك وأحكم إسياجه = عليك باللي بالعطاء مثل هدّاج
اللي إلى جيته تشوف إبتهاجه= وعن لازمك ما صك بابه بمزلاج
مالك ومال اللي إعلومه سماجه = اللي بكفّه طقّ صدره وهو داج
اللي يضيّع صيدته في عجاجه = وإسمه مع إزحول الرياجيل هلباج
بعض المواقف تنتهي بنتواجه = وألا بعضها يا عرب ذنب وإحراج
الموجعه تبطي ويبطي إعلاجه = بس الخيانه مالها طب وعلاج
الحر ينفع والدجاجه دجاجه = ولمع الذهب ماهو مثل لمعة الصاج
وكلٍ على ما قيل يعرف خراجه = دام القمر بيدك فلا تشعل إسراج
والليله اللي ظلمته من سراجه = ما ظنّتي للشمع والنور تحتاج
أسود من الحرقه على كف صاجه = وأنكد من اللي حطه الهم مسهاج
ما فيه ضيق ألا وراه إنفراجه = شيٍ من الله صبح الأيام ينباج
إلى إنتصف ليلك توّقظ وناجه = وإطلب من الله تالي الليل الافراج

ودي وتقديري ووردي لكل من مر و أستر ,,,,,وما يشوف شر




فهد الغنام الشمري

,,,,,,,,,,,

صح لسانك لا هنت طيبه من طيب

[أم ريما]

أسود من الحرقـه علـى كـف صاجـه

وأنكـد مـن اللـي حطـه الهـم مسـهـاج

مــــا فــيــه ضــيــق ألا وراه إنـفــراجــه

شــيٍ مــن الله صـبــح الأيـــام يـنـبـاج

إلـــى إنـتـصـف لـيـلـك تـوّقــظ ونــاجــه

وإطلـب مـن الله تالـي اللـيـل الافــراج

صح لسانك

ولاهنت