مصافحة !!

[سناعيس]

أخوي الشريف الشرقي
يسعدني مجاراتك بهذه الخربشه والتي لاترقى لما تنظمه حتى ولم مانقحت

الاسم يجبرني على مسابق الريح=من شان اخصك في سلام وتحيه
انته على اسمك ياشريف المراويح=مكانك صبي النواظر وفيه
ياسعدنا من قدنا في تفاريح=يوم المنادي برنا في خويه

[الشريف الشرّقي]

المشاركة الأصلية كتبت بواسطة فلاح بن منشار

اهلا وسهلا بشاعرنا واخونا

الشريف الشرقي

ومصافحه أولى عطرت المنتدى

والشكر لأبو أنس على دعوته الراقيه


يسلم قلبك

تمنياتي لك بطيب الإقامه والتواصل


تحياتي لك
و

العطر عطرك يافلاح ابن منشار = والشكر لله ثم للي دعاني
وتبقى تحياتك على القلب تذكار= وسم(ن) يشرف من رفيع المعاني

[الشريف الشرّقي]

المشاركة الأصلية كتبت بواسطة ماجد السعد

الشاعرالقدير/ الشريف الشرقي


حضور ساحر جدا جدا

صح كلك يامبدع

يابن سعد احرجتني في كلامك = في ذمتي يابن سعد منتب رخيص
يكفي من الشرح المفصل سلامك = حيثه يرصص هاجس القلب ترصيص

[الشريف الشرّقي]

المشاركة الأصلية كتبت بواسطة أبوأنس

هل الهلال وهلا ياراعي الطوله=ياللي تعنّى وجا وقلوبنا اجتالت
هذا الشريف ان لفا ياخوي صبوا له=فنجال بن(ن) يماني نبتته طالت
من دلّة(ن) كنها الخفرات مجموله=صفرا هضيمة حشا ياطيب ما شالت
ومبهره من بهار الهند متبوله=بالهيل ومزعفره تغري الى انهالت
يصبها ضيغمي(ن)يلتفت حوله=عينه على الضيف مالدّت ولامالت

الشريف الشرقي..............
مرحبا بك هنا وعسى ان يكون المكان أهل لك لنسعد بصحبتك
ونهنأ بما لديك
أشكر لك تكرمك بقبول الدعوه وأكرر ترحيبي وشكري

هذي تسمى شيم أهل النفوس الكبار = يسوي الخير دايم ثم يرمي بحر
الشكر والمراجل والندى والوقار =لك ، وأنا يا رفيقي من عموم البشر
لا نظرتك اردد كلمة المستشار :=(أنت مليون واحد منت والله نفر )
واتذكر صديقك يوم راعي الوجار =قلطه في مكان(ن) سف فيه الجمر
مالقى غير صوتك والرسايل قصار = والشجاعة دقيقة بس تسوى دهر

[الشريف الشرّقي]

المشاركة الأصلية كتبت بواسطة منيع

الظاهر ان ابوانس وخويه الشريف
ناوين يسحبون البساط من تحتنا شعراً وتعليقاً
عزيزي/الشريف الشرقي
البيت بيتك وتستاهل فنجال راكان بن حثلين
ياماحلا الفنجال مع سيحة لبال **** في مجلس مافيه نقس ثقيله
هذاولدعم وهذا ولد خال ****** وهذا رفيق ماندور بديله
----------
على الرحب والسعه

ياما حلا الفنجال مع سيحة البال = مع فطحل(ن) مثلك علومه جميلة
اقلط ، وبفرش لك من الزل اشكال = تركي وكاشاني صناعة اصيلة

[الشريف الشرّقي]

المشاركة الأصلية كتبت بواسطة همسة ألم

دعوة من داعي كريم وقبول من انسان نبيل فلا يرد الكريم الا اللئيم أبيات جميلة واكثر من رائعة استمتعت بقرائتها وبانتظار مزيدك يا شاعرنا الفاضل

وش خانة الاشعار من دون قراء = وش خانة القراء من غير (همسة)
واللي كتبتي يا اخت الاسلام اطراء = اضفى على الصفحة جمال(ن) ولمسة

[ضاامية الود]

اخوي الشريف الشرقي

هلا بك مليون بين اخوانك

وصح لسانك على الحروف الجزله

وننتظر جديدك

تقبل مني خالص التقدير

[الشريف الشرّقي]

المشاركة الأصلية كتبت بواسطة ثار التميميه

يا(بوأنس) حشمتك في النفس مجدولـة
............ لو كان زالت خشوم طويق مـا زالـت

الله عليك

صح لسانك ولاهنت

وحياك الله

لا أكتب الفصيح (انت اكتب عامي زي الناس اول ) إلا لماما .. وهذه محاولة :

قد قِيل ان (تميم) اسمها جمرة = وجمع جمرة في القاموس جمراتِ*
لا يركنون إلى ذل ألم بهم = من اسرع الناس يوم الطعن (ثاراتِ)

الجمرات : هي قبائل عربية لاتتحالف مع غيرها أثناء الحروب نظرا لكثرتها وشجاعة فرسانها .

[الشريف الشرّقي]

المشاركة الأصلية كتبت بواسطة يزيد النمي

ياهلا والله ومرحبا ومسهلا بالشاعر الشريف الشرقي
بيض الله وجه ابو انس على الدعوة وبيض الله وجهك على قبولها

يا(بوأنس) حشمتك في النفس مجدولـةلو كان زالت خشوم طويق مـا زالـت

اطمـن الـراس ولا العـز ياطـولـهواجيك (فطحل) يعسف الخيل لاصالت

والناس خبرك عن الاقـوال مسؤولـةواخـوك موتـه ولايسمـع: وماقالـت

لا والله الا ونعم وكفو
صح لسانك واعتلا شانك

بانتظار جديدك

الجديد اني عرفتك يايزيد = كلمة(ن) من قلب ماهي مجاملات
ياعظيم الحرف منك نستفيد = والوعد قدام فيه مساجلات

[الشريف الشرّقي]

المشاركة الأصلية كتبت بواسطة الريم

هلا بك وحيااك الله والشكر لك ولمن دعاك اخي الشريف الشررقي
وصح لساانك على الابيات الجميله

والشكر موصول للريم ومشاعرها = مشاعر(ن) اخت(ن) لاخوها مابها ريبة
العز هو ساسها والرب ناصرها = والهاشمي شاكر(ن) للكل ترحيبة