رأس العطية

[الخنساء]

المشاركة الأصلية كتبت بواسطة محمد سعود

قبل العيد


وكل عام والجميع بالف خير ..

.

.

الله يجازيك يا كُبر الخطيه=الجفا ماهو لوافين الوعايد
غايبٍ شهرين ما اطولها عليه=والصبر علة وسيعين البنايد
لا ادْلهم الليل دانتني المنيه=ما استرد انفاسي الا بالنكايد
كن على صدري من القوه سريه=كمْلت بيعاز في طابور قايد
تضرب لتيجان ذكراك التحيه=والضلوع تروح من وجدي بدايد
هكذا حالي مع الفرقا شقيه=اتقوى بالصبر والحمل كايد
العشم بك خير واطباعك وفيه=لا تخليني على الدرب المحايد
والله إن فقدي لطلتك البهيه=مثل فقدان العرب للشيخ زايد
يا عساه يعود بك عيد الضحيه=واتهنى فيك وتزول الشدايد
فرحتي بلقاك هي راس العطيه=إبتسامة عيد وثيابٍ جدايد

.

.

صح لسانك ولاهنت
ابيات رااائعة جزلة

سلمت ودمت بخير

[سلطان العطاوي]

الله الله
يا سلآآآآآآم
صح لسانك مدد ماهو عدد
قصيده رائعه تستحق المرور والمرور
تحيتي

[همس الورد]

الله الله الله

صح لسااانك

و صح بدنك

و اعتلا شانك

قصيدة رائعة

لاهنت

[حي الضمير]

صح لسانك وعلا شانك
سلمت يمينك
قصيده أكثر من رائعه
مبدع لا عدمناك
أجزل التحايا والاحترام يامميز

[صعبة المنال]

للتميز عودة

سلمتى وصح لسااانك

صعوووب