حضرت كل الجن (محاكمة الجن)

[التخيفي]

صح لسانك يالقرم
ولاهنت
مع خالص الود والتقدير

[صعبة المنال]

صح لسانك
مدد بلا عدد

صعووب

[الـزلـزال]

الطائر الهاجر

نص مميز ومتقن وهادف
وصل من خلاله شاعرنا مايدور بطريقه مميزه
وبأسلوب مختلف ورائع
أبدعت وأمتعت طائرنا كعاداتك
حلق بجنونك الشعري ولنا الأستمتاع والتلذذ والأنبهار
صح لسانك ملايين ملايين
ولك فائق تحياتي وتقديري

[صنداح الزلامى]

صح لساااااااااااااانك ملايين واسمحلي نلقبك بشاعر الجن

[عبدالله راشد الثويني]

رائعه تستحق الوقوف طويلا ً والمرور لاكثر من مره

صح لسانك مليون ولا يكفون

تقبـّـل تحيتي

[بدر العيد]

قال البلا ماعـاد بـه ديـن مصيـون
ويوم ان ندخل شان نخـرج شياطيـن
من روس قوم بين طاغـي وملعـون
وشعوب عاشت بالمذلـه لهـا سنيـن

صدقت البلاء بقلة الدين ؛؛

صح لسانك يابو عبدالله وبيض الله وجهك ؛؛؛؛

[سناعيس]

صح لسانك يابو عبدالله
على هذه القصيدة الجنونه
هههههههه
جزل يابو عبدالله
لاهنت

تحياتي

[جهاد الشعلان]

الله يستر منك ومن جنك يابوعبدالله

قصيده في ظاهرها مضحكه

وفي داخلها محزنه


لله درك يابوعبدالله

صح لساانك وكلك

تقبل مروري

[عبير الورد]

المشاركة الأصلية كتبت بواسطة الطائر المهاجر

حضرت كل الجن صاحي ومجنون = وجتني وفودٍ من جميع البلادين
شباب وكبار وشيوخٍ مسنون= وعجايزٍ وامهار في كامل الزين
في محكمه فيها العدل حيل مضمون= مافيه ظلم او واسطه او محامين
قلت اسمعوا ان كان للعلم توحون = حكمي عدال ومايخالف قوانين
الانس من ما تفعلوه يتشكّون = وكم انسي مسبوه مثل المجانين
ارجالكم تدخل بناتٍ بلا اذون = وبناتكم تدخل رجالٍ حبيبين
ويش السبب قولوا ترى السر مدفون= نبي نحل اشكال صاير من سنين
تقدمت ذيك المها تمشي بهون = وتبسمت وارخت جميل الحجاجين
قالت ابدخل فيك ياعود ملسون = وان ما توافق غصب جيتك بعد حين
غيرك فلا بي لو ملك الف مليون = قلبي هواك ولو تعاني من الدين
قلت اسمعي يابنت لو كنت مزيون= مالي بمثلك لو دفعتي ملايين
عمري انتهى مارضى تردين للدون= شوفي شباب الجن فيهم مزايين
ولا تقربين الأنس ماهم يحبون = فالحب عند الأنس عزفٍ وتلحين
وجاني كبير القوم في هرج موزون= شايب حكيم القول مافيه تخمين
قال انت تدري بالسبب قلت ممنون= عطنا الصراحه في وضوحٍ وتبيين
قال البلا ماعاد به دين مصيون= ويوم ان ندخل شان نخرج شياطين
من روس قوم بين طاغي وملعون = وشعوب عاشت بالمذله لها سنين
نضرب بعضهم في بعض لين يمشون= على كتاب الله وشرع النبيين
ويصير للعربان عزه بعد هون = ويفشل مخطط حاقدٍ او معادين
فمنهو دخلنا به غدا شبه مجنون = مهما فعل معذور عند السلاطين
المشكل ان الجن من الانس يخشون= وصار التطوع نادرٍ ف الميادين
كلما نوجه واحدٍ قال تكفون = شوفوا حدٍ غيري فانا حيل مسكين
ياما حشروني من على الجن يقرون = وياما جلدوني مثل بعض المساجين
ولو يعرفون السر او كان يدرون = ان كان خلونا نحرر فلسطين
باللي دخلناهم على الكيف يغزون = وحنا لهم درعٍ وعزٍ وتمكين
لكن اشوف الأنس صاروا يخافون = والكل يبغى العيش لو هم ذليلين
وارجع لبيتي واشعر القلب مسكون= واسمع لصوتٍ داخله قال شطرين
"من لا بغانا ندخله كيف مايكون= واللي يدورنا نحمّر له العين"
واركض ابي قراي بالشغل مضمون= والقى متفتف قال يدك على الفين
قلت الخلا ماني من اللي تخدعون= وتضحك عليهم وانت ما تفهم الدين
عندي دواها لو حفيده لفرعون = قرآن ربي بين طه وياسين
وتطلع وهي تركض تقل ركض مسجون= تغيفل الحراس والخلق لاهين

الله عليك

عبر +حكمة + جزاله + ابداع


صح لساااااانك تلريووووون

سلمت وسلم فكرك الراقي

يعطيك العافية

[حي الضمير]

صح لساااااااااااانك يابوعبدالله
قصيده راااااااااااايقه وعشنا معها جو ثاني
سلمت يمناك ياعميد