اشوف بعض العرب ما يحترم نفسه

[راجي الحاج]

بصدق رائعه من الروائع

تحاكي الكثير من ضعاف وضعيفات النفوس

أجارنا الله وإياكم

ويعطيك الف عافيه

[شجاع عمر الأكلبي]

المشاركة الأصلية كتبت بواسطة الطائر المهاجر

اشوف بعض العرب ما يحترم نفسه= حتى ولو هو كبيرٍ ترقل اسنانه
لا من دخل في المواقع ظنها عفسه= ولا شاف اسم الأناثي ضيّع ارسانه
كالثور لاشاف الاحمر دفرته جفسه= ما يدري اللي يخبي خلف نيشانه
يحسبه مستور محدٍ عارف بدسه= مايدري انه على المكشوف باعفانه
يغيب عقل الفتى لا زاد به مسه = تغويه نفسه ويلعب فيه شيطانه
ولو هو تفكر وحاسب نفسه ابهمسه= ان كان في القلب لو جذوه من ايمانه
ما اظن يرضى على اخته غلطة طفسه= ياكيف يرضى يقلل في الملا شانه
وان كان ميّت ضمير ولاهو يحسه = فالله يمهل ولا يهمل بحسبانه
يشوفها في اعز الناس منغرسه = في زوجته او خواته او بعيلانه
"النت" كالبحر ياللي جاهل بغطسه= فخلك حذر دام ما تدري بقيعانه
ما كل اسمٍ مؤنّث يعكس لجنسه= البعض يخفي شنب لو غير الحانه
وما كل من شفتها انثى قلت ذي سلسه= يمكن تبيني بردٍ تجهل اردانه
ولو ليّنت هرجها عن جهل في وجسه= ما حسبّت زود بعض الهرج نقصانه
ما تدري ان الحصاني حولها شرسه= والكل جاهز يبي يفرس بنيبانه
والرجل يمكن يطيح بوحدةٍ نحسه= تسحبه معها لدرب ابليس واعوانه
من ساقطاتٍ بدرب النت في غلسه= يصيدن اللي خفيف العقل خيفانه
ماهمها غير جيبه تنتظر كنسه = وتلوي ذراعه اذا حسّت بعصيانه
فالرجل ماهو بشكله او غلا لبسه = الرجل عقلٍ يحكمه دين باشجانه
دينٍ بقلبه ولا هو دين للجلسه = يخدع لنفسه ويخدع غيره لسانه
والرجل من صان نفسه ماوطى الدنسه= حتى بحرفه وما يكتب بقيفانه
ولا شاف منهي تحاول جره بخلسه= فضّح بها شان يمنع شر باوطانه
هذي مثل فارةٍ ما تنقرب نجسه = ومنهو تساهل بها خوّان لاخوانه
وحنا بقصر الفطاحل من جهل حدسه= النهج واضح ومكتوبٍ ببيبانه
درب النقاء دربنا نحرص على غرسه= عن دين عن عقل نرفع عالي اركانه
ولا نقبل اللي انحرف يبحث عن الخسه= ولو هو تلون كشفنا خافي الوانه

الطائر المهاجر


ياسلااااااام لافض فوك والله إنها على الضلع القصيّر لمن له قلب يفقه


صح الله لسانك وبيّض الله وجهك وهذا ديدن الكثيرين هدى الله الجميع


تحياتي

[عبدالعزيز العمار]

ابوعبدالله ::

صح لسانك وعلاا شانك..

قصيدة جزلة من شاعر جزل ..

لاهان راسك يالقرم وتقبل مروري وتحياتي

[محمد الأحمري]

صح لساااااااااااااااانك
مليوووووووووووون ياغالي
ووفقك الله
كفيت ووفيت
والله المستعاااااااااااان
والكل يحدد موقعة وين
يا في عالي القمم
ولا في غيرها
وفقك الله
وصح لسانك وفكرك

[ابومياس]

مساء الخير

نص يستحق الوقوف عليه

والتمعن في جمال مفرداته

صح لسانك وبيض الله وجهك

دمت بخير

[الأموره]

ماذا عسآي اقول ؟؟

ببساطه انها درر رائعه

صح لسانك ملايين

سلمت و سلم فكرك


الف شكر لك

دمت برعاية الخالق

[سعود القحطاني]

ابو عبدالله

شكلك غاير مني


نص وصل لقارئيه ببساطه

صح لسانك ياقلبي

أرفع قبعتي ياعظيم

تقبل مني صادق ودي.,,,,,

[الطائر المهاجر]

شكرا لأخي على المكرمي
هلى كريم الحضور والتفاعل الراقي
لاهنت
تحياتي

[الصريح العتيبي]

الاخ العزيز شاعر العثمانيات طائرنا المهاجر

صح لسانك واعتلى شانك
ولاهنت على هذه الرائعه
صغت هذه الابيات باسلوب طبي جميل
من يريد ان يفهم؟؟؟؟
من من الكثير فهم المغزى؟؟؟؟
ارجوا لمن جنح او اراد ان يجنح عن جادة الصواب ان يعدل من وضعه
وفي الختام كل عام والجميع بخير

[ابو أنس]

الفاضل ابوعبد الله................
توجيه جميل ورسالة محكمه وتوقيت موفق

اما عن شاعريتك المتدفقه وجريان البيان على لسانك
فلا أظنها بحاجة لشهادة اثبات مني
لك الشكر وافرا ولك التحايا عطره
وكل عام وانت بخير