هل ينقص قدر الرجل هذا العمل؟؟؟؟

[بارقةأمل]

المشاركة الأصلية كتبت بواسطة إستبرق

لووووووووووووووووووووووووووووو وووول

No Comment

ام الزوز

حبيبتي اذا لقيتي الي قال عنه مهاجرنا خطبيه لي بس بعد عشر سنين


موضوعج عسل مثلج ..

تسلم الايادي ..


كل الود

إستبرق

إستبرق يا قلبي وش لتس بالخرفان تقعدين تجرينها وراتس
ناقصة غثى إلا خذي رجال يعرف العلوم والسلوم ويعرف يصونج ويحميج ويدللج مو تصيرين أنتي المسؤلة عنه
يكفي إنج بتكونين مسؤلة عن أولادج
واللي تظن إنها إذا دخلت زوجها المطبخ إنها تروضه فهذي غبية لأنه على نياتكم ترزقون
وإذا على الضرة ماقصروا الأشناب جابوها والحرمة شايلتها يا دهينة لا تنكتين
أنتظرج عقب بعد خمس سنين وأشوف رايج
صدقيني ما راح يكون هذا راح يتغير

[الطائر المهاجر]

الرسول صلى الله عليه وسلم كان يسوي لقيمات ويغسل صحون ههههههههه
اذا بغيتن شئ تبنه يصير ، لا ونا اخوك ، كل له شغلته ، واذا كان بعض الرجاجيل
يتنازلون عن حقوقهم ويقومون بشغل الحرمه ، فالقادم أكبر من عمليات الترويض
ربنا سبحانه وتعالى قال : الرجال قوامون على الناس ، يعني حدد واجبهم
ماقال يقومون بشغل الحرمه ، وقال للحريم قرن في بيوتكن ، حتى تشتغلن اشغال البيت
مهوب تحطن رجل على رجل والخروف هو اللي يصلح عن نعجته امور من اختصاصها

[بارقةأمل]

أبو عبدالله وراك تسد جميع الطرق وتحجر لنا إنا مانتكلم إنه يقوم بعمل المرأة كل يوم
لكن عرضنا طرق للمساعدة في المنزل سواء تساعد زوجتك أو أمك أو أختك
ولا قلت أنا إن الرسول كان يلقم لقيمات إلا كان يخيط ثوبه ويرقع نعله مع إنه عنده خدم وأشهرهم أنس بن مالك
وبيتهم كله غرفة مترين في مترين ولا عندهم غديات وعشيات مثلنا الآن ولا مطابخ زي مطابخنا راس مالهم كم حطبة إذا بغوا يطبخون مرة في الإسبوع آآآآآآآه يا حظهم واللهع ودي أسكن بيت طين وأرجع زي أهلنا الأولين
مريحين روسهم من الغثى

والقوامة مالها دخل بالعمل بتاتاً البته
أدري والله إن ردودك كلها تبي تخليني أعصب وأقول كلام من غير وعي بس ماراح تقدر نفسي طويــــــــــــــــــــل جداً

[إستبرق]

لوووووول

يهبى ياخذ علي ضره

حاصل له بس


//

بس ام الزوز

الحين تغير الوضع

اذا المرأه قامت تساعد الرجل وتعمل معاه و تساعده

ليش ما يصير العكس !

[الطائر المهاجر]

يخيط ثوبه ويرقع نعله لأن ذاك الزمان مافيه خياطين ولا خرازين ، وهذا امر بديهي
ان يقوم الرجل بما تعجز عنه المرأة مما لايكون ضمن صلاحياتها ..
"إنا مانتكلم إنه يقوم بعمل المرأة كل يوم
لكن عرضنا طرق للمساعدة في المنزل سواء تساعد زوجتك أو أمك أو أختك"
افصلي بين الزوجة والأم والأخت لاتحطينهم سواء
ثم هذا اللي تبن ، مهوب كل يوم ، وشوي شوي ألين الضعيف ماعاد يطلع من المطبخ
وتحطن في رقبته حبل ، اعرفكن زين ... اللي بيننا وبينكم الشرع ، إلا اذا تبون
تاخذون اللي تبون وتتركون اللي ما تبون ..

[ابومياس]

اذا تقاعست المراة عن عمل بيتها

فصكها بالثانية على شان تتادب

هذا هو الحل0

[الطائر المهاجر]

المشاركة الأصلية كتبت بواسطة ابومياس

اذا تقاعست المراة عن عمل بيتها

فصكها بالثانية على شان تتادب

هذا هو الحل0

حرام عليك يابو مياس
انا ماني معك في هذي
يعني اما حبا وإلا برك
خير الأمور الوسط ، وجهها وشجعها ، لكن لاتقوم بعملها ، ولا تقوم بعملك
ولا تجيب لها مضره ، فالدين لا ضرر ولا ضرار .

[بارقةأمل]

يؤيؤيؤيؤ
وش فيكم قلبتوها حرب داحس والغبراء هههههههههههههههههههه
شفتوا صفوا الشياب مع بعض ماقلت لك يا أبو مياس إنك طقيت 45 سنة
المسألة نبي رأيكم بس ولا في الأصل تجيب خدامة وأنت ماتشوف الدرب بعد هي ماجت عشان تصير خدامة عندك
وإذا على الأمور المكلفة بها شرعاً فهي إنها تغديك وتفطرك وتغديك وتغسل ثياب أما أمور النظافة الزيادة وكل مادخلت لقيت كاس ولا صحن مو في مكانه قومت الدنيا ولا قعدتها ولا لقيت شوي غبار على المكتبة ولا التلفزيون
قلت أنتي وسخة وماتعرفين أصول النظافة
تراها مو مكلوفة

[الطائر المهاجر]

لا... المسألة ماهي شياب وشباب
ابومياس يعتبر شباب ، لكن واضح انه متأثر بسكنه في القصيم
ويهقوي نفسه بثانيه يحطها في المزرعة ، عشان يوفر اجار عامل
وحارس ..

[بارقةأمل]

المشاركة الأصلية كتبت بواسطة ابومياس

اذا تقاعست المراة عن عمل بيتها

فصكها بالثانية على شان تتادب

هذا هو الحل0

وإذا تقاعس الرجل عن واجبه كزوج وش تسوي فيه المرة أكيد ماتقدر تصكه بثاني
لكن تقدر تخلعه خلللللللللللللللع مثل مايخلعون الضرس المسوس

وياللا يدور له وحدة خبلة تصرف عليه وتخدمه