* يا زمـــــــان % الـعــجـــــايب !! *

[ام العمده]

صح لسانك واعتلا شانك

لاهان راسك

دمت بخير

[سلطان العطاوي]

الله الله
يا سلآآآآآآآآآآآآم
صح كلك
قصــيده رائعه بروعة حضورك
لا خلا ولا عدم
تحيتي

[محمد العسكر]

عبدالمجيد وربي ان دخووووولك غالي انت كذلك

[محمد العسكر]

داااااعي الشوووووووووووووق شكرا لمرورك

[عالي مستواها]

وان طال وقتك فـي زمانـك وعِمّـرت
توفـيـق مــن ربــك امـديـر الهبـايـب
اغـنـم سنـيـنـك بالـعـمـل لا تـاخــرت
وابعد عن دروب الردى والمعايب !!


صح لسااااااااااااااااانك ،،،


إبدعت وماقصرت ،،،


يعطيك العافيه على هالجزله ،،،


تقبل مروري

[الطيف المسافر]

المشاركة الأصلية كتبت بواسطة محمد العسكر

دنياك لو ضاقت عليك وتكدرّت = إصبر عسى صبرك يزيل المصايب
وان شانت ظروف الزمان وتحيـّرت = مانته لحالك في زمان العجايب !!
انجح وسيله للزمن لو تبصرت = تقنع بما قـدّر كريم الوهايب
ولو جاك ما جالك من الهم وإنهرت = ترى همومك والمعاصي نسايب !!
ماراح مايرجع لو انك تحســــرت = وقت الشباب ايروح وتعود شايب
تمضي ليالي وقتنا ما تذكرت = والعقل كنـّه بعض الاحيان غايب
وتبقى على حال الجهل ما تغيرت = والعمر يمشي مثل مشي الركايب
كم درس مـــرّك للاسف ما تأثرت = لو شفت في عينك كثير النوايب
وان طال وقتك في زمانك وعِـمّرت = توفيق من ربك امدير الهبايب
اغنم سنينك بالعمل لا تاخرت = وابعد عن دروب الردى والمعايب !!
وان كنت باعراض المخاليق تاجرت = ذنبك كبير وفعل اليوم خايب
وان شفت نفسك ثم رحت وتكبرت = تـنـبذ من اقصى الخلق وايضا القرايب
لا تعتقد انك بكبرك تطورت = الذنب يمحى لارجع منه تايب
يمكن يكون اللي بعينك تحاقرت = شهم ٍ وطيبه ما تجيه الشوايب
ولو نفرض انك لاخر الكون سافرت = خلك سفير لطيب الاخلاق نايب
تلقى احترامك بالبشر وين ما سرت = دايم وذكرك يابن الاجواد طايب
وان جيت تقضي لازمك ثم قررت = احذر من عيون الحسد والزلايب
ياكثر ناس ٍ عايشه مالها كرت = بفجوجها ضايع وتايه وسايب !!
قلت الصحيح وصادق القول ما درت = بابيات مافيها غموض وغرايب
ودنياك هذي فانيه لو تدبرت = لابد ما توضع عليك النصايب

شعر / محمد العسكر
واعذب الود لقلوبكم

ونشهد
ماقلت الا الصحيح وماجبت الا الجزل يالعسكر
وكل بيت احكم من الثاني

بوح اصيل وحكيم
ولاهنت على هذه الاصاله والابداع

اشكرك على هذه الباذخه

دمت بخير

[حي الضمير]

قصيده رائعه
وتستحق العوده مجددآ
ومليااااااار صح لسااااااانك

[منصور العبدالله]

محمد


كل ما قيل من اطراء او كتب

لايفى حقك عند مغليك


ابقى هنا فقط لانال مرور الشرف

ولاتذوق الشعر

الذى حرى ان يقال له شعرا


تحياتى ياجميل بكل حالااااااتك

العذب بما يطرح

النقى بما يخفى

[عالي مستواها]

دعنا لهذا النص الراقي لنتشبع من شاعريته


صح لسانك ولا هنت


تقبل مروري

[عبدالعزيز العقيدي]

الشاعر الكبير محمد العسكر
أنا أشهد أنك ما قلت الا الصحيح
تسلم وصح اللسانك
تحياتي لشخصك الكريم