عصبي فتح منتدى شوفو شروطه

[منيع]

الســلاام عليكم ورحمة الله وبركــاتـهـ ,,,هذا عصبي فاتح منتدى شوفو شروطه ههههههه
لقد تم تغيير مسمى المنتدى لتواكب مرحلة ما بعد الحرب الباردة

اعرفوا الشروط زين وافهموها ..

واللي ما يبي هالشروط جعل اصابعه اللي طقت على الكيبورد
الكسر...

ولو ما عليه كلافه يطق راسه باقرب جدار .. حنا ما نلعب .. واللي يبينا حياه الله بيننا فهمتوا..


بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع ..
فاللي يبي يسجل معنا يوافق على الشروط من ورى خشمه ..



والشروط هي ...
1- اللي يسب اي واحد من الاعضاء بنجيه وبنربط حواجبه في صدامات الهايلكوس
وبنروح ونطعس فيه باقرب طعس...
قايلكم حنا ما نلعب

2-اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز ..
وابحجز له على اقرب رحله على طياره ترش الجراد وابرقي فيه على ارتفاع 50000 الف قدم
وبرضخ به على خوص نخلهـ .. علشان ما يعود لها ..
قايلكم حنا ما نلعب

3- انتم اعضاء لكم تكتبون بس .. ولااحد فيكم يسوي لي فيه مراقب مانبي مراقبين ..
فهمتوا ولا افهمكم ...


4- مسموح كلمة وجع عمى بلا للرد والتعقيب
فهمتوا .. صح ولا ماهو صح .. قولوا صح لابارك الله بالساعه اللي جمعت هالخشش
فيها...واللي بيزعل بنخربط وجهه ونخليه يطالع في المرايه ويطلع الاخطاء التسعه
عشر .. ايه تسعطعش .. ساحتنا وحنا حرين فيها


5- اللي بيسجل باسماء قبايل وعوايل .. ولا مخله بالادب .. هذا بنوديه لا اقرب حكيم وبنكويه
من علبااااهـ .. وبعدين بناخذه لأقرب جليب .. وبنغطسه وبنطلعهـ .. ونغطسهـ ونطلعهـ الين مايقول ..
ان الددسن سيارهـ .. قايلكم ما نلعب ..


6- قريتوا الشروط .. هاهـ عجبتكم .. فهمتوها .. طيب ما عندنا تسجيل هالايام .. واللي يبي يسجل
معنا يرسل لي ايميل على التلفون حقي اللي ماني ذاكره لكم .. لان الدعوه عناد .. واللي براسه حب ما
انطحن .. تراي ابطحنه له .. واذا فيه خير يقابلني وين ما يبي ..


مـــلاحــظــهـ ..اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي
خششهم كلمات متقاطعه يصعب حلها .. والله ما يضرب بعصا يا سرع طيحتهم


موافق ..
غير موافق ..
واللي فيه خير يكتب غير مو افق

[الطائر المهاجر]

شروط طيبه
وش رأيكم نطبقها عندنا

[منيع]

ههههههههه
انت مطبقها من زمان
شكرا لك

[الطائر المهاجر]

اجل يبي لنا نوفر :
هايلوكس
طائرة جراد
وواحد يكوي

ماعندنا هالأمكانيات

[الطائر المهاجر]

اذا تكرر موضوع جديد مع موضوع مضى عليه 3 سنوات
يتم دمجهما

[الطامي]

حلو يادكتور
وهو الرأي الصح
مع احترامنا لراي الجميع
فالكمال لوجه الله سبحانه

[الطامي]

هههههههههههههههههههههههه
بو حمد هاي مو شروووط ياباااا
هاي تفكك اسري منتداوي
شلة يده راعي هالمنتدى

[داعي الشوق]

ههههههه هذا ولله العصبي صدق

ولاهنت يا بو حمد

والله يذكرها بالخير عالي