ياهل الفطاحل بلغوها سناعيس

[سناعيس]

ههههه
صح لسانك

ومادام الله عطلك في نيس
أجل وصل هالرساله

سلم على شيراك وقله ترك غير=انته صديق للعرب واترك الهيس
ماينفعك بوش ولو تدهن السير=اصمل ترانا للمعادين فريس

[سناعيس]

فلاح بن منشار

يامن يوصلّ لي تحيـه وتقديـر=ياهل الفطاحل بلغوها سناعيـس
وشب العلاقه صابها اليوم تخدير=ياونتي ياصاحبي ونـة العيـس

سناعيس

لاوالله اللـي ذابحتنـا المشاويـر=عن صاحب له وزنه اللي بلا قيس
جيتك وانا من فرحتي حول ماطير=بنلعب وحنا أحباب وبنلعن بليس

فلاح بن منشار

ياصاحبي ربـي يصبحـك بالخيـر=مشكور لحضورك وهذي الاحاسيس
ياطير شلوى ماحصل منك تقصيـر=لكن ودي معاك نبنـي الهواجيـس

سناعيس

الله من هوجاس يتبعـه تفكيـر=في مامضي والمقبلات المراويس
لكنها ياصاحبي ماتجـي غيـر=عاداتها دايم حروب ونواقيـس

فلاح بن منشار

بترولنـا مافادنـا لـو بتكريـر=نخشى الحروب ونستمع للنواميس
كل العلوم اليوم ماغيـر تزويـر=راح المثنى حسرتي عالقرانيـس

سناعيس

بترولنا جبناه من جمة البير=الله رزقنابه من عقب تفليس
لابوش لاأوبك حتى ولابلير=يقدر علينا لابغيناه تسييس

فلاح بن منشار

وش تاكل النمله مع كاسر الطيـر=شعوبنا ياخوي صـارو متاعيـس
جونا بالاسهم واجبرونا على السير=قالو حلال وضاع ليلى مـع قيـس

سناعيس

مادامنا ياخوي نهوى المزامير=لاترجي الرفعه ولاتامن نخيس
حتى ولو طار المؤشر والأنبير=لابد للعقل المفكر من رويـس

فلاح بن منشار

الـذل فينـا والكرامـه لجنقيـر=عزّ العرب صارت كمنجه وترويس
هز المتون وعندنا الـف تبريـر=سني وشيعي ياحيـاة الملاحيـس

سناعيس

والله يلـولا مشغلتنـا الغناديـر=أن ناكل بعضنا طبخ والا مطاريس
الالبي سي ياخوي بنحبها كثيـر=ولامن غناة ليافسقنا عن قريـس

فلاح بن منشار

لبنان عقب الحرب يحتاج تعمير=وقروشنا لابد تذهب لباريـس
عنان جانا عقب ماراح خافيـر=يخططون ويقتلـون المفاليـس

سناعيس

كل اللذي يجـري قتـل بتعزيـر=ومجلس أممهم صار مسلسل غليس
هذا اللذي حاصل ولا له تفاسيـر=والشرق ذلت والبيـارق مناكيـس

فلاح بن منشار

من المقدر ماتفيـد المحاذيـر=رايس تدير العلم ياهي كوابيس
المرت خرب عقب تهديد شامير=الله يدمر كيدهـم والمتاريـس

سناعيس

الله بالأصلـح والـي للتدابيـر=ولاقال بكتابه عبارات تدليـس
هو من ومرنا نقابل الشر بالخير=وعند الجهاد نقدسه حق تقديـس

فلاح بن منشار

سويت لي من قبل صندوق توفير=في بالي اسافر على ديار بلقيـس
من عقب جيت ابلادهم بوش القير=رجعت من دربي وحليت في نيس

سناعيس

سلم على شيراك وقله ترك غير=انته صديق للعرب واترك الهيس
ماينفعك بوش ولو تدهن السيـر=اصمل ترانا للمعاديـن فريـس

[نجم الإبداع]

ههههههه
وين رحت (نيس) جبل عندنا

صح لسانك اخوي سناعيس

وتشكر على مجهودك

في الجمع

عقولنا لاشك تحتاج تطوير = لابد نصنع والصناعه مقاييس
شوف كوريا ماردهم قل قطمير= تحدوا امريكا غدى بوشهم تيس

كرمت والحاضرين

[سناعيس]

ههههههه
كل على همه سرى أثر عندكم نيس بعد <<<<<<< متأثر ماسافرت هالسنه
صح لسانك أخوي فلاح
..

لاشك قل العلم جهل وتأخير=ومن يطلبه لاشك فيه النواميس
لامن بغينا معانق الجو ونطير=لابد نفعل ونبذل النفس والكيس

الله الله يا رجال ..

انشهد أنكم وافين

كفو .. كفو ..

امتعتونا الله لا يضركم

[نجم الإبداع]

بانشدك ياصاحب عن اهل المغاتير = باقي يدقو بالخيام المهاريس
والا الحضاره غيرتهم كما الغير= باعو الحلال وعودو للقراطيس؟

[نجم الإبداع]

محمد الاسمري
حضورك يشرفنا
لاهنت

[سناعيس]

صارن حلال القوم كلش مفاطير=وعقب المزاين عذبوهن بتحليس
بحلوبهن ياخوي مامن شخاتير= وحيرانهن مايلقن الزاد بالديس

[نجم الإبداع]

اخوي
سناعيس
صح لسانك

ودي نغير الطاروق لاهنت

ياصاحبي لاتواخذني بسحر العيون = استغفر الله من طرفٍ رماني وصاب
في الطواري وحولي ناس يتضاحكون= اثري تصلبت واثر اني نسيت المصاب

[سناعيس]

صح لسانك أخوي فلاح
ولو اني ماني خبير في الموال ولا المحاوره
لكن أتعلم منك طال عمرك
والعذر والسموحه ان كان قصرت

ياجعل من لامك يربط به جنون=ويقرص من العقرب ومن لسعة الداب
ويجي الطواري ميت وكله طعون=والا يجرب ماجرى لك من اسباب