قصائد كوميديه للطائر المهاجر

[الطامي]

هاهاهههههههههههههه
دكتور
راحت علينا
ولاكن استفدنا منها الكثير
اليس صحيح

[عذب القوافي]

صح لسانك أبوعبدالله وخذ هالبويت لاهنت

عش تشوف كثيريالرجل الفهيم=والبلاوي بالبشرلاماخلصن
والكرم في بعضنا صايريتيم=والمراجل كنها وسط الكفن
بالشكل رجّال وتديره حريم=والفزايع في حياته أختفن

تقديري .

صح لسانك وبارك الله فيك

[الطائر المهاجر]

جيت ابحلق قالت امواس الحلاقه= اشتر الغالي وخل الدنفسه
قلت ماكو فرق وجيوبي معاقه= اخذ الأرخص ولو هو مكنسه
واشتريت العشره بريال وتفاقه= من بعد عشرين تذهب ببربسه
وابتدا الموس الاول في خناقه = مع شعر وجهي بلطمه وخفسه
واخذ الثاني واشدد في وثاقه= كمل الناقص بوجهي ما انحسه
وانتهن عشره ووجهي بانشقاقه= ودمي السايح يناره اوجسه
من شرى للدون لو هو بالبطاقه= خاسرٍ خسران بخله يمعسه
تعليق صنداح=
لاتوثق بلمعاليق الدقاقه= ماقرب درب الدناسه دنسه
دور الطيب وكون لك صداقه= تونسك وقت الغضب وتونسه

[الطائر المهاجر]

لا بغى يطلع اتله من خناقه= وين ناوي ياريال ما انحسه
قال ابشري لك فلافل لاشتياقه= صاب بطنك من دموعه بمعسه
قلت اهجد مع اخيك في فراقه= ينكسر خاطره ومنهو يجبسه
تأبى الرماح اذا اجتمعن شقاقه= واذا انفردن تكسرن كالمكنسه
دام في جيبك ريال بالتصاقه= ينفعك وقت الشدايد فاحبسه
ولو يصارخ لو يجيب الفين ناقه= امسكه تلقاه وقتٍ بغلسه
طلعته سهله اذا تسمع شهاقه= مايطيق السجن اضبط مكبسه
ولو تبي تدخله زوغ في لباقه= وانكر انه يعرفك في مجلسه
ما جمعه الراجحي من بعد فاقه= غير من يومه تحكم في انفسه
وصار له دوله ولو يسمع زعاقه= ينقله من حبس لآخر برمسه
يحلبه كالعنز مايرحم شهاقه= لين ماينجب خميسه وسدسه
رد فلاح=
حسبك الله فالريال اطلق وثاقه= واعطه الورعان بكره مدرسه
وش يفيدك جمعها يابو طباقه= والعرب ماهمها الا المريسه
عشت وحدي لارفيق ولا بطاقه= ان بغيت البر والا الدسدسه
الرفيق اليوم مايامن سياقه= يوم يوفي معك والثاني حسه
من كنز فضه تردى من صداقه= ينكوي قلبه وجنبه وانفسه
ابذل المعروف لاتاجي الحماقه= عقب موتك متفيد الفرنسه
انت قد جاوزت اشعب في سباقه= والطفيلي مايجي جنبك ولسه
والريال ان كان قيمه بانفراقه=مابيه ولا علي لو زاد همسه
ذاك قارون الورق جعله بفاقه=الرباء ياكله عندي يامخسه
ان تبي تصبح كماه اقطع علاقه= بالمشاعر واترك النادي ولمسه

[ابوعبدالرحمن القريشي]

صح لسانك يا بو عبد الله

صدقت والله خل عنك البربسه

دمت بود

[العيناء العامريه]

الله عليكم

محاوره جد روعه >>>> تابعتها من الشات لكن هنا فيها شويه اختلاف

ضحكتوني من قلبي وربي ... ربنا يضحك قلوبكم وسنكم

واضفيتم جو من المرح حولنا

واحد ماسكها خنق والتاني فالتها فلت ...... هههههههههههههههههههههههههههههه هههههه


صح لسانك يابو عبدالله
وصح لسان فلاح

تحياتي لكم ولا حرمنا من خفه دمكم

[العيناء العامريه]

من شرى للدون لو هو بالبطاقه = خاسرٍ خسران بخلـه يمعسـه


دور الطيب وكون لـك صداقـه = تونسك وقت الغضب وتونسـه

صح لسانكم و فكركم ..... صدقتم والله

الغالي غالي و قيمته فيه
والرخيص باخس ما تماري فيه

تحياتي لكم وتقديري يا فطاحلنا
وهديه لابو عبدالله علبه بلاستر جروح

[الطامي]

هاهاههههههههههههههههههه
ابداع منطلق النظير
ياهو ريال سوا الهوايل
صح السنتكم
عمالقة من الوزن الثقيل

[الطامي]

ابيات طيبة من طيبين
لاهنتو
وحذرو البربسه
هههههههههههههههههههههههه
ابداع في ابداع