محاوره فكاهيه وتحدي القافيه

[نجم الإبداع]

كخه لزجر الطفل واضح رشدها = والا الكبير اليا تعدى فطخه
الأسهم اختلت وزادوا عددها = من عقب لحم الضان ترجع لفرخه

[الطائر المهاجر]

لفرخه اللي ما تتبل من الهيل = مثل العجوز بنومها دون فخه
دور بدلها هرش لو قاسي حيل = وعليك عظم الساق من قبل مخه

[نجم الإبداع]

مخه تسامى بالعلوم ابن خلدون = واليوم كل افكارنا شبه ناخه
حتى الشعر ولا زمان ابن زيدون = والبعد زاد اليوم ياحول شرخه

[الطائر المهاجر]

شرخه ولا ولع تبلل ولا فاد = راح وشرى غيره من اقرب بقاله
ويومن شرى الثاني وولع بوقاد= فجر بنفسه عن خبال وجهاله

[نجم الإبداع]

الهادي الله والفتن شرها زاد = من يوم غنينا مع البرتقاله
اظن هذي الملحمه وانت وراد = هذا الزمن لو صح عندي خياله

[الطائر المهاجر]

لاهٍ لهى في ملتهى عد الاجواد = واضحى يضحي بالجهل لو فطيسه
واغرى غراه اللي تغرغر ولافاد= حتى لقى في الملتقى له وجيسه

[نجم الإبداع]

يسهى لبيب الناس عن بعض الاوراد = والبحر ماكلٍ بحسه يقيسه
سألت عن فكره ولا خاب نشاد = والفكر مامل العلوم الونيسه

[نسناس الهوى]

يسهى الغريب بلهجة الغرب لاغاب = عن ديرته سنة ٍ ولا جا مجيزي
وليا بغى يوصف على الأهل ماجاب = تع تع لسانه ون حكا بإنجليزي

[الطائر المهاجر]

ايزي تعلمناها من الإنقليزي = واوكيه معها وقبلها كوه او قوه
تداخلٍ بين البشر ياعزيزي = والرابح اللي بالملايين صكوه

[نسناس الهوى]

وهّج القلب ذكرى في طعام ٍ يستلذّه = يوم هو جايع ولا له من مطاعم تنتخى
راح يم المَعَلمْ ناوي اللي يفذّه = لو بقى من طعامه مايسد الجوع يرخى