السجن الأدبي والكفاله بيت شعر

[الطائر المهاجر]

نعم من قدم السبت حصل الأحد

[علي سعود العازمي]

المشاركة الأصلية كتبت بواسطة عبير الورد

وشلون يصمل فيك ويصك الأبواب
العازمي لابد يسجن بدالك
هاتوه لو يقفون من دونه اقراب
قولو بوسط السجن تقعد لحالك

يجيلك يوم ياعبير

أنتي وشايب هههههههههه

[زهرة اللوتس]

ههههههههههههههههههه
ولا يهمك السجن للقدعان

[الطائر المهاجر]

السجن للقدعان قالته زهره= وانته من القدعان دام انت مسجون
ومن قدم الحسنا لقى الخير اثره= وانته بديت السجن راضي وممنون

[علي سعود العازمي]

كبوة جواد وطيحت الرجل عثره= مربط حصن سجني ماهو سجن صهيون
شجاعة الرجال تغلب بكثره= ولاتطفي الجمره على راس غليون
للمفرده معنى وللهرج شفره=والكاف ترتيبه يجي بعده النون

[الطائر المهاجر]

مادام ذا هرجك فموعدك بكره= اكفلك لو ادفع من الكاش مليون
فالملهمه جاتك على ظهر مهره= وابدعت في قافك وانا منه ممنون
بين الجنون وبين هالقاف شعره= فاحذر تعمق ثم نلقاك مجنون
ونادوا شجون ولو خذت الف عمره= حطوها في سجن الفطاحل بلا عون

[سناعيس]

يامن تودع بالسجن بنت ظفره=لاشك مخطي ياعويد(ن) بلا سنون
شجون حبوبه ولاهي بخطره=وعليك بالطامي شويّب ومفتون
دايم تقوله من تسمت بزهره=السجن للقدعان ان كان تقرون

:d:d

[زهرة اللوتس]

ههههههههههههههه
صحت السنتكم
متابعه
لك الله يا الطامي

[محمد بن عمار]

لاتأحذ الرجال ختلن وغدره & وهو بحاله والخلايق يشوفون @ مدام عودك شايف النفس زمره & يدخل بدل منصور موقوف مسجون

[عبير الورد]

وين الربع ياطير وين الجماعة
مامنهم اللي جاك والا سأل عنك
قالو تردى الطير من عقب طاعة
وجابوك وسط السجن لأن البلا منك
ياطير جبت القاف لاون ذراعه
كفالتك ياطير تصرف من البنك
ويجاب ابن عمار سمعن وطاعة
لاصار ابن عمار ياطير ساجنك