ليلة خميس وكل مشغول

[الطائر المهاجر]

طاروقك اللي تمايل زاد معه الهجوس= الجسم معنا وفكرك سارحٍ بنعسان
اظن تحلم وحلمك ما كفته الدروس = تبي التجاره وسهمك انحدر لحلبان

الطائر المهااااااااااااااااجر*فلاح بن منشار


صحة السنتكم

متابع من بعيد


تحيتي

[نجم الإبداع]

تخمني واقبل الخمه يانسل البسوس = تشب نار الفتن حتى بوسط ارمضان
اقول تب ياعويد الجن وتقول دوس = هتلر بجنبك صغيّر والله المستعان

[نجم الإبداع]

عبدالله المرشدي

حضورك يشرفنا ويسعدنا

كن قريبا


لاعدمناك

[الطائر المهاجر]

هتلر تولى وكلف من ترشحه دوس= وماغيرك اللي صلح للأمر مافيه ثان
لياك تنعس اذا منك تسوق الجموس = فك الدريشه وهيجن وارفع الليل لدان

[نجم الإبداع]

الليل حامي ومن يزرع يقّطْف الغروس = الله يسقي زمانك وانت بالصولجان
خففت عنا صلاة العصر يالعيطموس = دايم تلفق وتنوي الغدر باهل البيان

[الطائر المهاجر]

اذكرك يومك شباب مفحطٍ بالطعوس= واللي حواليك معجب بين معز وضان
رقمت وحده وقالت روح مابي تيوس = انا غزال ولابي غير ذاك الحصان

[نجم الإبداع]

ههههههههههه
طيب يابو عبدالله

[نجم الإبداع]

كويس انك باقي تذكر وتحلف غموس = وتغازل الصخله يوم الراس حله جنان
تلبس عبايه وتلبس في كفوفك دسوس = صادوك في صالة الافراح تعزف كمان

[الطائر المهاجر]

يومي اشوفك ببرقع مع العذارى جلوس = خبرت عني وانا اللي احسبك لي ومان
حتى بخساسه تخون بفعل بعض النجوس= ما كننا اشتركنا في المغامر زمان