استشارة للزواج ..!!!!!

[احمد الفارس]

,,,,,, امــــر فيه من الحساسية ( لكن يا عزيزي ,, عاشق )


إذا قلت انه متزوج وعنده ( زوجه واولاد ) يدل على أنه مرتبط بعائلة ,,,

وهذا يستلزم أنه غير مقطوع من شجرة ولا شيء ,,,,, وأن أولئك الناس الذين زوجوه

على علم بحاله طبعا ,,

لكن يا ( عزيزي ) لا بـــد أن تتثبت من الأمر لأن الأمر من ظاهر ه فيه ريبه

( من خلال معرفة الرجل بالبنت قبل الزواج وهي أيضا موافقة ) فلا تدخل نفسك في متاهات ...

,,, اتمنى لك التوفيق ,,,,

اسل عنه زين مثل ماقالوا الأخوان
بما انك واقفت تروح معه حاول تعرف كل شيء عنه
اصله وفصله عشان ماتتحمل شيء أو يكون اللوم علي

والله يكتب اللي فيه الخير

انا مع الطائر والعمل هو المقاس الحقيقي للانسان اذا ماتعرفه لأنه اذا هو غير منظبط في عمله غير منظبط في حياته
واذا قالوا لك الرجل من اي ناس من اي قبيله اذا كانوا النسابه قبيليين وش تبي تقول تبي تقول شفته بالفيصلية وجيت معه
لكن اذا بليت خلك مع رأي المهاجر ولكن اذا لم تحرج لك الوسيعة عن هالسالفة
لأن من استشارك دخل في ذمتك
دمت بخير

المشاركة الأصلية كتبت بواسطة الطائر المهاجر

اسأل عنه بدقه في عمله وحارته ومن اصدقاءه ونوعياتهم
قبل ان تذهب معه ، فإن ثبت انه رجل فتوكل على الله
او اعتذر بأي عذر

كلامك درر يابو عبدا لله بس لا حظ إنني ما استطيع
اسأل عنه لأنة بعديد هو في الرياض الجميلة وآنا
في قلعت ودران .. غير دوامي .. ولكن اليوم
بعد صلاة الفجر اليوم نقزت على الامام وسألتة وقال
اذا تروح معه لتشفع لة وتزكية وانت ما تعرفة يعتبر غش ،،
وهذا حقيقة واااضحة واذا تروح معه حتى الرجل يستطيع يثبت
نفسة ويستشعر الامان والطمأنينة بوجودك معه ما فية مشكلة على
اساس انة راح يتكلم عن نفسة .
والله الشباب ماقصروا مانت على راسهم لو ان بعضهم جاب لي
قلق وكل انواع الأرق ، خاصتا راجي وغريب الآه ..
هذولا لحالهم لازم نرد عليهم وشكلة الموضوع بيطول ..

[الطائر المهاجر]

هنا نقطة مهمة ، هو عارف انك منت معه في نفس الديره
اذاً طلبه في حد ذاته يثير الشك ، لأنه عارف انه رايح تاخذك النخوه
وتروح تزكيه ، وقد لايكون كفو للتزكيه ، فأنت عذرك واضح ،
والله ودي اساعدك من عيوني ، بس انت في ديره ونا في ديره
هل تقبل لو جيت ازكي واحد ليخطب اختك وانت تعرف اني في ديره وهو في ديره؟

المشاركة الأصلية كتبت بواسطة السفيرة

عادي اخوي توكل على الله وروح معه

اهل البنت هم الي راح يسالون ويتاكدون اذا كف او لا

انت ماعليك شي انت يبيك فزعة فقط لاغير والسؤال عليهم

تحيااااتي

السفيـــــــــــــــــــــــــ ـرة

على قدر ما اسعدني تواجدك على قدر ما ني مستغرب

من ردك كيف عادي واذا تسببت في تعاست البنت وخاصتا انك مثلها

وياعالم انسة ولا سيدة اعمال ..مو مهم المهم نفس شعورك ..

طيب قالوا لي عطنا (( السي في )) بتاعت الرجل وش اقول اقول جاااي فزعة ..

مااااااايصير يابنت الحلال كذا ..

اتمنى عودتك للموضوع مرة ثانية ولكن ضعي نفسك مكانها وادلي بدلوك ..

دمتي بخير

المشاركة الأصلية كتبت بواسطة محمد الشمري

والله ياعاشق على شان ما تدخل بدائرة

اللوم والعتاب مستقبلا فيما لاسمح الله لم يصلح حالهم

فعليك السؤال عن صاحبك كما قالوا لك الاخوان

حتى تعرف من هو الشخص الذي انت ذاهب معاه 0

فهذا زواج يحتاج تحري الدقة به 0

اتمنى لك التوفيق وان يثيبك الله بالاجر

دمت بخير

ابو نسب حياك الله ...

اسعدني مرورك

المشاركة الأصلية كتبت بواسطة منصور المري

وانا مع راي الطائر
الله يوفقك

منصور حياك الله

بس لا تطير بعيد ابيك بسوالف ثانية في نفس الموضوع

[ســُلاف]

نصيحة لا تدخل في امر زواج
ماينوبك الا وجع الراس
وعارف اهل حايل طيبين كثير ومستحيل يردون احد وهذا عيب وخاصة في وقتنا
لان فيه ناس ماتقدر هالطيبة وتستغلها للآسف
قبل تقول ابشر ومن عيوني وحاضر قله كلمني بعدين
ورد له بعد ماتكون فكرت

[عذب القوافي]

مع رأي دكتورنا

اسأل عنه بدقه في عمله وحارته ومن اصدقاءه ونوعياتهم
قبل ان تذهب معه ، فإن ثبت انه رجل فتوكل على الله
او اعتذر بأي عذر

تقديري .