قهوة= رجل ام إمرأة

[ابومياس]

حيالله ابو مياس راعى الطروح الزينه
فن عمل القهوة او حتى شربها بحد ذاته موهبة انا شخصيا من عشاق القهوة
واتذوقها بكل انواعها اذا سنحت لى فرصة ... لكن كل انسان له طريقة ومعايير خاصة فى القهوة التى يحبها وتضبط الكيف عنده فهى تخلف من شخص الى شخص .. لذلك هى مو مسالة المراة او الرجل فى ضبط القهوة هى مسالة انت كيف تحبها ؟؟؟
بالتالى نفس المراة او الرجل فى صنع القهوة يلعب دور لكن الذوق يلعب دور اكبر

انا شخصيا اعشق القهوة التركى لحد الجنون ... لكن ما اشربها من اى يد ولازم يكون سكرها خفيف فى الصباح ( علشان اضبط حلاتى طول اليوم ههههههههه)ومن غير سكر طوال النهار احبها ثقيلة شوى اما لقهوة العربى فانا احب القهوة السعودى او البحرينى بهيل ومسمار لكن اعشق القهوة الاردنية الثقيلة تضبط اجدع دماغ



بس اتوقع انه فنجان قهوة من يدك يعدل اكبر دماغ اشم ريحة الخبرة

تحياتى

صعبة المنال

حياك الله اختي صعبة

مرور جميل بس انا اسال هو لماذا الان يستعيبون على الرجل انه يصنع القهوة للضيوف في منزله

ويتساؤلون لماذا لاتصنع القهوة زوجته 0 وبعدها تجي سوالف

زوجته تامر عليه مشغلته بالبيت لها طباخ مسكين شخصيته مهزوزة مايعرف يهش ولاينش0

ومن هالكلام اللي يستنقد الرجل لماذا يصنع القهوة بنفسه0

واهل الكيف مايستمتعون الا بالكيف من يديهم 0


دمتي بخير وعافية وشكرا على التواجد

[ابومياس]

صباحك كييف مع قهوة الكيف البرية
والبن الهرري و مبهرة بالهيل والقرنفل والزعفران
صباحك فل وورد مع ريحة
الكافي والكابتشينو يا أبو ميوسة (كابتشينو إسم الراهب اللي يعمل هذا النوع من القهوة أعتقد))

انا من صغرتي وانا في بيت جدي كان جدي وخالي هم اللي يسوون القهوة خاصة انه
المشب والوجار على قولة البعض يكون بالمقهاة على قولة البعض اللي هو المجلس الآن صح <<<<طلعت الفلوكلوريات هههههههههههه

لكن من تغيرنظام البيوت والعلم ملوا من الوجار وشالوه من مجالسهم إنتقلت القهوة للمطبخ وأضيفت لعمل المرأة وصارت من إختصاصها


بالنسبة لنا الكل يطبخ ويسوي قهوة من بنات وشباب لكن عندي أخو مايعجبه غير قهوته لازم يومياً يسويها لو كان مشغول قال للشغالة بس تحط الموية على النار لين يجي
ههههههههههههههه
وطبعاً تعجبه قهوتي إذا لم أضيف لها نقاط من الحليب عشان كذا أحسب حسابه ما احط حليب أو أسوي ترمسين واحد بحليب واحد بدون لأني أنا اشربها بأضافة ملعقة صغيرة من الحليب السائل علي لتر من الماء للقهوة لأنه يمنع الحرقان فقط

هذا عندنا شي عادي يسوي قهوة يقوم يصلح الغدا او العشا ء حتى لو طلبنا منه اوقات نقول يا سعد نبي منك كبسة ولا تعشينا مكرونة حمرا ولا تسوي لنا قرصان
وعليه قرصان وحمص وكبسات خيال فنان
وكذلك اخوي وابوي من عرفته يساعد امي في الطبخ يوم كنا صغار ويفرش السفرة وكل شي ولا ينتظرها تطلب يقوم من نفسه قبل يجيه الكلام

أدري شطحت عن الموضوع

هاه سامع ياراجي

ياسلام عليك ام الزوز يعني مافيها عيب الان ان الرجال يصلح قهوته بنفسه

عندما ياتونه الضيوف وخاصة اذا كانت بالمطبخ يعني مافيه متسع انه يعدها

في قسم الرجال لضيق المكان او عدم بظل سياسة علب الصلصة للسكن

انا اذا دعيت احد الاصدقاء الى منزلي اقوم على طول واضبط القهوة

والشاي حتى لو كانت زوجتي جالسه ماعندها لاشغل ولامشغلة

يمكن استعين بها في غسيل الدلال احيانا0 حتى انني استمتع بكل

شي في اعداد القهوة 0

سلمتي ودمتي على المرور الرائع

وعلى فكره نسيت انك غيرتي اسمك

بس ليش على شان المقلب يعني ههههههه وبمناسبة هذا الاسم

انا ارى بارقة امل في انني اعمل فيك مقلب ثاني 0 تيمناً بهذا الاسم

عموما مبروك الاسم وجعله الله فال سعد وخير عليك0 وكفاك شر المقالب0

[ابومياس]

لا لا لا يا..... والله نسيت اسمك لحظة خليني اشوفه فوق

يا بارقة امل

دام الدعوه فيها طبخ ونفخ اسمحي لي يستريح اخوس سعد

بذمتك يعرف يسوف صلطة المحاربين القدماء

ها شفتي مايعرف اجل على اي اساس تقولين طباخ

يعرف يطبخ اسماك

اكيد مايعرف وثلاث ارباع اهل الرياض ماهم لم السمك ولا عرفو قيمته

الا عقب ما انتشر ت بؤر انفلونزا الطيور في الرياض


ام زياد >>>> اسف بارقة امل لا تغيرين الموضوع خلينا في القهوة

الله الله

عندنا الشيف غريب الاه بالفطاحلة

تكفى صيادية سمك الله ليهينك

اي والله اهل الرياض مايعرفون الا التدحرج من مطعم لمطعم

لاتنسانا بالصيادية 0

بالعكس برأيي أنه الموضوع ليس مخجل ومافي إنتقاص من قدر الرجل
فيه كثير رجال يحبون انهم يسون القهوه بأنفسهم يستمتعون بهالشيء
ويمكن بعد تعجبهم القهوه اللي يسونها أكثر .. يعني من حقهم عاادي
بس يمكن لأنه معروف أن المرأه هي المسؤوله عن هالأمور
نلقى البعض يستغرب هالتصرف .. يقول ليه يعني وأهل البيت وين راحـوا
مع أنه فيه رجال مو يسوون قهوه بس إلا يطبخون بعد عاادي
و الواحد في النهايه ماراح يلتفت لكلام الناس اللي مايخلص
دام هو مبسوط ومقتنع ماعليه من الناس
.
.
ابو ميــاس شكرا ً للطرح الواقعي والجميل
دمت بخير

[ابومياس]

الغالي ابو مياس

ممكن بس افهم وين يكمن العيب ان المرأة اهي اللي تسوي القهوة!!!!

والله ما اشوف فيها عيب ولا شي وانا ادخل المطبخ واطبخ واذا جيت الرياض اهلي

يحبون طبخي والامور ماشية اخر حلاوة

ابومياس خويك ماقلك وش العيب بالضبط

هلا وغلا فيك غريب

لا انا ما اقصد المرأة انه عيب انها تصلح القهوة

انا اقصد ان الرجال الان اذا جاء له ضيف طل براسه على اهل البيت

وقال لهم قهوة وشاي بسرعة عندي ضيوف0

وانا اقول ليش مايسويها هو بنفسه0

لدرجة الان اننا نطلع الى البر مع بعض الزملا وعمرة فوق الثلاثين

والله مايعرف يسوي ولا فنجال قهوة ولايدري ايش يسوي بها

فهمت قصدي انا اقصد الرجل وليس الحرمة 0

عموما كل خطوة لك هنا هي في القلب يابوثنيان

دمت بخير بس لاتنسى الصيادية يالغالي

[ابومياس]

ياسلام ابو مياس
طبقت كلمة الشاعر العربي اللي يقول ؟؟؟



يازين شب الضو خطوات حزه
في مجلسٍ ماوقصوله ابقازي
شبابهـا ورع سريـع مفـزه
شماليٍ وكنه اربوة احجـازي


انا القهوه عندي في المجلس بوجارها ومعاميلها
عادة الله لايقطعها
شكرا لك على الموضوع الشيق
ولاهنت

ابومحمد

ياهلا وغلا فيك

وضعت الزهور هنا بمرورك الكريم

لك الشكر يالغالي على الاستلال بهذه الابيات 0

دمت بخير

[الغريب]

ابومياس

ابشرك سألت ابو يوسف خوي هو وابوعمار خابرهم

اجمعو ان بعض الرجاجيل في قبيلة معينه عندهم عيب

ان المرأة تسوي القهوة وبعد التحقيق ومسكنا ابو يوسف بالقرنه وزنطناه

اعترف ويعزون السبب كون المرأة تحيض ( سوري)

قلت له طيب من باب اولى انهم ماياكلون من يدها ويروحون يسون اكلهم بيدهم

ولا هي بس على القهوة!!!!!!!! وبعدين الارنب تحيض والعالم تاكل لحمها وتطارده في البر.....


بصراحه انصدمت على مستوي التفكير

ابومياس لا تزعل الحق حق

بخصوص الصيادية ابشر من عيوني

احتمال بكون في الرياض نهاية الاسبوع

وش رايك تتغدا عندي ترى حضورك يشرفني

[ابومياس]

بالعكس برأيي أنه الموضوع ليس مخجل ومافي إنتقاص من قدر الرجل
فيه كثير رجال يحبون انهم يسون القهوه بأنفسهم يستمتعون بهالشيء
ويمكن بعد تعجبهم القهوه اللي يسونها أكثر .. يعني من حقهم عاادي
بس يمكن لأنه معروف أن المرأه هي المسؤوله عن هالأمور
نلقى البعض يستغرب هالتصرف .. يقول ليه يعني وأهل البيت وين راحـوا
مع أنه فيه رجال مو يسوون قهوه بس إلا يطبخون بعد عاادي
و الواحد في النهايه ماراح يلتفت لكلام الناس اللي مايخلص
دام هو مبسوط ومقتنع ماعليه من الناس
.
.
ابو ميــاس شكرا ً للطرح الواقعي والجميل
دمت بخير

الامل بالله كبير ونعم بالله

اهلا وسهلا بك اختي الكريمة

اها هنا اخالفك الرأي بان القهوة من صميم مسؤولية المرأة يا امل

القهوة ياعزيزتي هي بالاصل من عمل الرجل قديما والى الان هناك من هو متمسك

بهذه العادة الاصيلة انه هو من يعمل القهوة بنفسه 0

وسؤالي انا في هذا الموضوع لماذا يستنقدون الرجل اذا عمل

القهوة في منزله 0 لماذا يجعلون هذا الشي راجع لان الموأة لاتريد ان تطيع

زوجها لانه عمل القهوة بنفسه 0 انا اتكلم عن الانتقادات التي يواجهها الرجل

في صنع القهوة 0 فما بالك طلع براسه انه يعمل كبسة ايش راح يقولون

الناس لو يدرون0

امر واقعي في هذا العصر 0

شكرا لزيارتك الجميلة التي حملت لنا الزعفران0

دمتي بخير

[ابومياس]

ابومياس

ابشرك سألت ابو يوسف خوي هو وابوعمار خابرهم

اجمعو ان بعض الرجاجيل في قبيلة معينه عندهم عيب

ان المرأة تسوي القهوة وبعد التحقيق ومسكنا ابو يوسف بالقرنه وزنطناه

اعترف ويعزون السبب كون المرأة تحيض ( سوري)

قلت له طيب من باب اولى انهم ماياكلون من يدها ويروحون يسون اكلهم بيدهم

ولا هي بس على القهوة!!!!!!!! وبعدين الارنب تحيض والعالم تاكل لحمها وتطارده في البر.....


بصراحه انصدمت على مستوي التفكير

ابومياس لا تزعل الحق حق

بخصوص الصيادية ابشر من عيوني

احتمال بكون في الرياض نهاية الاسبوع

لا انكر وجود هذه الفئة يابوثنيان

وحتى في قبيلتي ولكن هم قله واوشكوا على الانقراض

بس انا اركزفي موضوعي على لماذا الان يتعايبون على الرجل ان يصنع القهوة

وليس المرأة0

الله يغنيك يابوثنيان

تحيا وتبقى يالغالي وانا اتشرف بك وبمعرفتك

واذا جيت الرياض لازم اشوفك 0

دمت بخير وعافية من الرحمن

المشاركة الأصلية كتبت بواسطة ابومياس

هي بالاصل من عمل الرجل قديما والى الان هناك من هو متمسك

بهذه العادة الاصيلة انه هو من يعمل القهوة بنفسه 0

وسؤالي انا في هذا الموضوع لماذا يستنقدون الرجل اذا عمل القهوه

اهـا أجل المفروض ينتقدون الي مايعرف يسوي القهوة
مو اللي يسويها ..
بس أتوقع السبب لأنه مع الوقت للأسف تتغير بعض الأمور
وتتخلى الأجيال الحاليه عن عاداتهم القديمه ومايهتمون فيها مثل السابق ..

كل الشكر لك ابو مياس عالتوضيح