مساجلة التحدي بحرفين فأكثر ومن بدعك

[نجم الإبداع]

يالله
تصادمنا
كل واحد يصلح سيارته

والله على رايك يابو عبدالله

وتشكر على التسهيل

نهني الفطاحل بالتميز وطيب القول = علوم الفلك في منتداهم وجزل القاف
رجالٍ لهم بالفكر صوله بعرض وطول= يسليك هذا المنتدى بلمسةالأطراف

[سناعيس]

ينهمر دمع عيني لا لحظتك مسافر=ويسكن الهم قلبي يابعد من غدالي
لاتسافر وتبطي البطى دوم كافر=لامني فيك خبل(ن) مايقدر مقالي

[سناعيس]

لاحووووووووووووول عجزنا نصيدكم

[الطائر المهاجر]

افا.. لاقلتها مانيب داري ويش معناها = سوى أن اللي حصل كنه خساره في زمان فات
نرددها وحنا ما عرفنا منين مجناها = فلا هي في قواميس الفصيح ولو نرددها مع الحسرات

[نجم الإبداع]

اتانا من صبا نجد الهوى وازدانت الأوزان = تناجى القاف بين افكار تتباهى مبانيها
مع دكتورنا جانا سناعيس اطرب الوجدان= من البعد انبرى قلب المولع في تساميها

[نجم الإبداع]

استاذنا
ابو عبداله
اخوي
سناعيس
يعطيكم العافيه
واصلووووووووا
لاعدمت هذي المشاعر

[سناعيس]

يهاب القاف من قاف(ن) يجي زاحف من ابن منشار=ويصير مدوه للرجم في ليل(ن) بهيم وحالك الظلمه
ولاهان اللذي هاجر واسمه طير وكفيخه نسمعه لاطار=يجيب الصيد ويجزل بالقصيد وجاب أنواع من علمه

[الطائر المهاجر]

مهما احاول اصحي ليلنا النايم = القى البعض مايبي نصحى من النومه
وده نسير بطريق الجو به غايم= ندفن خمال الجهل بآهات مكتومه

[نجم الإبداع]

مهجة الصب يكويها لهيب الغرام = كل قردٌ بعين امه تشوفه غزال
خل راعي الهوى يحترْق وصط الضرام= ليش يعشق وهو من قبل مرتاح بال

[الطائر المهاجر]

الله اللي عطانا فكر ندرك وجوده = نعرفه بالدلايل ثابته بالوجود
ومن مشى بفكر غيره استمر برقوده= تحرقه شمس تطلع ماتعرف الحدود