لاتعتذر مانيب من يقبل اعذار(بالصوت)

[ياسر عبدالرحمن الخالدي]

تبين اغنّي واعـزف الكـذب اوتـار
واقول انتي الشمـس فـوق العنانـي
من شان بسمه تروي لظام الاشجـار
وتنقـذ ورود العمـر قبـل الدفـانـي


صح لسانك يالدكتور

[الخنساء]

المشاركة الأصلية كتبت بواسطة الطائر المهاجر

لاتعتذر ما نيب من يقبل أعـذار= ولا نيب من يخدع بهرج الغواني
ودي اعذرك لكن جـروحي كبار= وودي بشوفك غير عقـلي نهاني
لامن ذكرتك قمت اسجم بالافكـار= ومن كثر صدماتك اجامل واعاني
اسقيتني في بادي الـوقت الامرار= واليـوم جيت تكمّـل اللي لضاني
ما أحتمل جورك كفاني الزمن جار= خصمين ضدّي ليش ربي بلاني؟؟
يا موقـد النيران خفف على النـار= احرقت قلبي وش تبي بالمحاني
اصرخ ونادي وانتظر زين الاخبار= يرجع صدى صوتي يحطم كياني
ما كنت احسّب دورة الوقت لا دار= وما كنت افكّر انطعن منك ثاني
يا قــاتلٍ قـلبي بـلا ذنب أو ثار= تمشي بجنازة واحد وانت جاني
تجينـي تتعــذّر وتلـعب للادوار= لعبه وانا ادري اللعب ماشٍ خفاني
ويـلك من الله كاشفٍ كل الاسـرار= وش كان ذنبي يوم جورك وطاني
ذنبـي احب بصـدق ما نيب غـدار= واللي على قلبي يقـوله لساني
تبين اغنّي واعـزف الكـذب اوتار= واقول انتي الشمس فوق العناني
من شان بسمه تروي لظـام الاشجار= وتنقذ ورود العمر قبل الدفاني
كنك نسيتي اللي مضى يومنا صغار= طفلين نلعب لين وقت الاذاني
ندله سوى طيرين في وسط الازهار= واحميك من زلة فلان وفلاني
حتى كبـرنا وابتـدا حب الاخيـار= من غيرتي ما طيق وجهك يباني
اقف بـذيك الـزاويه تقـل سبّار= وتمشي على مهلك وانا ادري عشاني
ولا من تقـابلنا بدى الدمع ينهـار= ما كننـا شفنا بعض من ثواني
وتبدا السوالف همس في عشق الاطيار= وعيوننا تضحك وترسل تهاني
ونخطط الاحـلام في كل اصـرار= بيت السعاده والأمل والأماني
والخـاتمه اطعن بقلبي بـلا انـذار = ياليت منتي من طعني عياني
هـذي النهـاية واضحه دون انكار= شوفي حدٍ غيري بحبي وحناني
حبٍ بديتـه اشطبـه كن ما صـار= وانتي اعدك مثل من كان فاني

صح لسانك مشرفنا
قصيدة رائعة لاهان راسك
اعانك الله ويسر امرك
سلمت وسلم شعرك
دمت بخير

[الـزلـزال]

ما كنت احسّـب دورة الوقـت لا دار=وما كنت افكّـر انطعـن منـك ثانـي
يا قاتـلٍ قلبـي بـلا ذنـب أو ثـار=تمشي بجنازة واحـد وانـت جانـي

الطائر المهاجر

تسلسل وترابط في النص زاده جمال على جمال فكرته


دائمآ محلق في سماء الأبداع الشعري بكل مميز


صح لسانك ملايين ملايين


تقبل فائق تحياتي

[عذب القوافي]

صح لسانك

نص وافي من وافي أبوعبدالله

كتبت فأبدعت

تقديري.......

[منيع]

ابيات جميلة

تمشـي بجنـازة واحــد وانــت جـانـي

والمثل يقول

يقتل القتيل ويمشي بجنازته
تحياتي لكم

[ماجد الزيد]

صح لسانك يالطائر المهاجر

صح لسانك مدد بلا عدد

تحيتي لك ،

[الطائر المهاجر]

شكرا لأخي فلاح
على كريم الحضور والتفاعل
لاهنت
تحياتي

[مبروك بن ماضي]

استاذي النبيل الشاعر العلم / عثمان العبدالله
صح السان وجاد البيان وسلم البنان
وما يقول مثلي في مثلك يا دكتور؟
غير : قرأنا، وسمعنا واستمتعنا!
هنيئاً لنا أن مررنا بالدرب الذي تترك فيه أثرك.
سجل اعجابي الممتد لسمو حرفك بلا حد
وتقبل تحياتي وفايق الاحترااااااااام ،

[الطائر المهاجر]

شكرا لأخي الفاضل ابومياس
على كريم الحضور والتفاعل الرائع
لاهنت
تحياتي الطيبة

[العيناء العامريه]

ما اروع هالابيات يا لطائر المهاجر

صح لساانك و قلبك

وربنا لا يحرمنا منك

تحياتي