حكمة اليوم

[منيع]

إليا خاب ظني بلرفيق الموالي=مالي مشاريه على باقي الناس
ياجعل قصر مايجي له ظلالي=ينهد من عالي مبانيه للسـاس

محمد السديري

[الطائر المهاجر]

معادن الناس تظهر لابدت شده= احدٍ اصيلٍ واحد في معدنه داني

الطائر المهاجر

[منيع]

كم واحدٍ له غايةٍ مـا هرجهـا=يكنها لوهـو للادنيـن محتـاج
يخاف من عوجاً طوال عوجهـا=هرجت قفا يركض بها كل هراج

محمد السديري

[الطائر المهاجر]

من صاحب الأجرب على الحول يعديه= ومن صاحب الخيّر نجح في اختياره
فالرجل من صحْبته واللي يخاويه = فاختر رفيقك صقر ماهو حباره

الطائر المهاجر

[منيع]

ترى حلاة الخوي ليا طالت المـده
ماهوب نوب صديق ونوب قوماني
رفيقي اللي مصافيني على الشـده
وإلا الرخا واجد ربعي وصدقانـي

(سليمان بن شريـم)

[الطائر المهاجر]

اكبر غلط انك تعمم بلا قياس = على الجميع اخطاء قلّه رديّه
فاصابعك ماهيب واحد بمقياس= ومن عمم بحكمه فلا به رويّه
فاخوك من كف الأذى عنك باحساس= وعاملك بالمعروف في كل هيّه
من عاملك بالطيب حطه على الراس= ومن عاملك بالخبث عامله زيه

الطائر المهاجر

[الطائر المهاجر]

ما كل من نشن فصياد ماهر= ولا كل من ركب الفرس قاد غاره
ومن طاوع اللي في الملذات سادر= يصير مثله في الردى والحقاره

الطائر المهاجر

[منيع]

الطيب ما نستكثره من هـل الطيـب
اللي لهم في ماكـر الطيـب خبـره
أوسع على الاجواد من روضة شعيب
واضيق على الانذال من ثقب الإبره

(حامـد بن مايقـه الحبـابـي)

[منيع]

ودنا بالطيب بس الزمن جحاد طيب
كل ما تخلص مع الناس كنك تغشها
يدك لامدة وفا لا تحرى وش تجيب
كان جاتك سالمه حب يدك وخشها

(سعـد بن جـدلان)

[الطائر المهاجر]

من يشكي لغير الله تعرّى من ورا لباسه = لقى فيه العرب مدخل ضعيف وزادوا العله

سرّك اذا جاوزك كلٍ به اشترى = وتجيك المصايب ما تجابه دبورها
غموضك يحيّر من نوى فيك يغدرا= وكثرة هروجك نقص فاقطع جذورها

من حكى لك حكى بك لو من الأقربين= ومن كشف ستر بيته كاشفٍ لدبره
وكل سرٍ تعدى اثنين لازم يبين= ينتشر ثم ياصل من جهلت خبره

الطائر المهاجر