اعمل المعروف وارمه في بحر

[عمر ال شيبي]

المشاركة الأصلية كتبت بواسطة الطائر المهاجر

اعمل المعروف وارمه في بحر = ولا تفكر بالربح والاّ الخساره
واعرف انه لو يجي منه الضرر= جالبٍ للخير لو طال انتظاره
ادري انك قد تواجه من نكر = جاحد المعروف يحسبها شطاره
وقد تلاقي من يبادرك الشكر= لو نسيته دايمٍ فيك افتكاره
كلمةٍ تشعر بها عز وفخر = من بعيد وجاهل ملفى دياره
تذكرك عن فعل في ماض انحسر = وتدفعك للخير ما تترك مساره
وكلمةٍ من جاهلٍ فيها عبر = لو تحس بحرقها مثل الشراره
تدرك ان الخلق إلا ما ندر = تجحد المعروف في عصر الحضاره
تكشف الشدات انواع البشر= وتعرف الشيهان واشباه الحباره
فالرجل ماهو بماله لو كثر = ولا هو بأصله وفصله وافتخاره
الرجل مثل الذهب طول الدهر= ما تأثر بالبروده و الحراره
والرجل منهو تسامح لااقتدر = ماهو اللي كل همه اخذ ثاره
شعبثيٍ ف المشاكل له نظر= كل يومٍ في المحاكم له خفاره
ينصر الظالم على ضعيف احتقر= وياكل حقوقه بظلمه والفجاره
والرجل بالفعل ماهو بالظهر = ياصل لعلياه عن جد وجداره
حوله رجالٍ تنقى في حذر= مابهم خادع ولا فيهم خكاره
كالمرايه صادقه للي نظر = ما تشوه للحقايق في مهاره
الوطن بقلوبهم سر وجهر = والمواطن همهم في كل غاره
والرجل من يعرف الله ما كفر= دائماً يخشاه في السر وجهاره
ما يتاجر بالعقيده لو طفر = ولا ينافق شان ياصل للصداره
التواضع منهجه مهما كبر = ما تغيّره المناصب والتجاره
عارفٍ للعمر لو طال وقصر = بالنهاية راحل بغير اختياره

اللهم صلي على النبي

روعه روعه فوق الوصف
صح لسانك لا هنت

وكاني اسمع محمد عبده يغنيها وانا اقراها

[نجم الإبداع]

الله الله

صح لسانك يابو عبدالله

مصافحه تزهو براعة وحكمه

لاهنت

تقبل مروري

وتقديري

[الخنساء]

اعـمـل المـعـروف وارمــه فــي بـحــر

ولا تـفــكــر بـالــربــح والاّ الــخــســاره

واعـرف انـه لـو يجـي مـنـه الـضـرر

جـالــبٍ للـخـيـر لــــو طــــال انـتـظــاره

ادري انـــك قــــد تــواجــه مــــن نــكــر

جـاحـد المـعـروف يحسبـهـا شـطــاره

صح لسانك مليووووووووون ولايكفووووووووووون

قصيدة جزلة من شاعر متمكن

سلمت ودام بوحك الهادف

[الطائر المهاجر]

شكرا الطامي
على كريم المتابعه
لاهنت
تحياتي

[فارس القوافي]

اي والله

الله الله

لاهنت لاهنت ياشاعري الاول

صح لسانك

لاهنت


يعطيك العافية

دمت بخير

[سناعيس]

صح لسانك يابو عبدالله

جزله وهادفه
لاهنت

تحياتي

[الحربي عبدالله]

فالرجل ماهـو بمالـه لـو كثـر
ولا هو بأصله وفصله وافتخـاره

الرجل مثل الذهـب طـول الدهـر
مـا تأثـر بالبـروده و الحـراره

والرجل منهـو تسامـح لااقتـدر
ماهو اللي كل همـه اخـذ ثـاره

صح لسااااانك ويسلم راسك

على هذه الدره الجزله

تحياتي لك ..

[الراقي]

قلم رائع .. شاعرا رائع .. ابيات رائعه

صح لسانك مدد وعطاء لا ينقطع ..

لك كل الود

[الـزلـزال]

الطائر المهاجر

نص تطرز بالحكم والأتقان
من شاعر متميز ورائع في كل نصوصه
أبدعت وأمتعت شاعرنا الراقي المميز
حلق ولنا الستمتاع بكل تحليقك الشعري
صح لسانك ملايين ملايين
ولك فائق تحياتي وتقديري

[عبدالرحمن بن زهير]

كتبت فابدعت يا بوعثمان صح الله لسانك وعساك على القوه ودائما تتناول مواضيع اجتماعيه مهمه...تحياتي ولك تقديري واعجابي