((أطوي مسافات ))

[صعبة المنال]

(( أطوي مسافات ))


بيـن العنـاء والهـم أطــوي مسـافـات
راحــت حيـاتـي مـاتـعـرف السكـيـنـه
واستبدلـت احــزان صاحبـكـم ابـيـات
والـحــس تـرجــم ماتـخـطـه يـمـيـنـه
وغابت عليّ الشمس في ماضين فات
وعجـزت اعيـش الـمـر تـبـت يديـنـه
ولي صاحب(ن)معروف وقت الملمات
لــه وقفـة(ن)لاشـك بيـضـاء رزيـنـه
والـحـرف جـاكـم منـمـزج بالتـحـيـات
ياشاعـر(ن) جتـنـي حـروفـك ثميـنـه
راسي غزاه الشيب يالذيب مـن جـات
بـنـتـن حـبــاه الله روح(ن)حـسـيـنـه
وبـنـات فـكــري والألـــم والتـنـهـات
محتـارة(ن)والـقـاف عـــرّق جبـيـنـه
والطرس ناصع والقلم صـب الأبيـات
تـرجــم عـنـايـا والـهـمــوم الـدفـيـنـه
وسـعـود شاعريفـهـم الـسـر بـالـذات
ولـه تجربـه قدعـاش لحـظـه حزيـنـه
مهمـا سليـت الـولـف حـيّـن فـلامـات
لـونــي نـزلــت الــبــروالا الـمـديـنـه
والنفـس جاهـا مـن بعـدهـا مـجـازات
روحـــي مـعـاهـا تحتـجـزهـا رهـيـنـه
ومنهـا غـدى قلبـي حمـولـه ثقـيـلات
والجـوهـره يـاخــوك هـــذي ثمـيـنـه
والـقـاف رده مــع بيوت(ن)جـديـدات
حـالـي انــا يـاخـوك راحــت غبـيـنـه

عبد الكريم


صح لسانك وفكرك


صعبة

[مبروك بن ماضي]

الاخ الفاضل الشاعر / عبدالكريم بن خزيم
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

[يوسف بن صالح]

واستبدلـت احــزان صاحبـكـم ابـيـات
والـحــس تـرجــم ماتـخـطـه يـمـيـنـه
_ _ _ _ _ _ _ _ _ _ _ _ _ _ _ _ _

اخوي : عبدالكريم بن خزيم

صح لسانك ولاهنت

جزلة من شاعر متمكن


لاعدمتك ..

[ســُلاف]

بيـن العنـاء والهـم أطــوي مسـافـات
راحــت حيـاتـي مـاتـعـرف السكـيـنـه
سلامتك من الهم والله يرزقك راحة البال
والنعم فيك وفي سعود
عبدالكريم وصح لسانك

[الطامي]

بن خزيم
صح السانك وعلى شانك
ولاهنت

[داعي الشوق]

يا سلام عليك يا عبدالكريم

كلمات ومعاني جزله

صح لسانك

[عذب القوافي]

صح الله بدنك ابومياس

ووجهك ابيض يالغالي

دمت بخير حال

تقديري .

[نجم الإبداع]

ارحب يابن خزيم

صح لسانك

قصيده وافيه من وافي

ابدعت ياشاعر

لاهنت

فائق الاحترام

[حي الضمير]

صح لسانك اخي الشاعر عبد الكريم
جزله وعذبه

[ابراهيم عبدالحميد]

كلمات و معانى قمه فى الرقى و الإبداع
سلمت يداك و دمت لنا