ياغلطة التاريخ ياكذّابه !؟. (من جديدي)

[داعي الشوق]

صح لساانك يا مبدع

قصيده تستحق المرور اكثر من مره لجمالها

صح لسانك مدد

مع تحياتي لك و لابداعك

[الخنساء]

تشهد كفوف الدعوه الّلهابه
-------------على لسان عيوننا المعصوبه

يارب هذي روحي الاوّابه
------------- توبه وتوبه هاذي آخر نوبه
صح لسانك مليوووووووون
قصيدة جزلة نت شاعر متمكن
سلمت ودام بوحك

[بنت النور]

صح السانك وعتلى شانك

لاهنت

[حي الضمير]

مدد صح لسااانك شاعرنا
ابدعت حيل يامميز
ولافض فوك

[الطامي]

العياش
صح السانك ملايين
ابداع مميز
لاهنت اخي

[طوفـــان]

صج لسانك شاعرنا عبدالكريم على طرحك الرائع

جزل وقرم وفالك الطيب


لك تحياتي

[البديح]

درة جميله وثمينه
احسنت
ولا هنت
تحياتي وتقديري

[شاكـر محمـد]

إيه ياعمي
هذا شعر وهذي مشاعر
صح قلبك وكلك
عذبه من عذب وطيبه من طيب
بالتوفيق

[عبدالله الشويمان]

المشاركة الأصلية كتبت بواسطة عبدالكريم العياش

الضحكه بعين الصدف نصّابه

-------------- تكسر مرايا روحها المسلوبه

تفتح متاهات الغلا لعّابه
------------------باللعبه اللي قبلها ملعوبه

ياشين بعض ظروفنا الغلاّبه
---------------- لانامت ايتام الزمن مغلوبه

يالصدفه اللي بحزنها جذّابه
--------------خضوعها سجدة سهو مكتوبه

لو ترفع بوجه العنى السبّابه
----------- بلمح البصر من عرقها مشذوبه

ايه اعزفي حزن الوجع ربّابه
---------------على شموخ الجثه المصلوبه

مادامت ديود الابل حلاّبه
---------------عيشي معي في لذة الاكذوبه

ودام السماء تفتح لك البوّابه
-------------روحي لها عن ارضنا المقلوبه

وخلّي لنا نار القهر شبّابه
-------------بصدر الزمن تحرق بقايا ثوبه

ياغلطة التاريخ ياكذّابه
-------------- -هِدّي الاماني لاتخلّي طوبه

وقولي بصحراء البيد للحطّّابه
--------------- حلم الطفوله اعلنوها توبه

غلطة زمن عدّت على الكتّابه
---------------- وجتنا بأبهى حلّةٍَ مجلوبه

وأسقت سموم الزيف للشرّابه
------------- وسكروا وغنّوا طيّبه حبّوبه

طمّن ظلام الظلم والنّهابه
-------------- الذاكره في عصرنا مثقوبه

تشهد كفوف الدعوه الّلهابه
-------------على لسان عيوننا المعصوبه

يارب هذي روحي الاوّابه
------------- توبه وتوبه هاذي آخر نوبه


عبدالكريم العيااش

لله درك يا اخ عبدالكريم..

نص فاخر عانق النجوم..وهذي هي عادتك..

صح السانك الين ترضى..

[ابو أنس]

الفاضل عبدالكريم العياش.................
نص مصنوع ومتعوب عليه ولاغرابه
فمن تتبع نصوصك يعرف انك تنحت من صخر

يارب هذي روحي الاوّابه
------------- توبه وتوبه هاذي آخر نوبه

توبه وتوبه علها آخر توبه
لاتقيد نفسك فالنفس كثيرة التفلت
تحيتي وودي