الميدان ياحميدان...للجميع

[الطائر المهاجر]

خلاص انا وياك ناخذ لنا قروض = والربع خالي تملكه ما تعنيت
ونفتح سهم نبيع ما ينتج الروض = بعد الربيع وتنبت الأرض حلتيت

[نجم الإبداع]

يكفيني الي صار والقلب مقبوض=السوق حله يابن الاجواد عفريت
خذ لك تكيسي وانقل سهير وغيوض=مشوارك ابخمسين لو رحت او جيت

[الطائر المهاجر]

فكرك في الأسهم صار بالحيل ممروض= هذي ماهي اسهم اذا ما تمليت
الطب صار اليوم بالنصب محظوظ = فخلنا نجرب طب حلتيت مع زيت

[نجم الإبداع]

افكارك السوداء بها العلم مخضوض=هذا دجل يجلب على المخ تشتيت
تبي تودينا السجن شي ملحوظ= يالله طلبتك ثبت العقل تثبيت

[الطائر المهاجر]

ياخوك كب الفقر خلك لك انهوض = مثل الصقر ينهض ولا ينتهي ميت
وإلاّ مثل ذيب ولا يعرف اربوض = يطرد لزرقه ما يمسي بمليت

[نجم الإبداع]

ياصاحبي واضح ولا عندي اغموض= على الآمانه والوفاء قد تربيت
لوني حرامي كانني اليوم عاضوض=يشوفني ربي لو اني تخفيت

[الطائر المهاجر]

ما يجتمع فقر وخوفٍ ابمهيوض = خلك عصامي واطلب اللي تمنيت
سرق الحرامي جايز وشبه مفروض= على الفقير اللي كبر ما عمر بيت

[سناعيس]

قواكم الله
واصلوا الله لايهينكم
ماسكين الصفوف وطربانين ومستمتعين

[ياسر حامد الجهني]

شكرا على هذه الأبيات الرائعه والقافية المتميزه

أبدعتوا ولكم جزيل الشكر