الموت حولك من وراك وامامك

[حرف وشعر]

المشاركة الأصلية كتبت بواسطة الطائر المهاجر

تدري وش اللي ما يثير اهتمامك= انك تفكر لحظةٍ في نهايتك
لا زلت غافل ف الحياة بمرامك = كنك مخلد تشغلك دوم غايتك
الموت حولك من وراك وامامك= نبضات تاقف وانت داله بدنيتك
تركض وراها مغرمٍ في هيامك= متجاهل انك راحل حين حزتك
وين الحبايب من خوال وعمامك= ويمكن شقيقٍ او شقيقه وعمتك
فرصتك تصحى دام انت بمنامك= تراجع حسابك عن يقينٍ بنيتك
لا يجرفك تيّار يمسك زمامك= وينسيك دينك او تساهل بسيّتك
مادام مسلم ليش تكسب آثامك= وتطاوع اللي كل همه غوايتك
تبي تحضر لو مشيت بعتامك= يمكن تحضر دون تفقد هويتك
من دون دين فعاثراتٍ سهامك = ومن دون علم فخاسرٍ رغم فطنتك
بالدين ويا العلم يعلى سنامك= بين الخلايق رافعٍ دوم رآيتك
لدنياك تعمل كود ترفع مقامك = وللآخره تعمل تدور لجنتك
عدو دينك تقهره في صيامك= وحتى صلاتك تلسعه مثل كيتك

ياسلامي عليك يالمبدع

هذا هو الشعر الذي يبقي

في الصحايف الصالحه

والذي قد ينفع الله به غافلا

فتكون له العقبي الحسنه

بأذن الله

بارك الله فيك يالطااير ونفع بك

امين

[سناعيس]

صح لسانك يابو عبدالله
قصيدة طيبه من شاعر جزل
لاهنت

تحياتي

[الخنساء]

بالدين ويا العلم يعلـى سنامـك

بين الخلايق رافـعٍ دوم رآيتـك

لدنياك تعمل كود ترفـع مقامـك

وللآخره تعمـل تـدور لجنتـك

عدو دينك تقهـره فـي صيامـك

وحتى صلاتك تلسعه مثل كيتـك

صح لسانك مليون ولايكفون
قصيدة جزلة من شاعر متمكن
سلمت ودام حرفك

[نجم الإبداع]

الله عليك

صح لسانك وفكرك المستنير

لاهنت ابو عبالله

مودتي

[حوريه]

نص رائع ومعبر
صح قلبك الطاااائر
ودام عزك

[الطائر المهاجر]

شكرا عبدالله
على كريم الحضور والمتابعه
تحياتي

[داعي الشوق]

بالدين ويا العلم يعلـى سنامـك

بين الخلايق رافـعٍ دوم رآيتـك

صح لسااااااااانك

[عبدالله مذكر العقيلي]

الله الله

صح لسانك

جزله من شاعر جزل


دمت مبدع

[صعبة المنال]

لا زلت غافل ف الحياة بمرامـك
كنك مخلد تشغلـك دوم غايتـك
الموت حولك من وراك وامامـك
نبضات تاقف وانت داله بدنيتـك


صح لسانك

صعووب

[ابوعزيز]

صح لسانك واعتلى شأنك
ابيات رائعه من شاعر رائع
لاهنت

دمت بخير