ياخوي يا محزمــي يا عصبـــة الراس

[سناعيس]

يا خوي واجعل مجلسك خير مجلاس
واجعل دخون الذكر وسطه يخـوي
وتخير الاصحاب ذربيـن الاجنـاس
واشو الكبود اللي حسـوده تشـوي

الفاضله رفيعة الشان
صح لسانك ولله درك
على هذه الرائعه
لاهنتي


تحياتي

[الطائر المهاجر]

صح لسانك واعتلا شانك
وسلم بنانك وفكرك
تحياتي وتقديري

[عبدالعزيز ابراهيم المنصور]

كَلِمَات فاقَة الجَمال

حَقَيقة وليست مُجَاملة

استَمْتَعتُ بِقوتِه

ورُحُ الأخوة بَين حَنايَاك

أشًكُرُكِ عَلَى هَذا النَّص

دُمْتِ مُبْدِعَة

دُمْتِ بِخَير

[داعي الشوق]

صح لسانك يا رفيعة الشان

قصيدة بها من النصح والارشاد الحسن

أبدعتي وصح لسانك

،،،،،،،

[الخنساء]

المشاركة الأصلية كتبت بواسطة رفيعة الشان

في هذه القصيدة أصور فتاة تنصح أخيها وتنبهه وتذكره بالرجوع إلى الله
وتقول له انه لن ينفعه سوى عمله الصالح وجليس الخير
وأنها امرأة حتى وان كانت قوية بين الناس وتُذكر بالخير فإنها تظل في النهاية
أنثى مغلوب على أمرها و مساعدتها لن تفي بالغرض ولكنها ستقوم بما عليها
حيث ستحفظ اسمه وتصون عرضه وتذكره بالرجوع إلى الله
وتقول له أن يترك الحساد الذين لا يريدون له الخير ولا ينظر لهم .

.


.


.

يا خوي يا محزمي يا عصبة الراس=وش عقب ما سويت ودك تسوي
غشى على وجهك شرود و تعوماس=وش عقب ذا التفكير راسك منوي
غَفْلَتْك في الدنيا غدت كنها الفاس=اللي على راسك يطيح ويدَوي
ياخوي ما ودي لك تعيش باتعاس= ويالقرم ماودي لك تطيح توي
وانا قريبة لكن اضعييفة باس=وضوي ياولد ابوي ماهي بضوي
لكن اعاهد راسك اني مع الناس=باكون لك فخرٍ و ذيبٍ يعوي
وباكون لك سفير عزٍ ونبراس=للخير واللي ودك اني اسوي
بس انت البس لك من الخير ملباس=وارفع مقامك عند ربك وطوي
صحايفٍ لك ماضياتٍ بها ناس= للذنب واحقار الكرامة تضوي
يا خوي واجعل مجلسك خير مجلاس=واجعل دخون الذكر وسطه يخوي
وتخير الاصحاب ذربين الاجناس=واشو الكبود اللي حسوده تشوي
ذقت الفرح والفوز ذقت التنوماس=وجوك بها لا زان يا زين جوي
لكن صدق الفرح يا خوي ينقاس=بالذكر وكتاب الله اللي يروي
يروِ النفوس الظامية للتنفاس=ويروِ النفوس اللي لظاها مكوي
وياخوي عقب احكاي ذا والتعوماس=وش عقب ما قلت الك ناوي تسوي

؟

صح لسانك اختى الشاعره رفيعه

لاهان راسك قصيدة رائعة

سلمتى ودمتى بخير

[الـزلـزال]

رفيعة الشان

يا خوي واجعل مجلسك خير مجلاس=واجعل دخون الذكر وسطه يخـوي
وتخير الاصحاب ذربيـن الاجنـاس=واشو الكبود اللي حسـوده تشـوي
ذقت الفرح والفوز ذقت التنومـاس=وجوك بها لا زان يا زيـن جـوي

نص شعري عانق السحاب وبكل جداره

فيه نصح موجه باحكام وفيه خوف على غالي

أستمري في نزفك الشعري غاليتنا فلبوحك مذاق أخر

صح لسانك ملايين ملايين

ولك مني فائق التحيا

[رفيعة الشان]

المشاركة الأصلية كتبت بواسطة فريد الحرف

ذقت الفرح والفوز ذقت التنومـاس
وجوك بها لا زان يا زيـن جـوي


الله الله الله ...

رفعية الشآن

انتي اسم على مسمى


ويشرفني من جد انا اول من يرد عليك يالغلا ..


تصاوير + شعر + تمّكن وآآضح


فصح لسانك يالغلا

الاخ الشاعر الشامسي

صح الله بدنك ووجودك هو اللي مشرفنا

[رفيعة الشان]

المشاركة الأصلية كتبت بواسطة فلاح بن منشار

الله الله

رائعه يارفيعة الشان

صح لسانك وقلبك

ابدعتي شاعرتنا

لاهنتي


تقبلي مروري

وتقديري

مرحبا اخي ابن منشار

صح الله بدنك

[رفيعة الشان]

المشاركة الأصلية كتبت بواسطة عبدالله الثويني

أختي الغاليه والمُبدعه رفيعه الشان
أسم على مسمى ، ما شا الله تبارك الله
دُرر منثوره وكلمات نابعه من القلب
لا عجب بإنها ستتوجه للقلب مباشره
أسال العلي القدير أن يهدي كل ضال وأن يكثر من أمثالك
تقبلي تحيتي

الاخ الشاعر الثويني

صح الله بدنك

يسعدني انها نالت رضاكم

والله لا يهينك

[رفيعة الشان]

المشاركة الأصلية كتبت بواسطة الطامي

رفيعة الشان
صح السانكي بنتي
ابكيتيني عسى الله يهديه ويصلحه ويوفق الجميع سبل الرشاد
لاهان راسك يارفيعة الشان
وارقي فوق للعالي دام هالراس يشم الهواء
شكرا لكي

مرحبا والله ومسهلا

صح الله بدنك عسى ربي يطول عمرك ويخليك

ياارب

لاهانك ربي اسعدتني بمرورك وردك الجميل

تحياتي لتواجدك