ألــفية الفطـــاحــلــة

والزاي زانت في عيون القصايد= عطر القوافي بالمشاعر قلايد
يالله تحيي كل شاعر ورايد=بالسين غادي يا هلا بك وحيّاك

[الطائر المهاجر]

السين ساقتني حروفي على السين = لا قلت وينك قالت الدرب لا وين
ولا قلت عوذي من جميع الشايطين = قالت لحرف الشين دربي ونا افداك

الشين شاب الراس والقلب لا زال=يعشق سمينات المعاني ويختال
بنات فكره لأنتخى جات بالحال=والصاد ما نبغى الصدد لاعدمناك

[الطائر المهاجر]

الصاد صدرت القرارات بدري = وصار العمل يجري بسهل ويسري
كل قسم له مشرف ولا له بعذري= والضاد ضدي والتهاون بمرماك

الضاد مو ضدك ولا هو لك بند=وأنا يمينك فالرخا وساعة الجد
احكم بهد طويق وآجيك وأهد= والطاء طار النوم عني بمغزاك

[الطائر المهاجر]

الطاء طرى لي بعد هرجك سوالف = والطير لا منه فرد بالخوالف
يطير يبحث عن خوي موالف = والظاء ظهر امرٍ ولاهوب يخفـاك

المشاركة الأصلية كتبت بواسطة المشرف العام

الطاء طرى لي بعد هرجك سوالف = والطير لا منه فرد بالخوالف
يطير يبحث عن خوي موالف = والظاء ظهر امرٍ ولاهوب يخفاك

الظا ظفر الرجل لاحك جلده=أهون وفرق بين معطي وجلده
كريم سبلا منت رجال جلده=هذا كلامي وافهمه يا رعياك

[الطائر المهاجر]

العين عيا النوم يرقد بعيني = يقول وش بك دايم مبتليني
والناس تسهر مادرت بالغبيني= والغين غاب سهيل وسهيل لاقاك

[سناعيس]

الغين غرد يابيض الريش وحدك=مادام جوك صافي لايردك
غير الذي سوى جمالك وقدك=ولاتلتفت للبوم لامن تحداك

[نجم الإبداع]

الفا فلا بالارض مثل الفطاحل=متميزين بودهم والتواصل
مودةٍ ماهيب تحصيل حاصل=دخولهم من باب ماهوب شباك