قصيدة تجاريب

[صنداح الزلامى]

الحويطي صح لسانك مليون


قصيدة جزله جزله ولها من الحكمة

الكثير ولكن قد يكون فيه بعض الاخطى الاملائية

التي تعيق فهم القاري لها

[عبدالله راشد الثويني]

شاعرنا المُبدع /سعيد عوده الحويطي
صح لسانك مليووون ولا يكفوون ، أبدعت يالغالي
ماننحرم من طلـٌتك
تقبل وُدي

[ابو أنس]

الفاضل سعيد الحويطي................
نص جميل وطيل ويحمل توجه جميل للخالق
سعدت كثيرا بتواجدي هنا وطربت لقراءته
تحيتي وودي

[الطامي]

سعيد الحويطي
صح السانك ملايين
قصيدة وافية بالحيل وهادفة
طيبة بمعانيها وقافيتها لافض فوك
شكرا لك

[الطائر المهاجر]

صح لسانك
وسلم فكره
على هالجزلة من راس جزل
وشاعر متمكن
لاهنت
تحياتي الطيبة

[حوريه]

قصيده راائعه مفعمه

بالنصائح والحكم

رااائع ما قدمت سعيد

صح لسااانك واحساااسك

وطااااب الشعر

.

[الخنساء]

المشاركة الأصلية كتبت بواسطة سعيد عوده الحويطي

السادة اعضاء منتدى الفطاحلة
السلام علبكم ورحمة الله وبركاته

يسرني ويشرفني اناشارك معكم بهذه القصبدة والتي ارجو منالله عز وجل ان تحوز على
رضاكم واعجابكم و اعجاب كل من يطلع عليها

تقبلوا تحياتي...اخوكم ابو توفيق

يالله ياعالم خفيات الاحوال = يامنزل غيث المطر من غمامه
يارب تهديني على خير الاعمال = واجعل لنا حسن العمل في ختامه
يامنزل يونس وطه والانفال = يارب تهديني طريق استقامه
دنيا تغير كل يوما لها حال = ياسرع لفات الزمن وانهزامه
ومن لاحسب للامر في وقت الامهال = ماينفع الندمان عضة ابهامه
والعمر يمضي بالتمني والامال = والرزق عند اللي كثيره انعامه
وكثر الحذر ماينفع العمر لوطال = ولابد له من يوم يبلغ تمامه
ويصير في قبر من الرمل ينهال = وحيد في قبر شديد ظلامه
ويشوف ماقدم ولو كان مثقال = في ساعة ماتفيد فيها ندامه
ويوم اللقا ماينفعه مال وعيال = ويقرا كتابه في يدينه امامه
اما نعيم بجنة الخلد مايزال = والا جحيم مايطفى ضرامه
ومن جرب الدنيا توريه الاهوال = والعاقل اللي زاد فيها افتهامه
واليوم باكتب ماطرالي على البال = امثال من درس الزمان وعلامه
تجارب جربتها قول وافعال = ماهي خيال عايش في اوهامه
ثلاث منهو حازهن حاز الافضال = ومن دور العليا يشدن حزامه
الدين ثم الجود والثالث المال = يرقى بهن للمجد عالي سنامه
وللوالدين بديننا قدر واجلال = ياكبر واجبهم وكبر التزامه
والضيف له ترحيب مع حسن الاقبال = وزود على الترحيب طيب ابتسامه
والجود من الماجود في كل الاحوال = ومن جاد بماجوده كفاه الملامه
ومن لابذل جهده بدنياه واحتال = ماتجيه كسبات المراجل كرامه
والطيب له بين الاجاويد مدهال = تلقا له بوجه النشاما علامه
من يفعل المعروف يجزا بالامثال = ومن يحترم نفسه يزيد احترامه
ومن دور المعروف في بحر الانذال= لايدوره قدام يوم القيامه
ترى رفقة الانذال فيها غثى بال = ومن رافق الانذال جاب الملامه
والنذل لايعجبك لوقيل رجال = تراه مثل الطعس سهل انهدامه
والى جهلت الرجل قيسه بما قال = وينبيك عن خافي كنينه كلامه
ومن يحفظ السانه عن القيل والقال = يسلم من طعون الكلام وسهامه
وان مالقيت لكلمة الحق مدخال = الصمت في بعض المواقف سلامه
وبعض العرب ثرثار مجلس ونقال = متخصص بهرج القفا النمامه
يوزع اخبار الناس طيب وبطال = واكثر علومه روجتها مدامه
هريج مجلس ماوجد مثله امثال = وعند اللوازم ماتشيله عظامه
وبعض العرب عبيد مال وعمال = مافرقوا بين الحلال وحرامه
يركض ورى الدنيا ولاارتاح له بال = ويروح عنها ماتحقق مرامه
لاهو كسب دنبياه ولا الاخرة نال = واصبح وجود المال مثل انعدامه
وبعض العرب للناس غيث الى سال = ريف الضعيف ان جار دهره وضامه
ماكنه الا الضلع راسي على الجال = عنده على الشدات عزم وصرامه
ولاينفع الرجال عم ولاخال = ان كان فعله مارفع من مقامه
والمرجله ماهي على كبر الازوال = ولافاد كبر الجسم عقل النعامه
وصبرك على الشده ولابعض الاذلال = لن الزمن زود عليك احتكامه
والحاجه الى الناس لوكان بريال = امر من الحنظل خبيث طعامه
والدين هم ومن ثقيلات الاحمال = كم احرم المديون لذة منامه
وفقرا بلا دين غناة بلامال = لاارتحت من هم الزمان وسقامه
والله خلق في الناس عاقل وجهال = والعاقل اللي ماتزله اقدامه
وانا كتبت اللي طرالي على البال = ياسامعين القول هذا ختامه
وصلاة ربي عد ماهل همال = اعداد مايلبس ملبي حرامه
على شفيع الخلق في يوم الاهوال = محمد شفيع الخلق يوم القيامه

الشاعر/سعيد عوده شداد الحويطي.

صح لسانك مليون ولايكفون
قصيدة جزلة تترجم روعة الصفات
وروعة الاخلاق
دام حرفك وسلمت

[رفيعة الشان]

الله
على ما قرأناه هنا شاعرنا الفاضل
نص حكيم وجميل
ومانقوول الا الله المستعاان
سلمت يمينك وصح الله لساانك

لاااهنت

[سعيد عوده الحويطي]

الساده اعضاء منتدى الفطاحلة الكرام وكل المشاركين في هذا المنتدى الرائع
السلام عليكم ورحمة الله وبركاته
لقد سرني كثيرا تعليقاتكم الجميله والرائعه على قصيدتى تجاريب بالاضافة الى قصائدي السابقة
فلكم مني جزيل الشكر والتقدير كما اوجه شكري الخاص الى الاخ صداخ الزلامي على ملاحظنه القيمه حول بعض الاخطاء الكتابية في قصيدتي وانا اقدر له ذلك علما ان الشعر العامي في كثير من الاحوال سماعه اوضح من قراته وتقبلوا تحياتي اخوكم ابو توفيق

[نجم الإبداع]

الله الله

صح لسانك ياسعيد

قصيده وافيه وصور رائعه

لاهنت

تقبل مروري

وتقديري