امس جاني ضيف .. ليت الفطاحل تمسكه

[داعي الشوق]

صح لسانك يا بومحمد

قصيدة غير شكل

لله درك وصح لسانك ،،،

[علي محمد العتيبي]

عيد الماجد

ياهلا بك والله

صح بدنك وسلم راسك

مرورك اسعدني

وحضورك شرفني


لا عدمتك

[صوت الإحساس]

صح لسانك



لله درك



محبك الغامد



لك صادق الود

[علي محمد العتيبي]

منصور المري

ياهلا بك والله

صح بدنك وسلم راسك

الابداع والجمال في حضورك الطيب

ومرورك الغالي



لا عدمتك

[محمد بن عمار]

المشاركة الأصلية كتبت بواسطة علي محمد العتيبي

جديده ومتواضعه

اقبلوها كما هي

؛؛

؛؛

امس جاني ضيف واسمه مع الناس بركه = والله انه غير هالاسم مافيه بركه
قلت يالله حيّ من جاء ويامرحب هلا = والله ان ترحب وتقلط وفالك تدركه
واجبك ياضيف الاجواد من سمن وسمين = والغلا والبن الاشقر واخوك مرستكه
قال انا والهيل والبن مافيه اتفاق = عندي القيلون هاجد وهي بتحركه
قلت يارجّال قال الشعير احسن بديل = قلت تبشر لو تبي جبت هالحين تنكه
ثم جبت التمر نقوة خلاص من الحساء = قلت له اقدع وانا العود الازق افركه
قال انا عندي ربو والسنون مكسّره = قلت له في خاطري جعل تكسرك بلكه
قلت طيب بس تدري نويت اذبح طلي = العشاء مافيه شكٍ ٍ يطيح وتعلكه
قال انا رجلٍ مريض واشتكي عسر الهضم = ليت والله ياعلي لو تجيب لنا سمكه
ابك هذا كلّ مافيه جالس يوجعه = كلّ عضوٍ فوق الآخر يشنّ المعركه
قلت يابلفيت قدرك ترا ماهو قليل = قال لا يكثر ترا بعض هرجك فبركه
هبّ جعلك ماتبارك ولا تخطر رفيق = اشهد انك ضيف ماشفت مثله يابركه

	العزيز / علي العتيبي هههههههه والله الضيف المزعج ابداع فكاهي راقي فديتك صح لسانك وجاد بيانك مودتي يالغلا لاعدمتك محمد بن عما ر

[عبدالعزيز العمار]

الغالي علي العتيبي/

صح لسانك وجاد بيانك..

تقبل مروري وتحياتي..

[عبدالله الشويمان]

هههههههههههههههههههههههه

صح السانك يا اخ علي

قصيدده رائعه حيل الله يطول عمرك

والله يفوم بعون بركه على ما يعانيه من مشاكل صحيه

اعذره يالقرم اعذره

دمت بخير وصحه وسلامه

[ابو أنس]

ليت ضيفك يوم جا جاب التميس=مع صحن فول(ن)وفلفل وفركه
ثم شرْب من السفن بطل(ن)كبير=وان حكيته هز راسه حركه

الفاضل علي...............
ابيات جميله وخفيفة الظل
استمتعت بها كثيرا
لك كل الشكر

القلم يشهد لكاتبة

ونحن مجرد معجبين بما يسطره هذا القلم
سطرت وأبدعت أخي العزيز

[مبروك بن ماضي]

صح لسانك مليون ولايكفون
كعادتك شاعرنا القدير / علي العتيبي
الابدااااااااااااااااااااع :
ولا غير الابداع أجده في هذا النص
وكل نصوصك الشعرية الجميله
سجل إعجابي الشديد
وتفضل بقبول تحياتي
أخوك / بن ماضي