كبوة جواد

[منيع]

	ياسلام عليك ابدعت واجدت شكرا جزيلا تحياتي

[عمر ال شيبي]

المشاركة الأصلية كتبت بواسطة علي سعود العازمي

السلام عليكم ورحمة الله وبركاته

أتمنى أن أتي بمايحوز على رضاكم دايماً

أنا اليا شديـت سـرج القرايـح=أتعبـت فكـر منقحيـن القريحـه
نقع الصفى وبل (ن)من الغر طايح=شرايـده مالهـا بالافكـار ليحـه
نوادره ماهـي ضحـوك ومزايـح=لاضاقبه صدر(ن)تزاحـم فحيحـه
شعري بخور بمجلس الطيب فايـح=يبعد ويتعب فكر من شـم ريحـه
بالشعر ماأخذ من أبحور(ن)ضحايح=ولاأكتب شعر معنى البحور القبيحه
ماأخذت شعري بالسلف والمنايـح=بأعمق بحر معناي ماهـو منيحـه
الشعـر ماقلتـه نفـاق ومدايـح=الله يبيـح الهاجـس الله يبيحـه
وين أنت بي ياهاجس الشعر رايح=كبوة جواد وقام من بعد طيحـه
الوقت في شعري عطاني نصايـح=ماأنسى منه قبل سنتين النصيحـه
يوم الحمام بعالي الصـوت نايـح=بالشعر عالجت القلـوب الجريحـه
وان كان في متن المزون الروايح=مكان عز النفـس بـه مستريحـه
غنـاة نفسـي بالليـال الشحايـح=في عز نفسي ياليديـن الشحيحـه
وأن بيعت النخوه بسوق الذبايـح=عندي لها النفس العزيزة ذبيحـه
تكـرم معرفـة طيبيـن الشرايـح=المعذرة ياهـل الوجيـه الفليحـه

روعه يا مبدع ويسعد صباحك

الين انها طيبه من طيب
وشكرا لك

وصح الله لسانك

[عبدالعزيز ابراهيم المنصور]

علي العازمي
كلمات رائعة وقاف جميل
صح لسانك ولاهنت
دمت بخير

[حي الضمير]

صح لسانك يالعازمي
قصيده رائعه وجزلة وابدعت بارك الله فيك
أجزل التحايا والاحترام

[عبير الورد]

صح لساااانك ولاهان راسك
ربي يعطك العافيه

[علي سعود العازمي]

المشاركة الأصلية كتبت بواسطة سناعيس

صح لسانك ياعلي وبيض الله وجهك
جزله ورائعه
بس هالشطر ماهو جاي معي ياخوي افزع لي

اذا كان هو (بالفكر) يصير معي اوكي
لاهنت ولله درك

تحياتي

هلا وغلا حياك ربي ياسناعيس

وصح الله بدنك

بالنسبه هذا الشطر

المقصود فيه اللي هو معناي ماله بالفكار ليحه يعني تفكيري بالمعنى يختلف عن تفكير غيري
وصحيح فيه شي من المبالغه

ولاهنت على مرورك العاطر

[مسلم عواد العميري]

صح لسانك وفكرك
نص رائع وجزل
لاعدمنا تواجدك ياغالي
تحياتي

[علي سعود العازمي]

الاخ العزيز| الزلزال

ماسطرته أناملك أعتبره شهادة وسام فخر وعتزاز

على صدري

دمت ودام حضورك

تقبل خالص ودي

[علي سعود العازمي]

الاخ العزيز سعود العتيبي هلابك

الروايع هي بحروف أقلامكم فاانا قطره في بحر مفرداتكم

شاكر لك مرور شخصك الكريم

دمت ودام حضورك ياطيب

[علي سعود العازمي]

الاخ الفاضل | سعيد الصاعدي

صح الله بدنك يالغالي

واشكرك جزيل الشكر على هذا التواجد الطيب

لاهنت طااال عمرك سررت بتواجدك

دمت بكل خير