دندنه والهوى كله عذاب

[سناعيس]

متابعين
وبانصات
لجزيل الكلام
مشرفنا العام
شاعرنا الفذ فلاح

قواكم الله

تحياتي

[نجم الإبداع]

محمد السفري

سناعيس

حياكم الله حضوركم نوماس

استلم لاهنت يابو عبدالله
حسب طلبك

دندنه والعود خرف وصايبه التهاب = المكينه تخلط الزيت والميه سوى
ياتحرش كلما شاف له شلة شباب= قال انا العاشق وغيري خفوقه به خوى

[الطائر المهاجر]

دندنه يا ليت خلي فاهم فحوى الجواب= مير اشوفه ما تمعن بعدما عوده ذوى
وين خبرك بالهوى وانت تشكي الاكتئاب= في القفص حطوك واقفوا شب قلبك واكتوى

[نجم الإبداع]

دندنه والعلم حامي قام ينكشف الحجاب = الشرف مايسلم الا حوله تراق الدماء
امة المليار ثكلى ملها حتى الظلام = كبلوها بالمصالح سلعةٍ بيد القوى

[الطائر المهاجر]

دندنه والبنك يحكي كل يرفع في الحساب = والضماير ميتاتٍ صابها بعض الخواء
وردوا زيف الحضاره وصفصفوا زين الخطاب= وكل واحد صار شيخ ولا دروا بالمنتواء

[نجم الإبداع]

دندنه والجهل قاتل والتعنصر والسباب = الجشع سر المصيبه كل ذيبُ كم عوى
قالو اسكت واحنا نبني عند باريك الثواب = وانفضح حال التأمر فرغوه المحتوى

[الطائر المهاجر]

دندنه والجهل يرثع والعقل دايم غياب= ليت منهو لايحس ولافهم للمبتغى
مشكله لاصرت واعي وعارف سر الخراب= ويش تسوي وانت فكرك انمنع عنه الهوى

متــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــابــــــــــــــــــــــــ ـع


لشاعرين الكبيرين


وترى الليله اول مره اتابع محاوره على النت


وصراحه روعه استمرو

لاهنتو

[نجم الإبداع]

عبدالله المرشدي

حياك الله حضورك يشرفنا
لاعدمناك

دندنه والليل ساري ليل حالك واحتناب = لاثقه لافكر راقي كلها شك وعناء
خوف مخجل ذل مزري صوت خافت باكتراب= كل عاقل صار جاهل كيف تبغاها هناء

[الطائر المهاجر]

دندنه والسيف الاملح ما يعض الا القراب= عقب ماهو للأعادي انتهى جرح وصداء
يا نزيف الجرح هوّد فالظهر صابه عياب= الفجر يبعد وليلك جاز له نوع الحداء