عثمان رد الشات والشات فله

[الطائر المهاجر]

النقض بعد الفتل لاشك معروف=واللي عقد بطويق راسه يحله
وتحديٍ ف النت ما ظن مشيوف = ومن وصل للقمه يدحدر بتله
آن الأوان لتلته ما بها كسوف = نبني ونهدم دام ما فيه غله
نخسر نوسع صدر من خضب كفوف=والاّ جرابيعٍ على راس تله
كلما تجمعها تناقز بعاصوف = تدور على جحورٍ بها ورد فله

[نجم الإبداع]

يامرحبا باللي لفو والهوى لوف=اصحابنا اللي شافو العلم كله
قصر الفطاحل مانبيعه لمعيوف=نفديه بالغالي ولابه مذله
لن كان ياعثمان مرهقك مصروف=هات الحساب وندفعه دون خله
حنا بيننا القصر والقصر مصروف=ندفع تكاليفه وقدرك نقله
دون الفطاحل قلتها وانت مجروف=ورى الدراهم صار قلبك مسله
ابشر بنا نفزع من ابها ليا الجوف=وقت الشدايد مانخيل بطله
نقطها في كل عامن بمضروف =ونسقّي البستان ورده وفله
ميراث متميز وراعيه منصوف= مانتركه لو ناصله لا محله

[الطائر المهاجر]

هرجٍ بليا فعل والحكي مصفوف= ما يجري الوادي اذا المزن بله
لا جيت للصامل تلقيني كتوف = تحسبه مركى بين شاهي ودله
ماعندك إلا الفقر ياضب منتوف = تطرد ورا فلسك ويخدعك ظله
المنتدى للبيع ما نعرف وجوف = وان كان لك قشٍ فبادر بشله

[نجم الإبداع]

كم ودك ادفع فيه ياطير منتوف=دام ان قلبك طاب ياعود دله
ان كان بالمعقول ناخذه ونشوف=واغير اسمه وانقله للمكله
وانته تصير ضعيف ماباك سرجوف=وتصير ضب وكل عهدن تحله
وتصير عندي عبد بالقيد مكتوف=واعاملك بالمثل في كل زله

[الطائر المهاجر]

دام ذي علومك لو بتدفع لنا الوف=اعطيه مجاني ليهودي يجله
ويبقى على اسمه دون تغيير ببلوف=الا انت تربط مثل عنز المكله

[الطامي]

ههههههههههههههههههههه
اذا عطا تراني جاهز
والفطاحله هي الطائر والطائر هو الفطاحله
سلمهم الله لبعض
خخخخخخخخخخخخخخخخخ
الله يرجك يافلاح ايش سويت بالعرب
خليتهم اسهم هالوقت طالعين نازلين
ابدعتو ياشعراء صح السنتكم

[حي الضمير]

هههههههههههه

صح السنتكم
وااافين

[نجم الإبداع]

ايه احسن لك ههههههههه مابعد العنز الا خير ههههههههههههه

ياخي هذا المنتدى العريق اعرف انه ملك لك وميراث لمن وراك

وهذا صرح ثقافي رائع آمل ان يكون مناره لللاجيال القادمه

ويحمل بصمة عثمان ال عبدالله

الطائر المهاجر

التراث والجزاله

شكرا لكل من مر وسيمر

من هنا

لاعدمتكم

[داعي الشوق]

صحة السنتكم

ولاهنتوا

ويعطيكم العافية

[عبدالرحمن الصباح]

صحت السنتكم ابداع في ابداع من فطاحلة الشعر تحياتي وتقديري