وينك يالدكتور!!!!!!!!!!!

[سناعيس]

الله الله الله
المهاجر / خالد / سعود
الكل منكم صح لسانه
واصلو الله لايهينكم يبدو أننا على موعد مع ابداع متجدد فلا تحرمونا منه
أبرص الصفوف وامتعونا الله لايهينكم
لابأس بالخروج عن المألوف اذا لم يتم من خلاله التجريح الشخصي

تحياتي

[داعي الشوق]

يعني سمحت الآن من دون برهان ** لجل ابـتـدي وأكوي عليل الليالي

لكن عـنــدي موقف فيه عـنــوان ** هــو شـــرطي الأول ولا فيـه تــالي

لابد ما يــآذن لي الـطـيـر عثمان ** ولا نـقـفـل بـنـــــد مــالك ومــالي

[خالد بدر]

صح لساااااااااااااانك،،مليووووووو ون

اهم شئ اللعب والمتعة والترفيه///

يالشاعر:سعود،،

وياليتها اتكون على بيتين بيتين!!

خلوووووووووووها:

الحر حايم مادرى عنك يا فلان=ما به قيود قبل مده وتالي
اخذ الاذن عله سمعكم بالاذان=اكيد طايح ميت من نصالي

[الطائر المهاجر]

اخذ الاذن عله سمعكم بالاذان
اكيد طايح ميت من نصالـي

الصقر ما ينصاد من طير برمان = خل السوالف ما تجي بالخيالي
ويكفي سعود ينتفك كنك الضان= ونا اكتفي بالشوف من فوق عالي

[داعي الشوق]

فالجو حايم بوم وعلوج غـربان ** وكـلن يـغــــرد واللحن فيه شالي

ما كل من حام أحسبه طير حوران ** وما كل من يرقى ينال المعالي

[يوسف الشقران]

والله انكم مبدعين


بيض الله وجيهكم

واصلوا وامتعونا

[الطائر المهاجر]

ما اسمك بدر اسمك ظلام بالاكوان = نورك توارى خلف شمخ الجبالي
ما اظن تظهر من محرم لشعبان = يمكن اذا صمنا تجينا تلالي

[خالد بدر]

المشاركة الأصلية كتبت بواسطة الطائر المهاجر

اخذ الاذن عله سمعكم بالاذان
اكيد طايح ميت من نصالـي

الصقر ما ينصاد من طير برمان = خل السوالف ما تجي بالخيالي
ويكفي سعود ينتفك كنك الضان= ونا اكتفي بالشوف من فوق عالي

اجتمعت اهل الحاجة وجوّ صفان=كل تسابق راجين كلّ مالي
مانيب يالاثنين فيكم ببلشان=اسري الرعيان شرق وشمالي

[خالد بدر]

المشاركة الأصلية كتبت بواسطة سعود بن سعد الحافي

فالجو حايم بوم وعلوج غـربان ** وكـلن يـغــــرد واللحن فيه شالي

ما كل من حام أحسبه طير حوران ** وما كل من يرقى ينال المعالي

يالحافي اللي ماشين دون نعلان=وشهو يرقيكم قمم هاالعوالي
ما كل اعتيبي ضبط كل قيفان=وما كل رجلن يصلحه هالمجالي

[خالد بدر]

المشاركة الأصلية كتبت بواسطة الطائر المهاجر

ما اسمك بدر اسمك ظلام بالاكوان = نورك توارى خلف شمخ الجبالي
ما اظن تظهر من محرم لشعبان = يمكن اذا صمنا تجينا تلالي

في كل شطر لي (ترده بشطران)=ودك تعبر عن هموم وصالي
ما لوم منهو ضاق منّا وطفشان=ودك ترد الصاع والليل طالي