أفلح يافلاح عاجلا غير آجل

[سناعيس]

ياليت من له بين الأخيار مقعاد=ويشرب زلال الما ويترك هماجه
ويشم ريح الورد والطيب والكاد=فديار زهران(ن) كرمهم يواجه

[نجم الإبداع]

فلاح يفخر لو تجي يوم نشاد= ان جيت بالخزمر وجيت آل خاجه
تلقى تراحيبٍ وتقدير مقداد = نرفعك فوق الراس والجود ناجه

[سناعيس]

كفو كفو والله ياقرم الأولاد=الشك زايل منك من دون حاجه
لكن بغيت الشعر يانسل الأجواد=وأبي علوم مابها من حراجه

[نجم الإبداع]

العلم خير وكل صياد ماصاد = زاد الغلاء والهم نرقى دراجه
من يردع الباغين واصحاب الافساد=اغواهم الشيطان ضد ابن ماجه

[سناعيس]

مادام خير العلم خربه الأوغاد=ربك كفيله يعدله من عواجه
ومادم راسك حي فعلومك جداد=والصبح تاتي بزغته بانبلاجه

[نجم الإبداع]

الحق مانا مثل ولد ابن شداد=لكن هيضي بابدعه وازدواجه
مع الرجال الي حموا قامة الضاد=يطربني الموال واسمع هياجه

[سناعيس]

هذا الذي أبغاه ولولاه ماعاد=ياصاحبي بالله وكيف انتواجه
الكل منا سارح وهايم بواد=ويلعب مع الأيام ويعرف خراجه

[نجم الإبداع]

انا في الشرقيه ماني ببغداد = وشوف مثلك نفتخر باندماجه
ان كان ودك بالقاء هات ميعاد=نسعدبقربك وانت للراس تاجه

[سناعيس]

وانا تراني بالرياض ولي أولاد=إلهم شرف لقياك ولامن حراجه
عطني خبر لاجيت نسعد بك اسعاد=وبذبح لك الحايل وأعكر مزاجه

[نجم الإبداع]

لو جيت يكفيني معك شرب براد= لي الشرف من شوف قرم ونتاجه
الجود فيكم مايبي اثبات وارشاد= معروف نبع الجود واخبر كراجه