خذ مني النجوى بسجات لقلام ...

[مهدي الحبابي]

الاخت موج القصيد

صح لسانك واعتلا شانك

رايعه بروعة حضورك

تقبلي احترامي ومودتي

[محمد الأحمري]

المشاركة الأصلية كتبت بواسطة موج القصيد

قصيده كتب جلها بقاعه الاختبار
لماذ وكيف لا ادري
المهم اني شعرت
اني بحاجه للكتابه فكتبت
وهكذى هي جل قصائدي
تكتب بلحظات خااصه
اقبلوها كما هي

ذبحت قلبي بالجفى عدة ايام=ولغير ربي ما حكيت وشكيته
حبٍ لهيبه يحرق اعروق وعظام= اقول قاويته وانا ما قويته
شئ لواغنيه بوتار وانغام=ينبح صوتي وبعدني ما انتهيته
ابيك لو حبك متاهات والام=وارضى وصالك لو دروبك مميته
اصبح هواكم يالغلا شئ الزام=ساكن بقلبٍ لو جفاكم عصيته
لاجيت ابرجع للورى سرت قدام=اتبع سرابك والقدم ما نهيته
اهواك وعروقي بفرقاك صيام=وافطر على حلم بقربك رجيته
اشتاق للي للفكر مصدر الهام=اللي سلا عني وانا ما سليته
مهما احاول ابتعد واعلن احجام = صافي غلاكم وين ما ابعد لقيته
في داخل اعيوني وفي فكر ؟؟؟؟؟= ويرتاح في قلبٍ فداه وفديته
معك الفكر تايه وفيك الغضي هام = وباع الخلايق يوم جيته شريته
معاك انا عشت الاماني والاحلام =وليل الالم مع ذكرياتك سريته
من زود ما في القلب تاهن الاقدام=ضيعت دربي والدليل انتخيته
ولا به دليلٍ غير طيفه الى حام = افز وامشي خلف طيفٍ هويته
والله والي سير افلاك واجرام = ما مر يوم ما رجيت وبكيته
ابكي مثل طفلٍ رمي وسط الايتام = من بعد ما جيش الغدر هد بيته
وش حيلت الطفله بساحات الاجرام = انغرت بطبعه وطيبه وصيته
والله لو تبعد عن العاشق اعوام = ما انساك يا خل لغاب احتريته
خْذ مني النجوى بسجات لقلام=عساااك تفهم لا لفيت وقريته

موج القصيد

الله الله الله الله الله الله
صححح لساااااااااااااااانك
شاعرة تكتب من مشاعر عميقه
عجزت اختار بيت جميل
فكلها جميلة ورائعة
صح للسانك شاعرتنا المبدعه
والله روعه رأيت هنا.
وجمال وحروف تلامس القلوب
جزلة وشاعرة معنى .
وشاعره تبحر في أعماق اعماق المشاعر
وفقك الله أختي لما يحبه ويرضاه
وهنيئا لنا بوجود قلم مثلك بيننا
وننتظر حسك الغريب والرائع
اسجل اعجابي الشديد هنا بهذا النزف
الغير اعتيادي
تحياتي لسموك الكريم
وفقك الله اختي وفقك الله
وبيض الله وجهك

[عيد بن سعدون]

شئ لواغنيه بوتار وانغام
ينبح صوتي وبعدني ما انتهيته

صح لسانك

قصيده عذبه ورائعه

اتمنالك التوفيق

اخوك
عيد بن سعدون

[الـزلـزال]

اشتاق للي للفكر مصدر الهام=اللي سلا عني وانا ما سليته
مهما احاول ابتعد واعلن احجام=صافي غلاكم وين ما ابعد لقيته

موج القصيد


بوح عذب وجميل


من شاعره تتحفنا بعذب وجزالة بوحها


ماأروع بوحك أختنا الغاليه وماأقربه لقلوبنا





صح لسانك ملايين ملايين


ولك فائق تحياتي

[ابوعبدالرحمن القريشي]

عز الله انك موووووووج هادر ومتلاطم

الله عليك .....


لو اني مدرسة المادة كان اعطيك الدرجة كاملة وبدون تصحيح

دمتي بود

انتبهي لدروسك عاااد

وهالمرة عدت على خير

دمت بود

[الطائر المهاجر]

رائعة من شاعرة رائعة
ومتجددة الإبداع
صح لسانك وفكرك
ودام ابداعك
تحيتي واحترامي

[داعي الشوق]

صح لسانك يالشاعرة

قصيدة جميلة من شاعرة تعودنا منه الجمال

لي عودةللرد بما يليق

صح لسانك مع التحية لك

،،،،،،،،،،نن

[الخنساء]

والله والي سير افلاك واجرام
ما مر يوم ما رجيت وبكيته
ابكي مثل طفلٍ رمي وسط الايتام
من بعد ما جيش الغدر هد بيته
وش حيلت الطفله بساحات الاجرام
انغرت بطبعه وطيبه وصيته
والله لو تبعد عن العاشق اعوام
ما انساك يا خل لغاب احتريته
خْذ مني النجوى بسجات لقلام
عساااك تفهم لا لفيت وقريته

صح لسانك مليون
لاهنتى ابيات رائعة
ترجمت روعة المشاعر
سلمتى ودام حرفك

[حمود السكراني]

موج القصيد أنتي ماهو موج القصيد أنتي محيطه وماحوى به محيطه صراحة هذا الإبداع وهذي العملقة بالشعر لله درك شهادة من شخص متواضع في موهبتة الشعرية بس مايجامل أعجبتني القصيدة جدا جدا وبالذات البيتين

لاجيت ابرجع للورى سرت قدام
اتبع سرابك والقدم ما نهيته
اهواك وعروقي بفرقاك صيام
وافطر على حلم بقربك رجيته

الله الله ياموج سلمتي وسلم غاليك

[عالي مستواها]

موووووووووج القصيد


صــــــح لسانك مليووووووووووووون


وها انتي تأتين بإبداع جديد كما أنتي دائماً


رووووووووووووووووووووعهـ


كلماتك عذبه بوحك راااااااااااااااااااااااااائع وله جاذبيه مختلفه عن غيره


دائماً نتوق اليه فلا تبخلي علينا



مشكوره على هذه القصيده الطيبة


دمتي بصحه وعافيه


عالي مستواها