16-12-2013, 10:47 PM
|
رقم المشاركة : 11 | |||
|
مع
يمنى بـلا يسـرى قليـلٍ حصيلهـا=ورجـلٍ بـلا ربـع يخـاف اعـداه ماهبلك ياباغي مـن النـذل فزعـه=رجواك مـن عنـد الجبـان سفـاه رفيق الرخا ينسـى مـودة رفيقـه=ليا ضاق به شيـن الزمـان نحـاه عوين الدهر مايامن الجـار جانبـه=وليـا عـرض للشامتيـن شـنـاه إختر من الخلان حي توده=تسبق على فعل الجميل يداه دليل على العليا بعيد من الخطا=الطيب في دنيا الحياة مناه ماجال في قلبه من الخوف جايل=وان كاد مرقا الطيلات رقاه ولا ضعف النفس العزيزه الجارته=ولاهروولت للمحصنات إخطاه يفرح به العاني ليا حده القصا=وللضيف معسول الكلام نباه وان جاك من يمة معاديك ريبه=من قبل ماتاطا عليه وطاه صديقك صديق له وضدك يضده=وعلى روس عدوانك تدير رحاه هذاك حطه لك رفيق موالى=عونك ليازاد الزمان بلاه مايفصل القالات الا رجالها=ولاكل من شيد بناه حماه ولا كل من ركب الجواد عدابها=على حامي الهيجا وحر لظاه ولاكل من نوى لدار رحل لها=يموت مالحق هواه إمناه ولاكل من رام المراجل ينولها=ياعسر مقضبها على يمناه ولاكل من ركب المطايا غزابها=ولاكل من رام الغريم قواه ولاكل من يبرم عهود وفابها=يطغى على فعل الجميل رداه ولاكل من ودع لسر يصونه=وكم واحدٍ سر الصديق أبداه ولاكل من حصل حلالٍ صخابه=يبين بالوقت الشديد صخاه ولاكل من جالس هل العلم عالم=وكم عالمٍ ضر العباد خطاه ولاكل من ناله جميلٍ يرده=ولاكل من شاف الحريب نصاه ولاكل من سل السنان صطابه=يموت وسنانه جضيع إخباه النذل مايقدر على طيب الثنا=والليل مايشبه صدوق ضحاه يجود الفتى بالجود من زايد الحيا=يخاف من العايبات قضاه قولوا لطلاب الثنا يتبع النقا=ولايلحق العرض النزيه شناه ومن سار بدروب الردى زاره الخنا=ويلبس من اسلاب السواد كساه ابعد عن الانذال وترك ديارهم=يفكك من الوجه الخبيث نياه الاجواد آيات الندى في وجيهها=والانذال شرى ما يذاق جناه الاجواد ما تنوي بك البوق والردى=والانذال عيب ما يعد غياه الاجواد فعل الخير لذة نفوسهم=والانذال ملزوم يشاف خناه الاجواد جنات تعاقب أنهورها=والانذال صلدا من صخور صفاه الاجواد تاصف لك طريق يدلك=والانذال لعسرات الدروب إقداه الاجواد مثل الورد عطر روايحه=والانذال زقومٍ يطير سفاه الاجواد فيهم باب يسر ومعزه=والانذال عسرٍ ما عليه شفاه الاجواد زلة جارهم يدمحونها=والانذال تجزا الاقربين جناه الاجواد مثل النهر حلو شرابه=والانذال صباخٍ ملاح ماه الاجواد تبذل فضلها دون عرضها=والانذال دنسين العروض عراه الاجواد مثل الريف سعد سعوده=والانذال قحط الزمهرير شتاه الاجواد تامن شرهم وانت عندهم=والانذال شر مايطيب بلاه الاجواد مثل الصبح تمشي بنوره=والانذال ليلٍ مظلمٍ ممساه الاجواد حبات الندى يبذرونها=والانذال تبذر بالرخيص رياه الاجواد فعول الخير ما يجحدونها=والانذال حزم مايطيب حفاه الاجواد ماتلحق عزيز مذمه=والانذال تنطق بالصديق زراه الاجواد عز الجار والضيف سلمهم=والانذال بعيون العزيز قذاه من طاوع النفس الذليله على الردى=يرخص ويظهر للرجال خفاه من طاوع النفس الذليله على الردى=نسى الجار والضيف العزيز جفاه من طاوع النفس الذليله على الردى=تقصر عن العز الرفيع إخطاه يموت طلاب التماني على الشقا=سراب دو والظلال غطاه يموت طلاب التماني بحسرته=وكثر التماني ماتعيد صباه يموت طلاب التماني ومثله=من يرجي الحنظل يزين نماه يموت طلاب التمانـي ومكسبـه =كمـا صايـحٍ صوتـه يـرد صــداه أبا التماني لاتمنى وخلها=ترى التماني والحلوم أشباه
واخـذت اعـد ايامهـا والليـالـي=دنيا تقلب ما عرفنـا لهـا قيـاس كم فرقت ما بيـن غالـي وغالـي=لوشفت منها الربح ترجع للافـلاس يقطعك دنيـا مـا لهـا اول وتالـي=لو اضحكت للغبن تقرع بالاجـراس المستريح اللي مـن العقـل خالـي=ما هو بلجات الهواجيـس غطـاس لاخـاب ظنـي بالرفيـق الموالـي=مالي مشاريه علـى نايـد النـاس لعـل قصـر مـا يجيلـه ظلالـي=ينهد مـن عـال مبانيـه للسـاس لاصار مـا هـو مدهـل للرجالـي=وملجا لمن هو يشكي الضيم والباس
ان جا ينادمني وضيعن من الناس = صديت عنه وقلت منتب نديمي ماهوب كبرن وكل ناسن لها اجناس = وعندي عزيز النفس دايم حشيمي انادم اللي رفقته ترفع الراس = وياقف معي دايم بوجه الخصيمي ان كبرت القاله والارياق يباس = يظيم عدوانه ولا يستظيمي وعندي ليا شفت المناعير جلاس = انا لهم بايات فكري كليمي ولاقارب الخايب ولا كل بلاس = اللي على نقل النمايم فهيمي مع بداح العنقري
الطيب ما هـو بـس للظاعنينـا=مقسمن بيـن الوجيـه المفاليـح
البـدو واللـي بالقـرى نازلينـا=كلن عطاه الله مـن هبَّـة الريـح |
|||
|
|
16-12-2013, 10:56 PM
|
رقم المشاركة : 12 | |||
|
مع محمد بن عون
كــلٍّ بتقـديـر الـولـى طـــاب فـالــك=اصـبـر عـلـى مــا قـــدر الله يـأتـيـك
ولا تـلـوم النـفـس فيـمـا جــرا لـــك=تـبـور غـالـي سلعـتـك بـيـن أيـاديـك ويلومـك اللـي مــادرا عــن حـوالـك=ولا درا ويـش الـدهـر مـحـدثٍ فـيـك محـدٍ درا ويـش الـذي صــاب حـالـك=ومـا جـرا لـك مـع صديـقٍ معـاديـك بـمـكـايـده يـبـلــن الأيــــام حــالــك=وعــن الـمــوارد قـاصــراتٍ مـدالـيـك وافهم نبا مـا أقـول لـك طـاب فالـك=سعود الفتى بالحظ من غيـر تشكيـك وإن جاد حظـك بـاع لـك واشتـرا لـك=فـوايـده مــن كــل الأبــواب تاتـيـك وإن بـــار بـــك دلاّ يـهــزل حــلالــك=وبردا الثمن لزمـاً يبيعـك ويشريـك وإن جــاد حـظـك بالمجـالـس حكـالـك=وصــدق مقـالـك كــلٍ لــك يحاكـيـك وإن بــاربــك دلاّ يــكــذب مـقــالــك=وتصـيـر كـذبـات الـمـلا كلـهـن فـيـك وإن جــاد حـظـك بالمـنـازل بـنـا لــك=بيـتٍ رفيـعٍ شامـخ الـطـول يـذريـك وإن جـاد حظـك كـل شـيءٍ صفـا لـك=وقـرايــب الـخــلان كـلــن يصـافـيـك وان بـار بـك بيـن جميـع العـدا لــك=وصــار المـحـب اعــدا عــدوٍ يعـاديـك وإن جـاد حظـك كــل شــيءٍ عنـالـك=ويبـاشـرك عـنـد الـمـوده ويعـطـيـك وإن بـار بــك ضلـيـت مـحـدٍ بحـالـك=ولا بفـنـجـالٍ مـــن الـبــن يـسـقـيـك وإن جـاد حظـك قـام واطلـق اعقالـك=ومشـا معـك فــي كــل دربٍ يبـاريـك وإن بـار بـك جـود متيـن الثنـا لــك=وعـن كـل دربٍ لـك يعقلـك ويثنيـك وإن بــار بــك شـيـن حـلايـا خـيـالـك=إلى اقبلت تغضى كـل عيـنٍ تراعيـك وإن جـاد حظـك كـل شـيءٍ أضـا لـك=يشبـه فــم القنـديـل نــوره يقـديـك وإن بــار بــك عـزيـل حـالـي وحـالـك=ارذل رذيــلٍ هـافــي الـجــد يـوذيــك والـيـوم لا تـأمـن يميـنـك شـمـالـك=يبـوقـك اصـــدق صـديــقٍ يمـالـيـك ولا يـغــرك إن لـقــاك وحــكــا لــــك=لـو عطالـك مــن المواثـيـق يرضـيـك اخـذ الحـذر كـل الحـذر لـو صفـا لـك=عيبٍ على انك تأمـن الخصـم ياليـك تـحـرز بـسـو الـظـن وابـصـر بـحـالـك=واحذر جليسٍ ضايـع الـراي يعميـك من سو طبعـه إن حكـا بـك حكـا لـك=يرضـي عـدوك بالنميمـة ويرضيـك |
|||
|
|
|
16-12-2013, 11:10 PM
|
رقم المشاركة : 13 | |||
|
مع تركي بن حميد
قالوا جهلت وقلت جهلٍ بـلا قيـس=الجاهل اللي ما يعـرف اليمومـي أشوف عـدلات الليالـي معابيـس=ولا احدٍ من الدنيا عظامه سلومـي البني ما يصلح على غير تأسيـس=ومن لا تعلّم مـا تسـر العلومِـي ولا خير في كثر الحكي والتماليـس=وقولٍ بـلا فعـلٍ يجيبـه وهومِـي ومن لا يقلّط شذرة السيف والكيس=يصبح عليه مـن الليالـي ثلومـي ومن لا خذا الدنيا بميـز ٍ وتقييـس=مثل الذي يسبـح ببحـر ٍ يعومـي
وقم في قصير البيت حشمة ومقدار=لو جار فادمح له ولو به خسـارة ترى النبي وصى على الجار لو جار=خذ الحـذر ياعبيـد قبـل النـذارة رافق قوي الدين حفـاظ الاسـرار=ينفعك في يومٍ يجـي بـه كـرارة ترى الهوى والغي هن شر الاشرار=ومن داس عار الناس داسوا لعاره جنّب ردي الكار مـا فيـه تعبـار=ما فيه من فعل المناعيـر شـارة
واعمـل بخيـر ولا تجـازى بشـرّا=وارجى الفرج من عند والى المصاريف واجهـد بتقـوى الله لـدار المـقـرا=العبـد طرقـىّ ركـابـه مناكـيـف دنيـاك لـو زانـت تراهـا مـغـرّا=دنيـا خـراب ولا عليهـا تحاسيـف فيهـا لبيـب العقـل مـا يستـغـرّا=لـو امهلـت لابـد رحلـه وتخفيـف اخشـع تواضـع لا تكـبّـر تــزرّا=ما شفـت ميـلات الليالـى مراديـف ورفيقـك الغـالـى مـنـه لاتـبـرّا=ادمح خطـاه اللـى تعبّـث عجاريـف يشرب معـك صافـى وكـدر ومـرّا=ويرد معك حوض المنايا الـى عيـف نـوب تـذرّى بـه ونـوب يـتـذرّا=عديـل عمـرك باليالـى الشفاشيـف
دنيـا هيـال ولا لحقنـا لهـا جــال=وأزريت اميّـز سهلهـا مـن وعرهـا
كـان اقبلـت ياحلـو هـاك التبهـلال=وان ادبرت سوّ(ن) على اللي حضرهـا ماظنّ فيهـا واحـدن(ن) دالـه البـال =احفـظ لدينـك وانتبـه عـن خطرهـا تـراه مثـل الـفـيّ لابــد يـنـزال=والشمس هي ويّا القمـر مـن فكرهـا الحـق ينكـر والتفـاخـر بـالامـوال=لاهيـن فـي غفلاتهـم فـي دوّرهــا كم فرقّت من دولـة(ن) حـلّ واجيـال=والـى ومرهـا الله عطتهـم نحـرهـا فعـال نـو الخيـر لامـوه الانــذال=كثرت تخاليف العـرب فـي صورهـا ثوب النقا مايرخصـه لبـس الاسمـال=سلـم الرجـال اللـي تلامـع شهرهـا إن كان ما انت في معانيـك حمّـال=عمل الـردى يهويـك مظلـم حفرهـا |
|||
|
|
|
16-12-2013, 11:26 PM
|
رقم المشاركة : 14 | |||
|
مع بديوي الوقداني
دع بــلاد الــذل وارحــل يالـبـيـب=واغـتـرب فالـكـل بالدنـيـا غـريــب القضـا مكتـوب والداعـي نصـيـب=اركــب الاخـطـار والـهـول المـهـيـل وان جفتـك الـدار أو مـال الـزمـان=لاتـعـيــش بــــدار ذل أو هـــــوان لــو يظـلـي نبتـهـا مــن زعـفــران=صاحـب الاخـطـار واجعلـهـا دلـيـل شـد عـن ارض الاعــادي والحـسـود=واطـلـب العلـيـا وبـالـغ بالجـهـود لـو يكـون العـز فــي غــاب الاســود=خيـر مـن دار تعيـش ابـهـا ذلـيـل كــل مــن رام الـعـلا يـرقــى لـهــا=ســلــم الاخــطــار فــــي اهـوالــهــا مـــن تـراخــى عـزمـتـه مـانـالـهـا=دونـهــا يـقـصـر الـبــاع الـطـويــل عاشـر الاحـرار مــن اهــل الـرتـب=تستفـيـد العـقـل مـنـهـم والادب حيـث هـم اهـل المـروة والنـسـب=واترك الانـذال مـا منهـم حصيـل سـل عـن الجـيـران قــدام الـنـزول=وان سمعت النـاس تهـرج لاتقـول تكتـسـي ثــوب المـعـزة والـقـبـول=والـخـلايـق يـذكـرونـك بالـجـمـيـل كــم كــلام راح فــي نقـلـه نـفــوس=وانـت ماتاخـذ علـى نقـلـه فـلـوس لاتفـتـش كــل حــب فـيـه ســـوس=كـم تخـوض النـاس فـي قـال وقيـل خـذ عزيـز البـز مـن زيـن القمـاش=والـردي لـو كـان يعطونـك بــلاش ما يفيـدك كيـف تاخـذ شـي مـاش=بيـعـة المغـبـون منـهـا يستـقـيـل دور الطـيـب لـــو وغـــال الـثـمـن=لو يكـون القصـد فـي صنعـا اليمـن لا تـغـرك صقـلـة الـوجــه الـحـسـن=ابــذل المـجـهـود بـالـمـال الـجـزيـل الـذهـب مــا يخلطـونـه بالـنـحـاس=غير بعض النـاس مـا عنـده قيـاس خـذ نصايـح مـا حواهـا بـو نــواس=مثـل نظـم الـدر واللولـو الأصيـل وان ملكـت المـال لاتغـدي شـحـوح=اطعـم الجيعـان واكسـي كــل روح الـدبــش والـمــال لابــــده يــــروح=والثنـا والمـجـد جـيـل بـعـد جـيـل هم روحـك واغتنـم عصـر الشبـاب=ان لــلأيـــام مـــيـــل وانـــقـــلاب ونـت فيهـا تنطـوي طـي الكـتـاب=لاتـغـرك صـحـة الـعـمـر الـطـويـل اتـرك الدنيـا لـيـا جـاتـك ضـحـوك=لا تـغــرك بـالـمـلاعـب والـشـكــوك كـم غـرر فيهـا وكـم غـرت مـلـوك=ضحكهـا غـرار مـا اسـرع مـا تميـل والعـدو لا تأمـنـه لــو بـعـد حـيـن=لو حلـف بالبيـت والركـن اليميـن الحقـد والبـغـض فــي قلـبـه دفـيـن=وان ضحك بالوجـه قلبـه لـك غليـل خـــل عـنــك الـكـبـر فالله الكـبـيـر=لا تــحــاقــر عـــاجـــز والا فــقــيـــر واعــلــم ان الأمـــــر لله الـخـبـيــر=يـقـصـم الـجـبـار ويـعــز الـذلـيــل
ايـامـنــا والـلـيـالـي كــــم نعـاتـبـهـا=شبنـا وشابـت وعفنـا بعـض الاحوالـي
تـاعـد مواعـيـد والـجـاهـل مكـذبـهـا=واللي عـرف حدهـا مـن همهـا سالـي ان اقبلـت يــوم ماتصـفـي مشاربـهـا=تقفي وتقبـل ومـا دامـت علـى حالـي فـــي كـــل يـــوم تـوريـنــا كبـايـبـهـا=واليوم الاول تراه احسـن مـن التالـي ايـــام فـــي غلـبـهـا وايـــام نغـلـبـهـا=وايـام فيـهـا ســوى والـدهـر ميـالـي الـمــال يـحـيـي رجـــال لاحـيــاة بـهــا=كالسيل يحيي الهشيم الدمدم البالي لاخيـر فـي ديـرة يشقـى العـزيـز بـهـا=يمسـي مـع النـاس فـي هـم واذلالــي جوعـى سراحينهـا شبعـى ثعاليبهـا=الكـلـب والـهـر يـقـدم كـــل ريـبـالـي عـز الفتـى راس مالـه مــن مكاسبـهـا=يـا مرتـضـي الـهـون لا عــز ولا مـالـي لـو مــت فــي ديــرة قـفـرا جوانبـهـا=فيها لوطي السبـاع الغبـس مدهالـي اخـيـر مــن ديــرة يجـفـاك صاحـبـهـا=كــم ذا الـجـفـا والتـجـافـي والتـعـلالـي |
|||
|
|
|
17-12-2013, 06:51 PM
|
رقم المشاركة : 15 | |||
|
مع سلطان بن محمد بن نمر القحطاني
الجار والضيفان فرض على الفتى=لا بد من إبدال دار بدارها
لا صرت معسور من المال معدم=فالنفس خففها بزين اعتذارها والعذر يقنع به من الناس عاقل=يكون نفسه ما يرى مقتدارها وطمن عيونك لا تباهي بشوفها=ترميك في نار تقطع شرارها والرجل لا تمهي لها في مسيرها=تخطر على روس الحيايا بغارها فإلى نويت بديرة تيتزورها=جنب رقاق القاع واتبع غزارها وانشد عن الي بينات فعايله=ترك رذال القوم واتبع خيارها ولا تصاحب إلا كود من ينطح العدا=إن طار من تحت السبايا غبارها واقنص بفرخ الحر لا صرت قانص=حتى تعود حايز من حبارها فلا شفت من دونك إثنين تشاوروا=إذنيك علمها بكتم أخبارها واحذر لسانك من جواب يعيبك=والعين سبر القلب والقلب دارها لا بد من هرج طويل على القفا=وقول على اليمنى وقول يسارها لا بد من قول على غير صايب=هرجة ردي مايميز قرارها ندري من الزلة ونخشا ونختشي=أيضا ولا انظر جادل في خدارها الأعمال بالنيات وللعبد ما نوى=ولا كل من ينوي على الحج زارها |
|||
|
|
|
17-12-2013, 07:18 PM
|
رقم المشاركة : 16 | |||
|
مع
لا تسمـع في هـرج نقـال ولا قـال=خلـه يقـل الحكـي بينـه وبينــك يااهل النمايم من عمل عمـل يلقـاه=في ماقف يـوم الجـوارح شهـودهوسـدك فلا تعطيـه عـمٍ ولا خـال=كـم واحـدٍ بالهـرج يبحـث كنينـه مقعـدك مع ناسٍ لهـم عنك منـزال=.لا هـم بـراجينـك ولا خـايفينـك معهـم خبـرك وكايلينـك بمكيـال=على العسر واليسـر هـم عارفينـك في مجلـسٍ مـالك مقـامٍ وتفضـال=أخيـر مـا تفعـل مقامـك بحينـك
يالعبد قيس ما طرا لك على البال=دنيـاك لا تلهيـك عـن تبـع دينـك واعرف ترى ماقسم لك مابه اشكـال=يجيـك لـو كـل الـعـرب حاسديـنـك والمـال مثـل الفـي لابـد يـنـزال=مــر علـيـك ومــرة فــي يمـيـنـك والفرق فـي تبريـق ربـك بالاعمـال=فـي ساعـة تـذهـل بـهـا والديـنـك مع حمد المغلوث
حـلات الفتـى لا رام تدبيـر حالـه=يقـوس المعـانـي والقيـاس ثبـات
لا يعتنـي بأمـرٍ وهو يـدري أنـه=أتـلاه يــرّث للـوشـاة شمــات فكـم واحـدٍ تلقـاه فـي زي عاقـل=وهـو ثـور لكنـه عليـه عبــات أنا أقول من يكرم وهو يرجي القضـا=أجل عنـك طيبـه ما عليـه حـلات كما مقهويٍ بالسـوق لا صب يرجـي=مقـابيـل فنجـالـه تجيـه زتـات حلاة الفتى يكـرم ويـروي بشاشـه=وما فـات مـن طيبـه يعـده فـات |
|||
|
|
|
17-12-2013, 07:28 PM
|
رقم المشاركة : 17 | |||
|
مع عبدالمعين بن ثعلي
الله خلقنـا كلنـا واسمنـا العـرب=الاسـم واحـد والعقـول أقـسـام تحذر واخذ حذرك من الميل والجهل=من خـوف لاتزهـق بـك الاقـدام
ولا كل طيرن ينتقلـد علـى طيـر=ولا كل من هام الشجاعه شجاعـي ماينتقلـد بالـحـرار العصافـيـر=ولاينتقلـد بالقـرمـب الافـاعـي لو قلدواشـيٍ علـى شـي تغييـر=مايتقلـد بالطبيـعـي صنـاعـي
يامـا ويامـا والليـالـي مقـاديـر=يلّيـمـن الـشـمـل ويفـرقـنـي مافرّقـن مـن ناطحيـن الطوابيـر=أمـرٍ مـن البـاري بعـد يومرنـي والموت له في كـل ديـره مداويـر=واحد ومامور علـى أنـسٍ وجنّـي
ماكل ليل(ن) من ليالي أبـو سـرار=ولادامـت الدنيـا ببسـط وعدالـي
يوم(ن) لها اقبالن ويوم(ن) لها أدبار=كم فرقت مـا بيـن غالـي وغالـي وليا اقبلت عسلـج زهرهـا بنـوار=رجعن يعلـه كـل يـوم(ن) خيالـي ياما قطـف جنايهـا مـن الاثمـار=وياما شـرب منهاالقـراح الزلالـي عشاقهاتضـرب لـه الزمروالطـار=وقامت تزهنقلـه بحسـن وجمالـي ولياادبـرت عجلـن فلكهالـيـادار=تدرجبـه ادراج الرشـا للمحـالـي ياماسقت من واحدن كاس الامـرار=ويامانشـاء فيهـا شبـابٍ وزالـي كم عاش فيها من طويلين الاشبـار=قوايـد الهيجـا زحـول الرجـالـي اليوم مامنهـم علـى الحـزم ديـار=هـذي منازلهـم خلـيـن تـلالـي ماكنهـم كـانـو ولاصارمـاصـار=راحوهبـاً منثورتحـت الرمـالـي وليا جفاك الـدار غيـره ميـة دار=ومناكب الديـره عراضـن طوالـي ولاتشتشير ابشار من لامعـه شـار=والعـد لاتــرده بلـيـا مـدالـي وماقـل دل وكـل شيـاً بمـقـدار=ماهيـب فوضـه كـل شيـاً يكالـي الكيـل والمـيـزان لصغاروكـبـار=شيٍٍ خفيـف وشـيً منهـن ثقالـي |
|||
|
|
|
17-12-2013, 09:01 PM
|
رقم المشاركة : 18 | |||
|
مع
ما ذكر به حيٍ بكى حي يـا ذيـب=واليوم أنا ببكيك لـو كنـت حيـا
أبا أنذر إللي من ربوعي يبا الطيـب=لا ياخذ إلاّ مـن بيـوت الشجاعـه يجي ولدهـا مـذرب كنّـه الذيـب=عِز لِبُـوه وكـل مـا قـال طاعـه وبنت الردي ياتي ولدها كما الهيـب=غبـنٍ لبُـوه وفاشـلـه بالجمـاعـه يا كبر زوله عنـد بيـت المعازيـب=متحـرّي ٍ متـى يـقـدّم متـاعـه مع رشيد الزلامي
الوقـت يامقـسـى عـنـاه وعـذابـه = حطـاب ليـل ولـه معاويـن وفـزوع خـلا احد (ن) منـه يمكـن يعالـج صوابـه =واحد (ن) يموت بعلته مـوت جربـوع يروح مثـل مقـاط محـد (ن) درابـه =لاحبـل يرقـى ولاصـوت مسـمـوع بغـى يجيـب رشـاه ورشـاه جـابـه = مـن عالـي الشفـه على ضربـه الـكـوع كم واحـد (ن) وقـت اللـزوم تهقابـه = واليـا نصيتـه غيـر الطبـع بطبـوع والصاحب اللى صحبتـه ضحـك نابـه = يبينى ابقى لـه علـى الـدوم مـزروع ان شـاف وجهـي قـال يامرحبـابـه = وان غبت ينسانى علـى راس الاسبـوع واليـا نسانـى منهـو حظـره جنابـه = انسـاه واجعـل دونـه الخـط مقطـوع وعيب (ن) عليـه كـان طقيـت بابـه =لونى امسي بالخـلا ميـت (ن) جـوع من خلـقـه الدنـيـا تـجـوع الذيـابـه =بس المهـم تعيـش والـراس مرفـوع
رجـال المرجلـه مالهـم كـار=الذيخ لـو يبكـي مسحنـا دموعـه الذيخ يشبـع فالفضايـل والاسـوار=والذيـب مايـدرى بفقـره وجوعـه وقت(ن) يخلي صاحي الفكـر يحتـار=ويشوف من هول الدهـر مايروعـه تلقى الفقير وفزعتـه خمسـة انفـار=وتلقى الغني كـل الجماعـه فزوعـه ياعاشق الدنيـا تـرى مالهـا جـار=كما واحد(ن) في حبها طـار شوعـه اليوم تضحك لـه وتعطيـه الانـذار=وبكـره تلحويهـا محانـي ضلوعـه خلك علـى صكـات الايـام صبـار=ويوم(ن) يفوتـك لاتمنـى رجوعـه وقرش(ن) عزيز افضل من الفين دينار=من مصدر(ن) للذل يعلـن خضوعـه ولو الوساده من صلافيـح الاحجـار=للراس اخير من التـرف والميوعـه
لاتامن الدنيا ترى وضعها شيـن=ماعاد به دنيـا صحيـح بدنهـا
لاصاروا العقّال مثـل المجانيـن=واصبح ردي العرف يامر وينهى |
|||
|
|
|
17-12-2013, 09:01 PM
|
رقم المشاركة : 19 | |||
|
مع سليمان بن شريم
تراه ما ينــفعك خالك ولا أخــــــــــوك = لا صار ما تقضي لزومك بيمــــــــــناك
وربعك ليا بان الخلل فيك عافــــــــوك = أقرب قريب ٍ لك من الناس يشــــناك إن كثر مالك صدقواّ لك وطاعــــــــوك = وإن قل ما بيديك شانت حلايـــــــاك لو تطلب الما عندهم كان ما أسقوك = إبعد مزارك عن وطنهم ومـــــــــرباك وإن طاب حظك صدقوّا لك وحــــــبوك = وإن بار كلن ما يبي غير فرقـــــــــاك وإلا إعترض لك من صروف الـنيا صوك=كلن تبرا منك ماهــــــوب ويـــــــــاك هراجة المجلس إلى جـــــــيت وروك = منازل ٍ تطرب نظيرك بدنــــــــــــــياك وإللا قضى منك اللوازم وخلــــــــــوك = تفرقوا وأنت إحتمل كل ما جــــــــاك وترى الملوك اليا صفولك وحبـوك=أصغر خدمهم ينتقـم لـك وينفـاك واليا جفوك أهل الوظيفة وعافـوك=خفـت موازينـك وكلـن تهقـواك كنك سراج البيت للنور شـــــــــــبوّك = وإلى إنقضى اللازم حدا الربع طفاك واللي يجي من رفقته ريب وشكوك = إحذر عنه لياك تصدف بمـــــــــسراك وإلا جفوك أهل الوطن وإســـتخفوك = قلّع غريسك منه وإهدم ركايـــــــــــاك تراك لو تنجع عن الربع صــــــعلوك = أحسن من اللي تلتجي به وياطـــــاك عطهم وضيفهم إلا منهم جـــــــــوك = وإغلق ضميرك لا تعلم بقصــــــــــــياك إن طبت ما حبوّك وإن عبت زالــــوك = تمضي حياتك ناقل ٍ داك بريــــــــــــاك وإصحى لخلان الرخا لو تغـــــــــالوك = إعرف ترى أطيبهم إلى إحتجت يجفاك كنك خوي مقيط دهووك وأغــــــووك = وحقك عطاك رشاك وأقفى وخـــــلاك وإن كان عدوانك على الضيق حدوك = فإخصم طلابتهم بعجفاك وقـــــــــداك وإن كانهم لمشرّف الحق ماشــــوك = ناظر مطاليع الفرج قبل مـــــــــــــبداك وإن طاوعوا شيطان الأنفس وهانوك = فإصبر على البلوى ودفنك رزايــــــــاك زرهم تراك إلـــــــيا تونــــيت زاروك = إن ما بديت لصاحب السو يبـــــــداك ما دامهم ما طاوعــــوا لك وعرفوك = إضرب على الكايد إلى عمست رياك لو هذبوك إمن المصاوب وضــــدوك = ما يذبحونك قبل تدني مــــــــــناياك وإحلم على الجاهل ترى الحلم مبروك = وقم للضعيف اللي من الظيم ينخاك وإدمح خطاجيران بــيتك إلى أوذوك = ترى القصير وحرمة الجار بحــــــماك |
|||
|
|
|
17-12-2013, 09:24 PM
|
رقم المشاركة : 20 | |||
|
مع عبدالله بن مستور المسعودي
يامستغيب الناس مانـي غيوبـي=ماني لغيري لا ابـاودي ولا اجـيب عن عيب غيري شاغلتني عيـوبي=من يشغله عيبه ماشاهد لاحد عيب الصدق مثل الريس من الدروبـي=اللي ماتغني عنه كـل المجانيـب والكذب ظلمه فوق وجه الكذوبـي=ظـلام ليـل ولاظـلام الاكاذيـب
يالساني احذر عـن فمـي لاتعـدى=قدام لاعضك على الضـرس والنـاب واحـذر تـودي هرجـةْ مـاتـودي=واليا بدت قالوا لـك النـاس كـذاب اللـي تعشـى بالكـذب ماتـغـدى=والي تعالج به من السقـم ماطـاب واذر ثـم احـذر بالـردي لاتجـدي=حاجتك ماتقضي وسرك مـع البـاب من يـوم مايفهـم حقيقتـك صـدي=واصبح يسولف بك مع الناس الاجناب مع احمد الناصر الشايع
اشهـد ان الهـدوم يستـرن المعايـب=اثرها تستـر الحرمـه وتستـر فحلهـا
الاوادم بعضهم مثـل وصـف الجلايـب=لو توحد بها ذيـب الخـلا كـان اكلهـا كم صبـي تحسـب انـه ع الضرايـب=وان بخصته , كرهت الديره اللي نزلهـا مايسر ان حضر , وان غاب ماقيل غايب=مار الارزاق عنـد ربٍ لخلقـه كفلهـا مايضـد الضديـد ولايفيـد القـرايـب=يوم نفسـه تعـدى حدهـا مـن زعلهـا وفيه رجـل يحـل المشكلـه والنشايـب=كـل ماحملـوه الواجـبـات احتملـهـا وااقـفٍ للـزوم ومرتـكـي للنـوايـب=والحمـول الثقيلـه مالهـا الا جملـهـا ليت روحه قبل تركز عليـه النصايـب=حط عنه اربعين مـن الزلايـب بدلهـا وفيه منهـو مسالـم مايحـب الطلايـب=مشتقى من رضى نفسه ولا من زعلهـا وفيه منهو اذا كبرت عليـك المصايـب=ساق وجهه وجاهه لـك ونفسـه بذلهـا وفيه منهو يبـا الجـودا فلاشـك هايـب=كل ماناض صدره جـى عضـوده خللها وفيه منهو يحـل المعجـزات الصعايـب=اصغر افعاله الجـزلات محـدن فعلهـا وفيه منهو يعيـش وعيشتـه بالسبايـب=كل ماسمعله غلطـة مـن رفيقـه نقلهـا وفيه منهو على نفسه رضـى بالغلايـب=الله اللـي رفـع نفـس ونفـس خذلهـا لـو تبـي تنصحـه لله نجـر الهبايـب=انكـرك والنصيحـه ردهـا ماقبلـهـا اشهد انه عقوبـه مـن كبـار العقايـب=قاصر المعرفه قلبـه كمـا قلـب بلهـا |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الشعر النبطي | ثار التميميه | اكاديمية الشعر النبطي | 15 | 16-12-2010 06:50 AM |
| أغراض الشعر وأسلوبه ومعانيه | مازن حجازي | مرآة الأدب العربي | 15 | 16-12-2010 06:50 AM |
| الخلاوي | سالم العبيدي | رواد الشعر النبطي | 25 | 01-12-2010 07:48 AM |
رد: أبيات خالده من الشعر النبطي
