الهم والحسره

[حوريه]

سلامتك ياهاوي من الضيقه
وصح لسانك جزله من جزل
تحيتي لك مع التقدير

[تميمية]

تـــرى الـوقــت مـهـمـا زان لا تـامـنـه بـغــدور **زمـــــانً غـــريـــب يــخــلــف الــعــقــل ويّـــفـــرّه


أنشهد .. صح لسانك

[سناعيس]

صح لسانك ياهاوي نجد
ولله درك

تحياتي

[الطامي]

اي والله حزين يانعا الخاطـر المكسـور
من الضيقة اللي كونت فالحشـا عبـره
اجامل معى الايام تـو العـرب مسـرور
يابلفيت كن النفـس بالضحـك مستـره
فطن من فطن من ربعي وشار لي بالشور
تعالج قبل خلفً يجي وانـت فـي غـره
هاوي
صح السانك ملايين
رائعة جدا
لاهنت اخي

[عمر ال شيبي]

المشاركة الأصلية كتبت بواسطة هاوي نجد

اي والله حزين يانعا الخاطر المكسور = من الضيقة اللي كونت فالحشا عبره
اجامل معى الايام تو العرب مسرور = يابلفيت كن النفس بالضحك مستره
فطن من فطن من ربعي وشار لي بالشور = تعالج قبل خلفً يجي وانت في غره
فقلت اكتم اللي شفت ولك علي انذور = على شان شورك الغلا بننا جره
وصف طبيب لقبوه البريفيسور = يقولون فاهم فالتشاخيص بالمره
وجيته ولاني سامح والهدف مخبور = صرف لي علاجً جعله الهم والحسره
علاجه خبيثً حطني فاهيً مسدور = وزود على مابي عسى ينحفر قبره
وقالو سنه لايمتكن فكته مجبور = وليا جيت بخليه زود علي شره
وهذا جزاء من يستمع في كلام العور = ماحسّب حسابه لين طبح معى الحفره
وشكواً على غير الولي ذلةً وثبور = نصايح زمانً حطت دروبها جره
وعيبً على الرجال يظهر خفا المستور = فتفرح بها ناسً من الغيظ محتره
الا خيرة الصدقان غمراً وفيّ شبور = صديقً معك وافي على الحلو والمره
شروا صديقي سيف تاج الوفا المنعور = كما الحد في يمناي ضيم الدهر طره
ياكثر صدقان الرخا فالرخا طابور = وليا كلحت الانياب كلً قصر شبره
ياسيف يامشكاي قدلي وانا ممرور = و خل الحمول بسرها من ورى الحره
سهيراً عقب ماجيت حتى بزوغ النور = من الهاجس اللي يشلع الجوف ويقرّه
ترى الوقت مهما زان لا تامنه بغدور = زمانً غريب يخلف العقل ويّفرّه
عسانا على الهقوه وعين الرجل ناظور = وياشين ظنً ماهقيته كما الجمره
ورد الخبر لمعدي الوافي المسطور = وخبره بللي صار وحفظ علي سره

كان الله بالعون
صح لسانك يا جزل

[ماجد الراشد الهيري]

صح لسانك يابو حزام
والله يذلل لك كل صعب وييسر امرك
جزله من راس جزل

[عبدالعزيز العمار]

هاوي نجد

صح لسانك وجاد بيانك

جزله من شاعر جزل وقدير

تحياتي لك مع التقدير

[حمود السكراني]

صح لسانك جزلة يالغلا سلم غاليك

[نجم الإبداع]

صح لسانك ياسعيد

مصافحه طيبه

جزل

لاهنت


تقبل مروري

وتقديري

[الواكد]

صح لسانك وقلبك
ولا هان راسك
تقبل مروري واحترامي