بعض الحلا توهيق

[ابو أنس]

المشاركة الأصلية كتبت بواسطة أصالة تميم

سلامتك يا أبو أنس وما تشوف شر

ولا يهمك الشباب شباب القلب

ماني كبير(ن) او شايب=وماني كثير المعايب
وانا الحلا فيني زود=ولاشافوه الحبايب
قلبي اخضر ما يعتاز=ولافي رجلي عصايب
بس السكر راغب فيني=لو اني عنه متجانب

[ابو أنس]

بعض الحلا توهيق وينشف الريق=طعمه حلو لكن به السم ساري
يحرمك من لذه وتنسى المواثيق=تدبغ يدك في الزاد لو كنت داري

[الخنساء]

بعض الحلا توهيق وينشف الريق
طعمه حلو لكن به السم سـاري
وهذي الحقيقه قلتها زين
شاعرنا ابوانس سلامتك الف سلامه
فالسكر يصيب حتي الاطفال والشباب
مرض العصر وسع صدرك
صح لسانك علي الابيات المعبرة
قوية المعني
مع امنياتي لك بالصحه والعافيه

[ابو أنس]

الفاضله الخنساء.............
اشكر لك المرور العذب والكلمات الجميله
تحيتي

وهذي الحقيقه قلتها زين

هذي الحقيقه نعرفها=ناعيها ونتوصفها
لكن البطن اقشر يدنع=اذا يلمح مناسفها
نحط الكف ونتعهد=بأنا مانكلّفها
ويروح الكف والثاني= الى العشرين ننسفها
ونحلي باللي متيسر=ثم(ن)للببسي نحرفها
بعده نجيب الوساده=على الجنبين نخلفها

سلاااااامتك ياابوأنس ماتشوف

شر والشباب شباب القلب يالذيب



صح لسانك مدد بلاعدد




إحترامي

[الطامي]

ابو انس
ابو زياد
صح السنتكما
ابيات تحكي واقع ملموس
كفانا الله شره
شكرا لكما ولاهنتما عيوني

[رفيعة الشان]

ههههههههههههه

الاخ ابو أنس

ابياتك والله راائعه وما يحتااج علاج

خلك هنا فالشعر الفكاهي وانشالله مابه مكروه

[حوريه]

ابو أنس

اثاري السكر معك عامل العمايل

مارح ندعي عليك جعلك ما تطيب

بس والله ودنا نستمتع هنيا كل ما ضاق صدري جيت اقرا

لعبك مع السكر حتى ردودك تهبل كلها سكر

جعل ربي يعافيك ويخليك لعين ترجيك

وسعت صدورنا وما تشوف شر

[عُلا]

وش درّاني قالوا سكر=وانا اخبر السكر زين
نركض نحشاه بمخبانا=عـن اهلنـا متخبيـن
ونحطه بالشاهي زايـد=يبعد عنه الطعم الشين
وريق العذارا ياصاحب=طعمه سكر وش يدرين
لكنّه يوم انـه جالـي=اصبح بي نشبه محقين

أبدعتَ يا أبا أنس
استمتعتُ جدا بالقراءة لك في هذا القسم
و دمتَ بعيدا عن ضرر السكـر
و دمتَ قريبا من حلاوته



احترامي و تقديري





عُلا

[ابو أنس]

ياعلا اعلا الله قدرك=واعطاك الله من دعاك
ياعسى الله يشرح صدرك=ويعطيك احلا واغلا مناك
وانا عاجز لو عن شكرك=لكن عسى الله يجزاك