فلاح بن منشار تحت الأضواء

[نجم الإبداع]

المشاركة الأصلية كتبت بواسطة عمرالعبدالله

الاخ الشاعر/ فلاح بن منشار
تحيه طيبه وبعد
هل لديك ديوان مطبوع
اذا كان الجواب لا
هل فكرت بطبعه
-----
لمن يقراء الشاعر فلاح
من الشعراء القداما والمعاصرين
------
تحياتي وتقديري

الاخ العزيز
عمر العبدالله
اشكر لك مرورك وتحيتك الطيبه
وبالنسبه للديوان قريبا انشاء الله يرى النور
اما لمن اقراء من الشعراء
فانا من عشاق الفصحى
من القدماء المعلقات وجرير
وعنتره واحمد شوقي
الامير عبدالله الفيصل الله يعطيه العافيه نزار قباني
وغيرهم من الشعراء المبدعين
والشعر الشعبي بن لعبون الامير محمد السديري من القدماء
والمعاصرين الامير خالد الفيصل الامير بدر بن عبدالمحسن
والامير طال الرشيد الله يرحمه
وماينثر من درر في ايامنا هذه لجدير بالقراءه
شعراء مبدعين وأنت منهم اخوي عمر

لاعدمتك

[نجم الإبداع]

المشاركة الأصلية كتبت بواسطة ابو زياد

هلا وغلا يافلاح
متابع دائم
ولي عودة

الله يبقيك ويبارك فيك يابو زياد
والله يحييك في اي وقت
انت قريب جدا من القلب

لاعدمتك

[سناعيس]

أهلا وسهلا بشاعرنا القدير
والمبدع دائما الأخ فلاح بن منشار
وشكرا لمشرفنا العام على إستضافتك
وبجعبتي أسئلة لا أود طرحها الآن لترك المجال للأعضاء الكرام
وسأعود بإذن الله لطرحها
ومثلما قلنا سابقا يحق لك أن ترفض أي سؤال ترى أنه غير مناسب

تحياتي

[نجم الإبداع]

المشاركة الأصلية كتبت بواسطة المشرف العام

ولد شاعر كريم وشيخ ربعـه مجلسـه ونـاس
اذاً نبدأ بالأصل
فمنه تعلمت الشعر واثرت طريقته في التربية فكانت المبادئ:
تربينا على حب الوطـن والقـدس هوجاسـي
وكل المسلمين اخوان واعـرف ان ذا ساسـي

اهلا بك يابا عبدالله
والوالد شاعر شقر معروف وله نوادر من المحاورات
مع بن شلاح الله يرحمه وآخرين لاتحضرني اسماؤهم
وبالنسبه لي لم اكتب قصيده متكامله الا في مصيبة احتلال الكويت
ولي القليل من الكتابات في بعض الصحف المحليه
وانت تعلم ان الشعر لايُعلم ولكنه يأتي من رحم الالم
اما بالنسبه لما اشرت اليه من التربيه فتلك المبادئ
هي الصوره البهيه التي فتحنا عليها اعيننا في البيوت والمدارس
وهي الجمرة التي اضحت تحرق من يحملها
هذا مافهمته من تساؤلك

اشكر حضورك
واسلوبك

[نجم الإبداع]

المشاركة الأصلية كتبت بواسطة سناعيس

أهلا وسهلا بشاعرنا القدير
والمبدع دائما الأخ فلاح بن منشار
وشكرا لمشرفنا العام على إستضافتك
وبجعبتي أسئلة لا أود طرحها الآن لترك المجال للأعضاء الكرام
وسأعود بإذن الله لطرحها
ومثلما قلنا سابقا يحق لك أن ترفض أي سؤال ترى أنه غير مناسب

تحياتي

تسلم اخوي سليمان
والله يبقيك ويعلي قدرك
حضورك شرف وكلامك درر
وابد خذ راحتك اسال وانشاء الله ماتجد الا مايسرك
متظر عودتك الكريمه


لاعدمتك

[شوق]

أهلاً بضيفنا فلاح بن منشار

أتيت لأسلم

ولـي عوده إن شاء الله بكم من الأسئله

معليش تحملنا فلاح

هههههههههههههههههه

[نجم الإبداع]

المشاركة الأصلية كتبت بواسطة **** شوق ****

أهلاً بضيفنا فلاح بن منشار

أتيت لأسلم

ولـي عوده إن شاء الله بكم من الأسئله

معليش تحملنا فلاح

هههههههههههههههههه

الله يبقيك ياخت اشواق
وسلمتي على المرور والتحيه
ولا شك اني انتظر عودتك ومالديك
وما يهمك انشاء الله ماتشوفين الا الطيب
وياخوفي من ابتسامتك ههههه

لاهنتي

[عبدالله الشويمان]

المشاركة الأصلية كتبت بواسطة فلاح بن منشار

الله يبقيك يابو عبدالله

هلا ياصاحبي عثمان مثلك تاج فوق الراس = وكل اهل الفطاحل بالموده والوفاء ناسي
انا انسان عادي لي مشاعر مثل باقي الناس= ونظم الشعر متنفس وفيه اصور احساسي
ولد شاعر كريم وشيخ ربعه مجلسه وناس = تربينا على حب الوطن والقدس هوجاسي
موظف بالحكومه واصرف الراتب على الخُلاس= على الجوال والكهرب وما يخفاك هنداسي
احس جروح قومي من حدود الصين الى مكناس=وكل المسلمين اخوان واعرف ان ذا ساسي
اخذت من الحياه ادروس شفت ان البشر اجناس= بهم راعي الوفاء والطيب واكثرهم توناسي

صح السانك يا اخ فلاح بن منشار..

سبحان الله شوف التقارب بين ابياتك وابياتي..

هذه الابيات مطلع من قصيدة قلتها في ديرتي منذ سنه تقريباً بعنوان((وفاء واخلاص)) ..

وفا وخلاص وعلمٍ هايض من داخلي بحسـاس=أقول اللي يجول بخاطـري ويـدور بالراسـي
ونا شاعر ولد شاعر ولدت بديـرة النومـاس=مدينه بالقصيم وفيها ناس أجواد ..هم ناسـي
هم أهلي هم عزاويي وهم تاجٍ وفوق الراس=وأهل الديره أهلٍ لي وربعٍ طيبهم كاسي
أيا المذنب أيا دار الكرم والجود مثل الماس=زلالٍ في هلك مع طيبهم ما مثلك اجناسي
على جال الذنائب من فياضٍ جا مطرها رياس=على كل اتجاه الاوديه والسِّيل عساسي
تسميت المذنَّب من قديم ومن عهد جساس=وبني إهلال صالوا فيك وجالوا في زمن ماسي
الا يا المذنب اللي عامرٍ بالخير مابك باس=وهذا من فضل ربي زهيت بزين الالباسي
زهيت ومن عهد عبدالعزيز اللي وضع له ساس=بأرض المملكه أسس أساسٍ للبناء راسي
محبه فيك اقول الشعر وقلبي طايب الاحساس=لأنك ديرتي وديرة هلي تاجٍ على راسي

[ابو أنس]

الفاضل فلاح ابن منشار................
مرحبا بك وبحضورك البهي المحبب
استضافة أراها متأخرة بعض الشيئ ولاشك ان الشاعر فلاح من الشخصيات التي نرغب في معرفته عن قرب أكثر
فمن خلال شعره نستنتج شخصية متميزة ذات طابع وشخصية متفرده تحبها لو لم تلقي بها.
أخي فلاح....بما انك من المنطقة الجنوبيه ـ وكما أظن من الباحه ـ وهي تضم العديد من المبدعين أدبا وشعراً بالفصيح والعامي. وبما انك تقيم الآن ـ حسب ظني ـ في المنطقة الشرقيه.
ما اللذي أضافه ذلك الى شخصيتك الشعريه من حيث المفرده والطرق.وهل يختلف الطرق والتركيب بين هاتين المطقتين
لك وافر شكري .وأضيف ان سعادتي بلقائك كبيره وعظيمه
ولك عاطر التحايا

[نجم الإبداع]

المشاركة الأصلية كتبت بواسطة عبدالله الشويمان

صح السانك يا اخ فلاح بن منشار..

سبحان الله شوف التقارب بين ابياتك وابياتي..

هذه الابيات مطلع من قصيدة قلتها في ديرتي منذ سنه تقريباً بعنوان((وفاء واخلاص)) ..

وفا وخلاص وعلمٍ هايض من داخلي بحسـاس=أقول اللي يجول بخاطـري ويـدور بالراسـي
ونا شاعر ولد شاعر ولدت بديـرة النومـاس=مدينه بالقصيم وفيها ناس أجواد ..هم ناسـي
هم أهلي هم عزاويي وهم تاجٍ وفوق الراس=وأهل الديره أهلٍ لي وربعٍ طيبهم كاسي
أيا المذنب أيا دار الكرم والجود مثل الماس=زلالٍ في هلك مع طيبهم ما مثلك اجناسي
على جال الذنائب من فياضٍ جا مطرها رياس=على كل اتجاه الاوديه والسِّيل عساسي
تسميت المذنَّب من قديم ومن عهد جساس=وبني إهلال صالوا فيك وجالوا في زمن ماسي
الا يا المذنب اللي عامرٍ بالخير مابك باس=وهذا من فضل ربي زهيت بزين الالباسي
زهيت ومن عهد عبدالعزيز اللي وضع له ساس=بأرض المملكه أسس أساسٍ للبناء راسي
محبه فيك اقول الشعر وقلبي طايب الاحساس=لأنك ديرتي وديرة هلي تاجٍ على راسي

الله يحييك ياخوي عبدالله
يشرفني ان اراك هنا ياحكيم الفطاحله
وياخوي ترى القلوب عند بعضها ونحن ابناء بلد واحد
بلد متجانسه فيه العادات والتقاليد
فلا تستغرب ان تتقارب الافكار
اشكرك على الاضافه الجميله
وحضورك مكسب

لاعدمتك