لابعت شخصٍ كنت في يوم شاري

[مجدي صالح المبارك]

الشاعر القدير ( الطائر المهاجر ) صح لسانك وجاد بيانك ابيات رائعة ومعاني فارعة من مخيلة بارعة , تقبل مروري المتواضع ودمت بكل خير .

[فواز الغسلان]

المشاركة الأصلية كتبت بواسطة الطائر المهاجر

البيتين الأولين من قصيدة اخي الراوي فواز الغسلان
حركت شيئا ما في داخلي ، فجاءت هذه الأبيات الكيبورديه التي
لا اعتبرها مجاراة ، فالبحر لايجارى

لابعت شخصٍ كنت في يوم شاري=فلا تجيب له طاري ولو كان هاجوس
دامك عرفته بالنفاق متواري =وش لك ببو وجهين عاثي كما السوس
فرق عباد الله بالخبث ضاري= مريض نفس وفي الحكالات مهووس
ويومه درى انك عن مماشيه داري= قام يتهدد يفعل افعال دبوس
يغزل بمغزل ما حسب للطواري= ما خبرت الكرعان تعلى على الروس
فالذيخ ذيخ ولا حسب في الضواري= والحر حر ولا انتفش نفش طاووس
انقابل الطيّب بوجه حضاري= ومن فيه خبث نلقنه درس مدروس
حتى يعدل مسلكه والمواري = وإلا يجنب درب بالطيب مغروس
درب الفطاحل واضحٍ في المساري= خوة رجالٍ مابهم خبث ونجوس

تسلم يادكتور عثمان لو اني ارتبكت بالبدايه

يوم قريت العنوان قلت معقول توارد افكار؟

ماشالله تبارك الله صح لسانك مليون 00

[صعبة المنال]

تميز حتى فى المجاراة

صح لسانك

صعوووب

[عبدالله مذكر العقيلي]

كفووووووووووو

يابوعبدالله

بيض الله وجهك

وصح لسانك

[عدنان كريزم]

مبدع يا دكتورنا



صح لسانك ملالايين ولا هنت

ابدعت ابدعت

عفيه عليك

صح منطوقك

[الطائر المهاجر]

شكرا اخي الطامي
على كريم الحضور والتفاعل
لاهنت
تحياتي

[عبيد دعيع القلادي]

الله الله يالطائر المهاجر

أبدعت وصدقت أبيات رائعة ومليئة بالحكم.....درر

صح لسانك يابوعبدالله لاهنت جزلة من جزل....دمت بخير.

[ابومياس]

لاتعليق يليق بمقام
هذا النص الفاخر
وكل ما استطيع قوله هو صح لسانك
وبيض الله وجهك
قصيدة تستحق الوقوف على عتباتها
دام التميز في الحرف
ودمت بخير

[ترانيم المطر]

الله عليك عودنا
صح السانك واعتلى شانك.. ولاهنت
رائعه,,تقبل مرورى..