سلام ياحرب المواقف

[سعود بن سنيد]

الشاعر ابراهيم غضيان الشراري

صح لسااااااااانك وبيض الله وجهك


يستاهلون
حرب ومن يقدم الطيبه يحصلها


تقبل مروري من هنا لاهنت

[محمد عبدالله البدراني]

[quote=ابراهيم غضيان الشراري;1608210][

font="arial black"]من لايشكر الناس لايشكر الله إهداء ألى قبيلة حرب بصفة عامة.وللأخ العزيز سعادة العقيد:محمد بن جزاء العياضي الحربي قائد قوة أمن الطرق بمنطقة الجوف بصفة خاصة. ســـلام ياحـرب الـمواقـف

[/font]

سلام ياحرب المواقف والامجاد=من شاعر صادق وصدره شمالي
لكم لكم ياخيرة الناس الاجواد=ماهو نفاق أقسم برب الجلالي
شبابكم واطفالكم عقب الاعواد=من كل فرد يطول منه وينالي
ياحرب عنكم منبع الطيب ماحاد= عندي جواب وليه أدور سؤالي
وقفاتكم ماتعرف حدود وابعاد = ياقروم نجد أبمدنها والسهالي
ارداكم الي علمة بروس الاشهاد= عند اللوازم يرتكي للثقالي
وصدوركم قبل المجالس بها شاد= من جالكم ياوافيين الخصالي
خوة رجال وعزة النفس تزداد=دون الخوي يرخص لكم كل غالي
والطيب فيكم بين صادر ووراد= متوارثينه ياقروم الرجالي
ماتعرفون الغدر والبوق لو ساد= جوع الكفر ما ترتظون الخمالي
عنكم عطونا اباءنا علم الاجداد= عن فعل أهلكم بالسنين الخوالي
مع جاركم ياما تقاسمتوا الزاد= ومع الخوي عضد وسند وارتجالي
والواقع الي ساد من فوق الاسياد= يركع ذليل أن شاف قرم العيالي
يثبت الى منه زعل مثل الاوتاد= حتى يطول الي يبيه وينالي
يالابة الفزعة بحزات الانكاد= يامنبع الطيب وسمو المعالي
ياحرب هذا هو ولدكم ويزداد= طيب وشموخ وعز ماله مثالي
الناس في وادي وهو عنهم بواد=همه يروم النايفات العوالي
كل يوم يولد له من المجد ميلاد=طبعه كذا ماهو كبر أو تعالي
تجي له الدنياء على كيف ماراد= واذا سعى جاب الصعيب المحالي
يقود له قوات ضباط وافراد=حكمة وحنكة واعتدال وكمالي
ماجاء يتعود جالنا القرم معتاد= من فعل أبوه ولابته والخوالي
صدره فياض ورادع أعقول الاوغاد=لين وقاسي ميلته باعتدالي
وأن قال يفعل وأن وعد يوفي اوكاد= يرسي كما ترسي رواسي الجبالي
من قبل عرفه صرت سرداد مرداد= ومن كثرة التفكير مشغول بالي
ساقتني الصدفه على نسل الاجواد= ورميت حملي وارتكاله وشالي
ويلي عن أسم أبن الاجاويد نشاد=أسمة وعلمة عز لاجا مجالي
هذا (محمد بن جزاء) درع وسناد= القاه لاجار الزمن لي موالي
(أبوفهد) كن المراجل له اولاد= والطيب يندى من يمين لشمالي
بينه وبين ابهاجة الروح ميعاد= ذيب(ن) تعرفة زين سود الليالي
(يابوفهد) يالله عسى ايامك أعياد=جمعت شملي يالوفي في عيالي

الشاعر / إبراهيم بن غضيان الشراري


الاخ العزيز الشاعر الكبير ابراهيم غضبان الشراري سلمه الله


الف الف الف الف مليوووون مليون صح السانك واعتلا شانك
قلت واجزلت لافض فوووك
واسمح لي بالنيابه عن قبيلة حرب كوني اطلعت على القصيدة هنا ان اتقدم لك بالشكر الجزيل على وفائك ومرؤتك
وبيض الله وجه ابن العم الغالي العقيد محمد جزاء وفعله غانم وين ماراح مايكسب الا النعم ويكسب ال قبيلته وربعه المدح وهذي سواة الطيب يكسب الطيب والثناء من الطيبيين شرواك بيض الله وجهك
واستأذنك بأخذ نسخه للقصيده لنشرها في منتدى حرب الادبي بعد اذن ابو عبدالله وانا متأكد اني امون عليه امنول وهالحين فهو اخ شهم وكريم الف الف مليون مليون صح السانك وبيض الله وجهك يالوافي تحيتي وتقديري لشخصك الكريم
وهذه تحيتي وتقديري
مع اسمى ايات الشكر اطيب المنى رعاك الله
اخوك محمد البدراني

[محمد عبدالله البدراني]

قصيده وافيه من وافي تستحق القراءه والمرور مراراً


تحيتي وتقديري لشخصك الكريم اخي الشاعر القدير ابراهيم الشراري

[عيادة الجهيلي]

كفو كفو كفو بالمادح والممدوح لله درك

[عبدالإله]

صح السانكـ

نص وافي وشاعر جزل

تقديري ,,,,,

[حمود السكراني]

صح لسانك يالشراري

جزلة من جزل والنعم في حرب ويستأهل راع الطيبة

كتبت وابدعت يالغلاااا

[المبروك]

كم انت مبدع
صح لسانك
مدد بلا عدد
لاهنت يالغالي
تحياتي واجلالي

[ابراهيم غضيان الشراري]

صادق التحية والتقدير والاحترام الى كل من:
مشعل التريباني.
عبدالله الشويمان.
الطائر المهاجر.
منيع.
هنرررل.
صنداح الزلامي.
داعي الشوق.
الطعيمي.
سعود بن سنيد.

محمد عبدالله البدراني.
عيادة الجهيلي.
عادل.
حمود السكراني.
المبروك.
شكراً على مروركم الرائع و.عباراتكم الاروع.

أسعدني تواجدكم المحفز للإبداع. لاخلا ولا عدم.

أخوكم/ إبراهيم بن غضيان الشراري

[الطامي]

الشراري
صح السانك
انت تقول وحرب يستاهلون كل الخير
والطيب مذكور ولا يخفى سهمه من الطيب والجود والعلوم الطيبه
وهذا من طيبك ووفائك لافض فوك
لاهنت اخي

[بنت النور]

صح السانك يانايف واعتلا شانك

لاعدمناك

تحيتي وتقديري