عمير بن راشد بن عفيشه

[الطائر المهاجر]

هذا ماقاله في عصر شبابه وهو نازل من الرياض الى المنطقه الشرقيه :

ياهجـــن حاذور بعــد السلـم تشكنــــّه=والعـــذر منكـن على الممـشى والاصلافـــي
كــم طرقـــتٍ قبلكن رسمــه تقصنـــّه=رسمـــه جديـــدٍ وغيــره رسمـــه العافــــي
يسقـــى ليا قالـــو ( بريشـن ) فهقتـنــّه=عقبتــــن ( الدغـــم ) وأنحيتـــن مع الجافـــــــــي
ومـــرّن علـى سعـــد يقضـــّن حاجــةٍ منـــــّه=وقال الدليلــــه ( دليــلٍ ) قـد هو خلافـــــي
ومـــرّن على ( هجــر ) يقضــن شانهـنّ منــــّه=ومــــن زيـــن الأصنـــاف نأخذ حقنا وافـــــي
وجـــوّ ( النعامـــه ) صلاة الصبـــح مرنــــّه=.ومــرّن على ( جــوبة الحمـــرور ) زلافــــــــي
ومــــرن على ( دايـرٍ ) فـي مامضــى جنــــّه=مـعّ صحصـــحٍ فيــــه تجحـــد ضلعها الحافـــــــــي
لازم عليــــكن لطيـــف الروح تنصنـــّه=وشـــعذركـــن يالنجـــايب حيــــل وأخفافـــــي ؟؟
تلفــــــن على صاحـــبٍ فنـــّي على فنــــّه=عــــن القريا يذكـــــّر حول الاسيافـــــــــــــــــــي

[الطائر المهاجر]

كان في احد الايام في حكم الشيخ قاسم آل ثاني ان طلب بعض اقارب الشاعر النخوة لهم فكانت هذه القصيد التي وجهها الى الامير

منصاك شيخي يجعل الشره ما دوب = ابو فهد نور الوطن غوج الاطـلاب
الشيخ قاسم زبن من جاه مكروب = فرز الوغى لامن هبا كـل هيـاب
نجم لعفاريت الفراعيـن مكتـوب = مفـراص فـولاد وللحـرب دولاب
حصنن لنا عن سود الايام منصوب = وحن سيفه اللي ما يبقي بالارقاب
هو درعنا الضافي الى مسنا الدوب = سورا لنا عن جور الايام وحجاب
اربط ولا تدرا غضب كل مذهـوب = حن خزنتك لا بار من بار او عاب
نفوز بأفعالك الـى نلـت مطلـوب = وبأفعالنا تفرح ولو كـان غيّـاب

[الطائر المهاجر]

وهذه قصيدة لعمير بن راشد في الدنيا واحوالها يقول:

ارى في وقتنا الحاضـر غيـاره = وميزنـا طوالـه مـن قصـاره
وصـار مقلطـه الاول موخـر = ومفهوقه قلـط عقـب انثبـاره
وبانت لـي مناهيـج المعانـي = واخرص البعد وقايـس امتـاره
وقلت لطارشـي قـم لا توانـي = ودور زملـة الـطـارش دواره
وهيبيّـه تبـوج بـك التنايـف = من اعلى الجيش من نقوة انظاره
جماليـه سفينـة بـر وجـنـا = تعالى شان من هي من وشـاره
نحيفة ما يصـك القـاع منهـا = شراريـه جمالـيـة فـقـاره
وسيعـة مبطـن ولهـا ثميلـه = وزور مـا يقلـط لــه ازواره
ومفجوجة نحر عوجـا مرافـق = براجمها كما شهـب الحجـاره
وعنق مثل رطب الغصـن ليـن = وعلبـا زاهـي نقشـة اوبـاره
كبيـرة هامـة والقحـز نابـي = وفيها من وصوف الذيب شـاره
واذنين مثـل بريـان القلامـه = ورمز عيونهـا مثـل الفنـاره
تخنوج بالمسيـر تقـول عـذرا = الى هلت على العاتـق خمـاره
وفي الريم الفريد بهـا مـواري = جفال ولا اعترض صيغة شقاره

[الطائر المهاجر]

ومما قاله في قبيلته بني هاجر:

يا غتيرٍ بالقبايـل وتاريـخ العـرب = جدنا اللي سبع الأفيا شكوا حرايبـه
من بني ضيغم عبيده عريبين النسب = من بني هاجر وقحطان حن ضرايبه
جمعنا يشدي قنيف يزايفـه المهـب = الهنـادي بارقـه والقنـا سحايبـه
والرعد حس المحبب الى منه نحـب = والغثير وعج صم الرمـك سكايبـه
ما نعيل الا إيلا من حرك العايل سبب = وإعتمد بأمراً وكبرت بنـا مصايبـه
ما يفك المنتشب من مدورة النشـب = كون من لا يحسب القبر كم نصايبه
لامشينا بالسلايل وحذفنـا السلـب = واحتمى سوق الفناء والتقت مصايبه
نرد ميراد الظوامي على جال الثغـب = ماردٍ للخيل بيـن المـرج والعايبـه
ذا لا عني صافي الخد مزفوف الهدب = جادلٍ يضفي على منحـره ذوايبـه
نلتقي للضد شروا قصاصيب الجلـب = لين مجلبنـا يوقـف مـع جلايبـه
مجزراً لاولاد به مثل عمري الخشب = لاحدر به جارح السيل من شعايبـه
وإن بغى زودٍ عطيناه حايشة النكـب = ضربةٍ في الرأس والا مـع ترايبـه
وان تنزح ناصله فوق زينات الودب = نقصر العنوه على من بدت سبايبـه
ننثر الغاره على ابله ولو فيها الجنب = لين يظهـر كـل متوجـد وجايبـه

[الطائر المهاجر]

يقول عمير في احدى قصائده

الا يا النشاما ودي أقضي أغراضي = على موتر في طاعة اللي يسانع به
مسيره على القانون ماسارفي الفاضي= ثمان الدقايق له تودي وترجع به
من احسانكم حثوا مسيره على حاضي= له السيد معتدل وخلوه يجزع به
نزوز الذي زادت من اسبابه امراضي = صديق ولاوافقني الحظ يحمع به
صبرت الشتا عنه وذا وقت مقياضي= وانا عبرتي في الصدرتنحي وتطلع به
ولاشوف شايل حمل للعلم نقاضي = يقولون هذا به لياقه ونطمع به
والاسرار ماتبدى على كل فضفاضي = هبيل يبذر بالخبر حين يسمع به
لها واحد مثلي وشروايحفاظي = عنا البيض قد شيب براسه ولقع به
كما وجد راعي بكرة له تقباضي = قبض في الشداد وهي على صوب تربع به
على بوجديل صاغ تجديله العاضي = وله مفرع يدهش الى منه فرع به
مدامع وخشم وخد كالبرق لا ناضي = وبيض الثنايا كنها الحص تلمع به
وعنق دقيق ولبة لونهاياضي= والانهاد بيض اللي لها الفن تسجع به
مزوح ذبوح بالخطا له تعراضي = رما بالسبب لي لين قلبي تولع به
وجعلني بحبسه مثل محبوس الارفاضي= وخلى لي الحزن الشديد اتجرع به
يعيل ويميل ويخلف الغيظ بغياظي= على مايريد يحيسني لاعب لع به
ولاشوف لي حيله يكون التوعاظي = اربه الى سمع التوعاظ يخشع به
ابي مطلب منه بلا ايا تعكاظي= يجي بالتراضي مايحكم المطوع به
الى عودت بالحق باروح مغتاظي = اعرف أن قوانينه بتاتي علي صعبه
هو المدعي والمنكر الشاهد القاضي= واخير اني اخذ ماحصل منه واقنع به
وابي منه بالمعروف ماودي اقاضي = وهو ميسر والوصل ماهوب يقطع به
وانا مثل عطشان قطع قلبه اللاظي= وعذب السجايا مورده مايشرع به
( ولوكان حيضان اريش العين فياضي = شراب بلا مسفوط ماودي ادنع به )
شفوق على وصل الحبيب وهو راضي= كما يشفق المحرم على حبة الكعبه
لاجل الوداد قاطع عرق لظاظي= وصوابه بقلبي ماادري ويش باصنع به
وهو دختري كانه على الخل غضاضي= عسى منه ياتي طب للسو ندفع به
والاسباب يومه ذكّر الدارس الماضي = وخلى العيون تفيّض الما وتدفع به
عسى جلسة عنده بها حلو الالفاظي= بعد موقف الفرقا ويوم الموادع به
وانا باتصبر منه لو كان ما اعتاظي = ولو كان غيره بيحصل ماتمتع به

[الطائر المهاجر]

عميره بنت راشد
تقصد بأخيها عمير
فالت عميره بنت من يمنع التلا

[ابراهيم عبدالحميد]

تحية تقدير و إعجاب لإختيارك الراقى المتميز
دمت و سلمت و غنمت

اختياار موفق للغايه

قصااائد بغاايه الجمال


شكرا على الطرح الراقي

[صعبة المنال]

يعطيك العافية


صعووب

[زهرة اللوتس]

شكرا لك ابو عبد الله
على النقل الرائع
وتسلم ايدك
تحياتي