يسألوني عن ظروفي (بالصوت)

[عبدالكريم العياش]

المشاركة الأصلية كتبت بواسطة الطائر المهاجر

يسألوني عن ظروفي قلت مشكايه على الله=كلما عالجت جرحٍ جدّ جرحٍ ما هقيته
صارت همومي تسابق مثل شيطانٍ وظله= كل منهم لي خصيم وما بغى مني عطيته
حتى صار الحزن طبعي والفرح دربه ماادله= لو ضحكت بوجه غيري ادري اني ما نسيته
ولا عرف اني لوحدي جاني بدقه وجله= وابتدا ينبش جروحٍ نايمه مهما نهيته
وجت معه دنياي تفزع جاهزه بالفين عله= كلما تغفى جفوني جاني امرٍ ما احتريته
طعنة في الخلف نجلا تربك الفكر وتشله= من يمين ومن يسار وكل دربٍ لي مشيته
القدر ماله موانع والأجل لاصار حله = مايرده لو وليت ولا الحذر مهما خذيته
بين حين وبين آخر ياخذ انسانٍ اجله= فجأة يرحل لو اني قبل لحظات لقيته
او تجيه امراض فجأه دون انذارٍ تتله= تذهب البسمه ويصبح شخص ثاني لا رأيته
ورغم هذا في صمودي واثق الإيمان بالله= قابل مهما يكون وما بغى ربي رضيته
كل ما ارجوه يلطف في ضميرٍ بان ذلّه = ماله إلا من اذا ما استحكمت يومٍ نصيته

الاخ الشاعر الكبير . الطائر المهاجر
اسعد الله اوقاتك
صح لسانك على فيض الخاطر هذا النابع من عمق وجدان شاعر امّضه الزمان وتتالت عليه نوائبه ولكنه الايمان بقضاء الله وقدره يجعله يقف شامخا كالطود .
قصيده موجعه البستها لباس الصدق من اولها حتى نهايتها أثّرت بي كثيرا حفظك الله من كل سؤ وابعد عنك نائبات الزمان وتقبل تقديري .

[الأمـــل]

بوح جميل يجبرعلى التوقف
وحتى في الحزن تبدع ياطائرنا
استمتعت بحرفك فشكرا مع دعواتي الصادقة بفرح أبيض لقلبك

[صنداح الزلامى]

صح لسانك

ودمت شاعر متالق



اعجابي واحترامي

[منيع]

ياسلام عليك
ابيات مؤثرة جدا
والحال من بعضه
رعاك الله دوم
تحياتي لكم

[ترانيم المطر]

الله يقويك بالصبر

هونها وتهون

وصح لسانك على جزالة اللفظ وقوة المعنى

[عيدالماجد]

صح لسانك ابوعبدالله طول عمرك متميز تقبل تحياتي

[همس الورد]

صح لسانك مليووون

و صح بدنك

بووح رائع

تحيتي

[رفيعة الشان]

الله
وربي اجبرتني على تسجيل الدخول وتسجيل انطبااعي
وش سويت يا شاعرنا
كأنك تترجم مافي صدوور الجميــع وهذا أفضل مافي الشعر
قصيدة مطلعها من اجمل المطاالع وقفلتها كذلك
ولاهوب انا اللي احكم على قصيدة لشاعر مثل ابوعبدالله
لله دررررك وصح الساااانك والله يديم الصحة والعافية
ويفرج الهموم والكرباات

[الطائر المهاجر]

شكرا اخي الثويني
على كريم الحضور
والمتابعة لاهنت
تحياتي

[عبدالله الشويمان]

صح السانك يا ابو عبدالله

نص جزل ومتعوبن عليه

دمت بخير ولا هنت