بنات اول وتالي

[عرق الماس]

المشاركة الأصلية كتبت بواسطة بنت العز

إن العيون التي في طرفها حور... قتلننـا ثم
لم يحـيين قتلانـا
يصرعن ذا اللب حتى لا حراك به... وهن أضعف
خلق الله أنسانا


هذا بيت قاله الاخ جرير في وقت مضى ..

ومن هذا المنطلق حبيت اضع مقارنه غير مقبولة بتاتاً بين بنات من اول

وبنات الوقت هذا ..

بنات مبطي : تناقز مع الغنم وتحوشها في كل زاوية من زوايا البران ولو طلع عليها ذيب يقعد يشاور نفسه انه يهجم وإلا يهون

بنات الحين : ماعندها إلا قوة نوم .. ولو يطلع عليها صرصور من نوع فل كاامل (البني غامق) انصفرت ( وبمعنى اخر انصرعت ) وقالت عيونها تسذا

بنات مبطي : ماتعرف الغنج والتغنوج .. مافيه جاء ضيف تطمر ماتشوف إلا غبارها رايحه للغنم وشوي إلا راجعه بالراعي تسحبه مع كراعه من زود الحماس تقوم ترجعه وتدور اسمن خروف ولو طلع بيدها فيل جابته وتقول به وتجمع المصران والكرش والتسلى والتسبد .. وشوي إلا اهي رايحه جنب البيت وقايلتن به بالقدر .

بنات الحين : لو تجيب لها دجاجة .. لا ايش دجاجة لو تجيب لها صوص . اول شي تحوم تبسدها عشان الريحه . يااي .. وبأدين ريحه البسل تسبغ بايديها .. وريحه الكشنه تمسك بشعرها .. وازافرها تويله تتكسر.... لا وياليت تطلع طبخه زينه .. لا تطلع لك طبخه يروح لك نص ساعة تشاور نفسك وش ذالطبخه .. لاهي كبسة ولا خلطة سمنت لياسة .. ؟


بنات مبطي : ماتشتري ملابس .. ترى يلعبون عليها ذاللي فـ المسلسلات يجي البنغالي على حمار يلبق بين البيوت و يبيع عليه .. ترى خرطي مافيه ذالحكي .. تلبس ثوبها لين ييبس ويتكسر .. لدرجة أنها تنام به وإذا شدت حيلها وبغت تتسبح تفصخه يبقى واقف بجنبها مايتسفط كانها وحده من خواتها

بنات الحين : سببوا برفع الإقتصاد ببعض الدول . صارت الاسواق بدل ماهي اسواق لجميع فئات المجتمع .. لا صارت اسواق مخصصه للبنات .. يعني الجينز محلات خاصة .. والجزم محلات خاصة .. والاكسسوارات .. لا حتى الشباصات لهن محل خاص .. . لا والمصيبة تلقاها تشتري طرحه مثلا .. ماتحطها إلا على طرف خشمها .. طيب والباقي ؟؟؟


بنات مبطي : لابغت تتغزل بزوجها وإلا حبيبها .. تصكه ببيتين يقعدون عشرين سنة يرددونه بعدهم .. لا وإلا تجي تناظر له من ورى المحرم ( قالها زي المسلسلات ) وتقعد تتغنفج له شوي بس بينهم المحرم ( برضوا قلتها زي المسلسلات بس ذاللي قلتها الحين الممثل سوري مبـ اردني )

بنات الحين : لازم اول شي تبرهن إنك تبيها .. او بمعنى آخر خاق .. كيف يكون ذلك .. طبعا إذا كان جوالها سوا (( بالشحن )) وإذا كان فاتورة (( بالفاتورة )) < == قل قسم
وبعدين تقدم تنازلات .. منها ماتدخل نت .. ولا يكون عندك انتظار .. وتكون شاعر ورسام وعندك ذوق وراعي كشخه وتحب أليسا لانها تسنها اهي .. وبعدين لازم تكون تعرف جميع الكوفي شوبز والمطاعم الصينية والإيطالية والهندية والمكسيكية والفرنسية وكل شي عشان كل مره تعبي جنوبها منها ..


بنات مبطي : الشكل السهل الممتنع .. إذا شدت حيلها حطت لك كحل من المكاحل القديمة النحاس اللي راسها كانها فراشة .. وحلق كانه واحد من الشباب متدلي من اذنها . بس .. لاغير ..تخيل

بنات الحين : اول شي الشكل بوجه عام تحس انه ضرس فيه وجه .. انواع الضروس والخشة .. ولازم تكون مركبة تقويم عشان الخشة على الاقل تزين شوي .. وإلا ضروسها بعد سن 18 كل واحد يقول للثاني وخر هذا مكاني .. الحاجب كانه ( فحطه سيكل ) خط مافيه إلا شعرتين والباقي يامنتوف وإلا مشقر .. وإذا منتوف يطلع حاجبها بعد يومين كانه خد باكستاني توه محلق عكس .. يعني قوة شعر .. والعين ..العين ذي حكاية .. تحس انها تفكها وتحطها بصحن فيه عدسات وكحل ..

بنات مبطي : ماتآكل إلا تمر وخبز ( لاحظ اهي مسويته ) وإذا فلوها مررره اكلوا رز ولحم

بنات الحين : يووووو .. من اي مطعم ؟ برقر كنج تربل وابر . وتقوم تآكل كانها ماقد شافت عيشة بعمرها .. قبل كل شي لازم يكون فيه كرسي مقاسها طال عمرها .. ولايكون ابو تكايات على الجنب لانه انس انها تدخل فيه .. بعدين شفها واهي تآكل .. تحس لو تغلط وتحك الكيس على يدها .. احتمال كبير تآكلها


بنات مبطي : قل لها لا .. ......... .. خلاص لا

بنات الحين : إذا في ام ام ام خير قل لا

عزيزتي بنت العز

شكرا لك على هالمشاركة...

الحقيقة ما اقدرت قيم نسبة صحتها,,

انما الأمر الواضح إنه ماعاد في شيئ مثل أول

وكل شي كان أصبح في خبر كان!!

الله يرحمنا بكرمه وستره..

[عيون امها]

هههههههههههههههههههههههههههههه هههههههههههههههههه
مشكورة اختي على الطرح الغاوي ونتريه الإحسن

[بنت العز]

هلابكن ويعطيكن العافيه
اسعدني مروركن العطر

[عبير الورد]

تسلم يمينك ويعطيك العافية

[محمد بن عمار]

السلام عليكم / هههههههههه تراني جاي بأصحح بيت اخونا جرير ( يسلبن ذا اللب حتى لا حراك له )والا الحريم يالله دخيلك من مشاكل هالحريم ، ههههههه

[بنت العز]

ههههههههههههههههه
صحح احد ماسكك
هلابك اخوي
يعطيك العافيه

[حوريه]

يعطيك العافية بنت العز

[همس الورد]

[بنت العز]

هلابكن ويعطيكن العافيه
اسعدني مروركن العطر

[أم ريما]

خالص الشكر والتقدير
على كل جهودك الرائعه
تقبل اطيب التحيه