عاهدت نفسي ما اجي للسياسه

[منيع]

كلك سياسة واسئل من الله ان يخيب ظنونك وكل ماتطرقت اليه
ولاينبئك مثل خبير
شكرا لك
تحياتي

[ماجد الراشد الهيري]

صح لسانك اخوي ابوعبد الله ويسلم منطوقك وفكرك الجميل
ابهرتني والله بصياغة الحروف نص ادهشني بكل ماتعني
الكلمه الله لايهينك ياغالي واتمنى لك التوفيق

[عبدالعزيز العمار]

ابو عبدالله أجل وشلون لو تحب السياسه ههههه

صح لسانك وجاد بيانك

انا اتفق معك في بعض النقاط وأختلف معك في بعضها..

وعموما ً العرب الان مقيدين متى مانفك القيد فحنا بخير

وأقصد هنا التحرر من التبعيه للغرب ...

تحياتي وتقديري

[صعبة المنال]

ما تقدر تصبر
جزلة

صح لسانك

صعووب

[زهرة اللوتس]

ولـو مـا تنبهنـا بعقـل وفراسـه
فما صار في بغـداد ياصـل لنجـران


صدقت
سلمت وسلم منطوقك
لاهنت...
تحية طيبة

[الخنساء]

فاللي انكشف هاليـوم اكـد حداسـه

ايران ويا الغرب ف الطبـخ اعـوان

ولـو مـا تنبهنـا بعقـل وفراسـه

فما صار في بغـداد ياصـل لنجـران

صح لسانك مليووووووون ولايكفووون

قصيدة جزلة من شاعر متمكن محنك
والله يكفينا شر من به شر

سلمت ودام حرفك

[حوريه]

ولـو مـا تنبهنـا بعقـل وفراسـه
فما صار في بغـداد ياصـل لنجـران
الله يستر

طائرنا هذي قصيده والا درس تاريخ من /إلى
صح قلبك ولاهنت
تحاكي الواقع للوضع المتأزم للعربان الله يحفظهم
دمت ودام عزك

[عمر ال شيبي]

المشاركة الأصلية كتبت بواسطة الطائر المهاجر

عاهدت نفسي ما اجي للسياسه= واعيش مثل الغير لا اذن ولسان
واكتب شعر فيه الغزل والوناسه = وامدح بليا حدود خايب وتعسان
لكن معي قلبٍ رهيف بحواسه = لا شاف ف الأخبار مايحرك انسان
من كل رجلٍ عارفٍ وين راسه = لا هوب لا ذيلٍ ولاهوب كرعان
ولا هوب من يدفن ضميره بكاسه = ولا هوب راجي خير من تيس او ضان
في وقت صاب العرب بارذل ملاسه= لو شافوا العادي يقولوا بليهان
وقتٍ كشف ما قد خفى من نجاسه= من اتفاق بين غربٍ وعجمان
في تصفية من كان ف العرب ساسه= على الهويه بين عمرٍ وعثمان
يبون وقتٍ فات يرجع بناسه = يوم الغساسن والمناذر لهم شان
تحت امرة العجمان قاموا حراسه= وتحت امرة البيزنط للعرب رعيان
حول الجزيره طوق زادوا مقاسه= من العراق اليا جنوبي لبنان
ثارات مع احقاد باقصى نحاسه = وخوفٍ يجيهم وقت من غير حسبان
يخرج من ارض العرب من قوي باسه= ويكرر اللي صار لفرسٍ ورومان
يومن تهاوت دون حقد وجفاسه = وكلن دخل ف الدين من كل الافنان
احدٍ بصدق وآخرٍ به وجاسه = يظهر نفاق ولا دخل قلبه ايمان
عبادة النيران لبسوا لباسه = حتى من الداخل يهدون الاركان
ويحيون فارس عقب وقت اندراسه = وعلى الخليج يسيطروا دون عدوان
المشكله في من منحهم قداسه = يوم انخدع فيهم ولاهوب فطنان
لا من سمع تصريح فيه الحماسه = بتهديد اسرائيل لاجاء من ايران
ما يدري الطبخه بفكر وكياسه = وانه يؤدي دور مرسوم باتقان
من يوم ما كان الخميني وناسه = ضيفٍ على باريس يدرس للأوزان
على يدين الغرب يزرع غراسه= وعلى يدين الغرب ياصل لطهران
حتى يحكموا للخليج بسلاسه = وما ياصله روسٍ ولا صين والمان
فاللي انكشف هاليوم اكد حداسه= ايران ويا الغرب ف الطبخ اعوان
ولو ما تنبهنا بعقل وفراسه = فما صار في بغداد ياصل لنجران

قلت الصحيح طال عمرك

وصح لسانك على هالبيان

جزل وحكيم وفنان تصوير

[نجم الإبداع]

الله المستعان يابو عبدالله

صح لسانك وفكرك

ولاهنت

تقبل مروري

وتقديري

[ماجد الزقم]

لكن معـي قلـبٍ رهيـف بحواسـه
لا شاف ف الأخبار مايحـرك انسـان
من كل رجـلٍ عـارفٍ ويـن راسـه
لا هـوب لا ذيـلٍ ولاهـوب كرعـان


اي والله صدقت


وصح السانك مدد بلا عدد ولا هنت يالقرم