حلم الفطاحل

[سناعيس]

أقول للجميع ممثلين في قائدنا
صح قلوبكم وأقول أيضا :

لاتخيل لاتفسر حلم شاعر=بالنهار وبالليالي السرمديه
الله أعلم بالنوايا يالمهاجر=قالو اللي قبلنا النيه مطيه

[نجم الإبداع]

مرحبا ياطيرنا يالي مهاجر = كفو ياصاحب ولك فينا سجيه
ماخبرت اني لقيتك بالمنابر= قبل هذا اليوم وش هذي الفريه
ثبت النيشان لاتخطي المعابر = وانتبه للمفردات المفتريه
اتشرف لو عرفتك يامغامر = انت غالي بالحروف الابجديه
يارفيقي لاتحاول لو تسافر = ماتلاقي غير سيره عامريه
الله العالم بما تخفي السراير = والمقدر خط في صفحه سويه

[الطائر المهاجر]

وياليت تكلم ابو عبدالله يخرجها زين

ما افتريت وما طلبته قلت حاضر = قلت لي خرّج وخرجت برويه
واعترافك قبلها ماهو خواطر = او نسيت اللي ذكرته من شويه
وكل غصن ماسلم من ريح جاير= ماحدٍ معصوم من كل البريه
لكن اللي عالم بالسر غافر = اطلب الغفران من قبل المنية

[يزيد النمي]

صح لسانك يافلاح

المخرج العام أه قصدي المشرف العام : اخرجها يارجال واظهر البقية

[منيع]

خلورفيقي لاتصيرون شطار=بعض العرب ياحبهم للرزيه
الحب ماله عمرفي كل الاشعار=والحب الاعمى قيل باالابجديه

--------
اخي الشاعر/ فلاح بن منشار
ماعليكم منهم ترى اكثرهم متوهقين وخصوصا شيبة عرعر

[أم ريما]

صح لسااااااااانك

ويعطيك العافيه على القصيده الرائعه


تحياتي لك

[نجم الإبداع]

ماقصدت المنتدى ياسيف باتر = يامعلمنا على حسن الطويه
الرجال اشكالها غير المخابر = وقت ضيقك تعرف اعلومٍ خفيه
تعرف الصاحب وتدرك ظل عابر = وانت صاحب تجربه حره ابيه
حكمتك والصبر تشهد وانت شاعر = والمعارف حزتها من كل طيه
مرحبا بك يايزيد القلب عامر = جيتك جيّه وياحلو الوصيه
ثم جانا من منيع الحرف زاجر = عرف المقصود بحروفٍ جريه
وام فيصل وصفها بالناس نادر = أختنا من طيبها الساحه هنيه

[أم ريما]

وام فيصل وصفها بالنـاس نـادر**********أختنا من طيبهـا الساحـه هنيـه


مشكور يا شاعرنا فلاح

يعطيك العافيه ويسعدك ربي

تحياتي لك

[الخنساء]

صح لسانك ا اخوي الشاعر فلاح قصيدة
رااائعة وخفيفة ظل سلمت وسلم شعرك
تحياتي

[الشريف الشرّقي]

ليش تغمز للعجيز وأنت خابر = قلبها ما يحتمل روحه وجيه
زوجوهم والمهر في الجيب حاضر =يافلاح ادفع ثمن ذيك الخطية

صح لسانك مرتين .. على هذي وعلى الجمرة .
أخوك