انتبهوا مرض جديد اسمه (برد الضلوع)

[الغريب]

لاباس لاباس يا ابومياس

والله مدري انا اضحك مثل كذا ولا احزن على الوضع المئساوي مثل كذا

ولا وش اقولك .

بس احمد الله عز وجل اني مابعد انحطيت في موقفك هذا واسأل الله انه مايجي

مثل ها اليوم اللي ادور فيه من مستشفي لمستشفي

اما سالفة الشئون الدينية ارجوك اذا رحت تسفل في المستشفي قول للمدير

ابوثنيان يسلم عليكم وعلى الشئون الدينة اللي انتو تعرفونها

ابومياس الف لاباس ياشيخ الرجاجيل

[ابومياس]

أبو مياس الحمدلله على سلامة الولد
ومايشوف شر ان شاءالله وترى في موسم الشتاء طبيعي تظهر آلام الصدر والرئه وان شاءالله القلب سليم وكثير من الناس ما أن يحس بمنطقة الصدر يبتادر الى ذهنه القلب وهذا خطأ
وترى الظلوع أهم شيء لا قالو لك مستشفى اليمامه برد ضلوع يعني برد ضلوع انت وش دراك
ههههههههههههه
الله يغنينا وياك والمواطنين عنهم بالسلامه
والشرهه ماهي على المستشفي او مديرها أو حتى الطبيب الشرهه والله على وزارة الكحه اقصد الصحه الي نايمه نوم عميق عن المشاكل المتكرره يوميا في المستشفيات الحكوميه وغيرها
والدوله والله ماقصرت وتبذبل الغالي والنفيس لراحة المواطن والمقيم ولكن الخطأ والمسئوليه على من ينقل الصوره لولاة الأمر ويتشدق بأن كل شيء تمام
تحياتي

ياهلا وغلا سناعيس

اي والله انك صادق الشرهة على وزارة الصحة فهي المعنية

بهذه المستشفيات 0

ولكن قد قيل :

اذا لم تخشى عاقبة الليالي 000 ولم تستحي فاصنع ماتشاءُ

وجزاك الله خير على دعواتك0

دمت بخير

[ابومياس]

الله يعين ..

صار ما عاد فيه مستشفيات ثقه للأسف


الحمدالله على سلامه الوالد وما يشوف شر



والله يستر من هالبرد

ام فيصل حياك الله

الله يسلمك ويبارك فيك

شكرا لك على التواجد

دمت بخير

[ابومياس]

ــ أمـــا أنت ( يا سيدي ) فإنك تمتشق ( صهوة الذكوره ) حتى أثناء مصارعتك ( للموت )

لذلك ظهرت عليك ( وشم ) لكن لا بد أن تعلم أنه غير وشم الفئة المقدسة ؟

احمد الفارس

بارك الله لك هذا المساء

سيدي الفاضل كنا دائما نقول ان النساء

هي التي لاتعترف بذكورة الاجانب ولكن ما رأيته امس

وسمعت به مباشرة بان عدم الاعتراف يأتي حتى من المسؤولين

فانا وانت خطر يهدد النساء حتى في الاماكن العامة

لا ادري الى متى سيدوم هذا الحال عليه ؟

ولكن حتماً هناك فرج 0

شكراً اخي العزيز احمد الفارس على هذه المداخلة 0

[ابومياس]

الف سلامة للولد
بعدين برد الضلوع هذا ماقالك السباك 00 0 قصدي الطبيب هو له تطعيم ولا لا
هههههههههههههههههههههههه قال محرم واللي امه ميته يموت معها والله( بغبسبه)

السموأل الله يسلمك اخي العزيز

الى الآن لم يجدوا له الوصفة لعلاجة

فهو مرض وليد اللحظة فقد اكتشف بمحض الصدفة

عن طريق احد اطباء هذا الصرح العملاق 000

اما بالنسبة للذي امه ميته فكان الله بعونه0



شكرا لك على مداخلتك الطريفة والواقعية بنفس الوقت0

بصراحه حال المستشفيات مايطمن .. خصوصا اليمامه ما أنصح فيه أبدا
لانه تغير كثير مومثل قبل إهمال وتسيب ما كأنهم مؤتمنين على أرواح الناس

ألفـ سلامة عليه مايشوف شر
الله يشفيه

[ابومياس]

الف لاباس ابو مياس ..

بالله وانت مار من عندهم ترمي حبتين سلام ...

اايه على مستشفى اليمامة وبالذات الشئون الدينية

ناس وازنينها صح ما هو انت تبي تدخل على النسوان ...!!

عجيب انت ماتدري انة دارج بين النساء ان الاجنبي ماهو رجال

ولا ياكل ولا يعض الدليل ماهو بالمستشفيات فقط حتى في الاسواق

والله يامرة يوم دخلت على محل ان الحريم نزلوا الشيلة وقالت وحدة

قطعة وش جابة ذا ( ذا ) هذي لوحدها كوم قهرتني هالحين ابو يمن ماهو

رجال وانا ( قطعة ) .. ااااه ياليتني ،،، ولا بلاش ..

ياجماعة انا ما اعم ابدا ولكن فية فئة قليلة هكذا حتى لا نتهم

الشئون الدينيه لا في مستشفى ولا غيرة النساء هم اللي يبون الاجنبي على السعودي

يخدمهم ،، والدليل ادخل اقرب محل لبيع الملابس النسائية ( ياخي اشتر شي لزوجتك

وهي ماتدري ..) وشف النساء يدورون الاجنبي لخدمتهم ما يدرون والله انة اقرب

لأعراضهم والنيل منها ،، والسعودي قطعه (( يعني قطيعه ) لا وذا بعد



اااااااااه بس يالقهر نساء المنتدى ما عليش هذا اللي صاير وبكل اسف

والله انني لا اعم ولكن الامر موجود

راجي ارجوك لا تنسى حبتين السلام ...

الان المشكلة ماهو بس النساء التي تنظر للاجنبي بهذه النظره

الان مثل ماقلت لكم بالموضوع صار اصحاب الامر والنهي

ينظرون اليه هذه النظرة 0 شكرا لك عاشق على هذه المداخلة

دمت بخير

[ابومياس]

ابو مياس
برد الضلوع قالو
الا مرض الضلوع بسببهم
حسبي الله ونعم الوكيل
ماعليك وانت طالع ادع عليهم (( ايامال الموليه وتكفيهم منك )))
هههههههههههههههههههههههههههههه ههههه
سلامات الولد ابو مياس
ومايشوف شر
كلها تحري دقه وتعليمات وروتين حتى الممات
وهكذا الدنيا

منصور الوذين

الله يسلمك يالغالي

مشكلتنا اننا نتعرض لعدم الاهتمام

بالجانب الطبي يمكن دكتور يخطي بعلاج شخص

قد يفقد حياته بسبب الاخطاء

ومن القصص الكثير الكثير على الاخطأ الطبية

التي يندى لها الجبين

دمت بخير على هذه الاطلالة

[ابومياس]

سلامة ومايشوف شر
حسبي الله عليهم ونعم الوكيل
بالعادة توديهم مستشفيات خاصة وش اللي خلاك توديه هالمرة لحكومي
يعني جا في بالك انك ممكن تكون ظلمتهم وكل هالسمعة السيئة طالعة من فراغ؟!

والله ياسلاف يابنتي قلت ندي الحر فرصة

لعل تتحسن صحته ولكن لاصحة لمن تنادي

ونبي نعود للمستشفيات والمراكز الخاصة0

والله يسلمك ومايجيك الشر ان شاء الله

[العيناء العامريه]

لا حول ولا قوه الا بالله

شر البليه ما يضحك

ربنا لا تؤاخذنا بما فعل السفهاء في بلادنا

ربنا يكون في عونك يابو مياس و لا يمرضلك بدن في ظل هذه الانظمه

احترامي لك