( أم الرموش )

[عدنان كريزم]

صح لسانك ولا هنت يالغالي

[عبدالعزيز البليهد]

لاغرابه ان تكون بهذا الجمال وهي من قلب شاعر ابن شاعر اخو شاعر عائله ادبيه

لاهان راسك وصح لسانك يالغالي

[حمود السكراني]

المشاركة الأصلية بواسطة سنااعيس=
العين عيت واجبرت لذة النوم=على التنحي واختفى النوم عنها
والقلب كنه مابقى له ولا يوم=طاير ونبضاته شكا الصدر منها
يالايمي بالعشق ماحد بمعصوم = ليتك تجي وتشوف حي فتنها
المهرة اللي حازها قايد القوم=ذخر لمقبل غزوته واحتضنها
ماحد عسفها نفسها دايم تشوم =تستنكر اللي تلها من رسنها
هافي حشاها كنها رامت الصوم=ولكنها الا فتنة في زمنها
ام الرموش اللي كما الفرس والروم=هي طوعتهم آمره ثم تنها
فيها الجمال اللي من الله مرسوم=وفيها دلال طاغي من حسنها
حاولت ابرر وأدعي انها حلوم=واكذب عيوني وافارق وطنها
واقول هذا ماكتب لي ومقسوم=واضغط على نفس غلاها سكنها
لكن قلبي مارضى شيء معلوم=وباقصى معاليق الشقى هو دفنها
فارقتها وانا على البعد مكلوم=وصرت اتجرع حسرتي مع غبنها
ثم صار طعم الزاد ياكن مسموم=والكبد فيها سن رمح طعنها
والامثل طفل رضيع ومفطوم=ويشوف امه يوم لفوا كفنها
وصلاة ربي عد ماهلت غيوم=واعداد ماتبحر وترسي سفنها
على نبي نذكره دايم الدوم=في كل ركعه من صلاة وسننها
صح لساااانك هذي الجزالة بالقاف والمعنى سلمت يالغلا=

[عبدالله مذكر العقيلي]

الله الله

رائعه من شاعر رائع

صح لسانك

والله لايهينك


تحيتي

[صعبة المنال]

علـى نبـي نذكـره دايـم الـدوم
في كل ركعه من صـلاة وسننهـا

اللهم صلى على سيدنا محمد

الله عليك يا سناعيس
دوم فى القمة

صح لسانك وحرفك

صعووووب

[عيدالماجد]

[rainbow]صح لسانك وعلا شانك اعذب تحياتي[/rainbow]

[عبدالعزيز العمار]

الشاعر القدير سناعيس /

صح لسانك وجاد بيانك ..

جزل ماتجيب الا الجزل لاهنت ..

تحياتي وتقديري ..

وكل عام وانت بخير ..

[مسلم عواد العميري]

صح لسانك وفكرك
نص رائع وجزل
لاعدمنا تواجدك ياغالي
تحياتي

[ابوعبدالرحمن القريشي]

ابو محمد

حضرت هنا لأضع بصمة في صفحة الابداع
التي سطرتها لنا في هذه الرائعة

صح لسانك مليون
دمت بحفظ المولى

[سناعيس]

المشاركة الأصلية كتبت بواسطة عمر ال شيبي

ما اجملك

يا ملهم

ومجمل فكرك
صح لسانك لا هنت

العين عيت تواصيلي نومها = والقلب يسعف مراجيد احوالها]

العين عَيّت جِفاها لذيذَ النّْوم = يا مِسْهِرة ليل ِ مِكحال ِ اسوادها

الاخ الشاعر عمر ال شيبي
وما اجمل هذه الاطلاله والتعليق
وصح بدنك والله لايهينك

تحياتي