من يستهين الشعب لا جاع غلطان

[بيدي رسنها]

صح لسانك مليوووون ومايسدون .. وبيض الله وجهك على النص الرايع .. وجزله من شاعر جزل .. واعجبني البيت اللي تقول .. وحنا بدار العز من خير الاوطان ... بقيادة اللي يعرف الله ويرجيه .. لاهنت شاعرنا المبدع .. والله يحفظ بلدنا من كل سوء ويطول بعمر ابو متعب .. والله يصلح حال الشعب التونسي .. تحياتي وتقديري لك

[حي الضمير]

مع الحدث دائما ابوعبدالله
ومدد صح لسااااانك ياعلم
ابدعت وعوايدك

[أم ريما]

وفـــي تـونــس الـخـضـرا دلالـــه وبـرهــان
ومن لا اتعظ ماجـاء علـى "زيـن" ياتيـه
فـقـطـع الـرقــاب ولا قـطــع رزق انـســان
مـمــن يـشــوف الـجــوع لـلـمـوت حـاديــه
وغيـره منعّـم مـا اشتكـى ضـيـم الازمــان
يـســرق ويـنـهـب والـولــي مـــادرى فــيــه



صح لسانك

قصيده رائعه جت في وقتها

الله يعين شعب تونس ويفرجها عليهم

قصيده جميله ومعبررررره

يعطيك الف عافيه

ولاهنت

[نجم الإبداع]

صح لسانك وجاد بنانك

وهذه هو مايقرزه الظلم وغمط الناس

الله يعوظهم خيرا منه

لاهنت

تقبل مروري

وتقديري

[فارس القوافي]

لاهنت يادكتور

حكم وعبر

صح لسانك


لاهنت

يعطيك العافية


دمت بخير

[عبير الورد]

المشاركة الأصلية كتبت بواسطة الطائر المهاجر

من يستهين الشعب لا جاع غلطان = يثور كالبركان محدٍ يوافيه
وفي تونس الخضرا دلاله وبرهان= ومن لا اتعظ ماجاء على "زين" ياتيه
فقطع الرقاب ولا قطع رزق انسان= ممن يشوف الجوع للموت حاديه
وغيره منعّم ما اشتكى ضيم الازمان= يسرق وينهب والولي مادرى فيه
يخدعه من حوله رخومٍ وغربان = باخلاص كاذب لو تقبّل مواطيه
وتضرب بسيفه بكل ظلمٍ وبهتان= ولا خافت الرحمن يومٍ تلاقيه
اهل النفاق اللي لهم بالمكر شان= منهو وثق فيهم لقى ما يعنيه
ياسرع قلبتهم مثل طير برمان = وياسرع ماهم من يسبه ويشنيه
ومن قلّب التاريخ في عقل وامعان = يدرك بان الشعب مع من يراضيه
ويكسبه بالمعروف في عدل واحسان= ويقرّب اللي بالنصيحه يواليه
ويبعد هل التطبيل من كل شيطان = من كل فاسد بالمدح دوم يطريه
فالكامل الله ما بها أي قولان = ومن لا عرف نقصه ترى ابليس مغويه
ومن عامل لشعبه مثل أي قطعان = وسلط عليه كلاب بالظلم توذيه
مهما يطول الوقت يدفع للاثمان = ويجيه يومٍ ما تحرى حراويه
اما من الله عالمٍ سر الاكوان = بامراض تستعصي على من يداويه
او من قريبٍ ما خذا له بحسبان = يطعنه في ظهره ولوهو مواليه
فاالعاقل اللي واضع العدل ميزان = وادّى الأمانه عارفٍ وش تواليه
فالشعب امانه من حملها ولا خان = كسبان دنيا وآخره في مساعيه
ومن خانها لابد في يوم خسران = ولا ينفعه منهو على الشر يغريه
وحنا بدار العز من خير الاوطان= بقيادة اللي يعرف الله ويرجيه
وعضوده اللي شايلينٍ للاركان = من كل ليثٍ للوطن درع يحميه
ينصرهم الرحمن في كل ميدان = على الحقد والمكر واللي مشى فيه

الله الله


صح لسااااااانك ملايين

سلمت وسلم منطوقك الجزل

ربي يعطيك العافية

[الـزلـزال]

الطائر المهاجر

نص رائع ومميز ومتقن
من شاعر متميز في كل مايقدمة لنا
أبدعت وأمتعت شاعرنا رعاك وسلمك الله
حلق بشعرك المميز الهادف ولنا الأستمتاع بحروفه
صح لسانك ملايين ملايين
ولك فائق تحياتي وتقديري

[أم ريما]

صح لسانك

ابيات جميله


تحياتي لك

[المحيط الهادي]

دكتور عثمان بصراحه نص يستحق درجة الدكوتراه


لاهنت على هالابداع اخي العزيز

[عبدالله الدخيل]

اهل النفاق اللي لهـم بالمكـر شـان
منهو وثـق فيهـم لقـى مـا يعنيـه
ياسرع قلبتهـم مثـل طيـر برمـان
وياسرع ماهم مـن يسبـه ويشنيـه


الله الله

حكمه وجزاله حائمات فوق صروح الشعر

صح لسانك وبارك الله فيك

نص جزل وعميق

واقبل

ودي واحترامي