ياجاهل بالطير هذي علومه

[حمود السكراني]

الطائر المهاجر

ياجاهل بالطير هذي علومه= ركز لعلك تفهمه بالسجايا
حر كريم النفس قيدوم قومه= ماهوب صعلوكٍ يدورعطايا
له نظرة في الخلق صقره وبومه= وله ضربة كالسيف في اهل الدنايا
منهاجه المعروف باعلا رجومه= كالشمس تعكس في وجيه المرايا
ما حسّب لحصني يبدل هدومه = ولا هاب ابو وجهين مخفي النوايا
يضرب على الكايد بنفس جزومه= ولا خاف من غطس البحر والهبايا
ولا له في الاجرب لو تعلت سهومه= ولا هو خوي اللي تزايد خنايا
طيّب مع اهل الطيب لوهم خصومه= ونارٍ على اهل الخبث واهل الحكايا
مجلسه بيّن واضحات رسومه = ما يدخله نفوٍ غرق في الخزايا
ومن كان في ظنه تعلت نجومه = طيحته سهله لا مشى في الخطايا
مجلسك مع رجلٍ يداري سلومه = ولا عشرة فيهم طباع الحيايا

صح لساااااااااانك مدد بلاعدد جزلة من جزل يالصقر

[عبدالله مذكر العقيلي]

الله الله


ابداع منقطع النظير


صح لسانك وعلا شانك










دمت مبدع

[محمد عبدالله البدراني]

العزيز الغالي الطائر المهاجر سلمه الله



صح السانك وعلا شانك


ومن كان في ظنه تعلـت نجومـه
طيحته سهله لا مشى في الخطايـا



لاهنت يابو عبدالله


والله يستر عليك يالطير


تحيتي

[همس الورد]

الشاعر // ابو عبد الله
سلمت وسلم منطوقك
جزلة من شاعر جزل
لاهنت وبيض الله وجهك
تحياتي
وتقديري

[داعي الشوق]

صح لسانك يالطائر المهاجر

أبيات على المكشوف

على وضح النقاء

سلمت وصح لسانك

لي عودة للرد بما يليق

،،،،،،،،،،،،،،،،،،،،

[زهرة اللوتس]

الشاعر //// المبدع الطائر المهاجر
سلمت وسلم منطوقك
جزلة من شاعر جزل
لاهنت وبيض الله وجهك
لك مني
اطيب تحية

زهرة

[رفيعة الشان]

كفو يادكتورنا
فعلاً فعلاً القصائد هي السيرة الذاتية للشاعر
اذاً فقناعتي في مكانها بعد قرائتي للنص أعلاه
قصيدة رائعه ووافيه

فصح الله لسانك مليوون

ولاااهنت

[بنت القصيد]

الله الله الله الله الله الله
ابدعت وغير مستغرب منك الابداع
نص رائع جدا جدا
اطربتنا به
بانتظار جزلاتك دوم لا تبطي بها


تحياتي
اختك القاسميه ......

[مبروك بن ماضي]

لا أدري كيف اعبر لك عن مدى تغلل نصوصك في نفسي
انت لاتكتب الشعر فحسب :
بل : تتنفسه
دمتَ كالمطر, حيثما حلّ أسعدْ!
وانعم وأكرم بك يالطاير المهاجر
تسافر بناء دوما في فضاءات الإبداع
وتحلق بناء في آفاقك الشعرية الرحبه
كن بخير وتقبل تحياتي واسمى اعتباري
أخوك / بن ماضي ،

[الطائر المهاجر]

شكرا للفاضلة الأمورة
على كريم الحضور والتفاعل
لاهنتي
تحياتي