قصيدة رثاء

[الخنساء]

المشاركة الأصلية كتبت بواسطة عبدالله القريقري

ضاقت بي الدنيا الوسيعه والافلاك= وأصبحت أشوف إن الحقيقة خيالي
رحماك يا رب المخاليق رحماك =حزني عظيم ولا له أول وتالي
يا رب تقبل دعوة اللي ترجاك =يا الله يا والي على كل والي
اغفر لمن هو صار ضيفك وبحماك =انت الكريم اللي تجيب السؤالي
واجعل له الجنة برحمتك ورضاك =يا الله ياالمطلوب في كل حالي
عزاك يا راع المعاريف عزاك =والله قدرك طول الأيام غالي
وا حر قلبي كل ما مر ذكراك =كنه يصاليني من النار صالي
اكبر مصيبة يوم موتك وفرقاك =طاحت على راسي سوات الجبالي
حنا صبرنا واحتسبنا لما جاك =والمؤمن اللي يرتكي للثقالي
لو كان ما هي سنةٍ ما دفناك=لكن ما للعبد فيها مجالي
أمر عليك الله إلهك ومولاك =وحنا رضينا حكم رب الجلالي
والله يا سيد الرياجيل ما انساك =لمشي دروب أهل الوفا والكمالي
لمشي على نهجك على رسمة اخطاك =واصحابك أوفي برهم بالوصالي
لجلك وفي الطبع من طيب مجناك =وقفتك تعرف عند ضيم الليالي
تشهد على طيبك قرابتك واعداك =يا مزبن المضيوم منصى الرجالي
انت الكريم اللي على الطيب يمناك =ذخر الرجال مكرمين السبالي
الله يجعل جنة الخلد سكناك =مع النبي الهاشمي خير آلي

صح لسانك مليون ولايكفون
قصيدة جزلة ولاهنت
سلمت ودام حرفك

[ام العمده]

صح لساانك واعتلا شانك

لاهنت على هذا الابدااع

دمت بخير

[همس الورد]

صح لسانك اخي الفاضل

و بيض الله وجهك

قصيدة رائعة

و الدوام لله

عظم الله الاجر

احسن الله عزاكم

قصيده مؤثره

[صعبة المنال]

ترجمة احساس


سلمت وصح لسااااااااانك


صعوووووووووووب

[الطامي]

القرقري
احسن الله عزاك اخي
وعظم اجرك في فقيدك
عساه للجنه ودار الخالد
صح السانك وبنانك
جزلة من جزل
لاهنت

[عبدالله القريقري]

المشاركة الأصلية كتبت بواسطة ترانيم المطر

صح لسانك واعتلا شانك
ابيات رائعة
ترجمت روعة الاحساس
سلمت وسلم تميزك
وإبداعك

تقبل من التحيه أغلاها ودمت بود

الف شكر على المشاركه الرائعه

[حي الضمير]

رثاء مؤثر ورحم الله الفقيد واسكنه الفردوس الاعلى
ومدد صح لسااااانك

[مبروك بن ماضي]

مرثيه مؤثره وحروف مكلومه
ولاحول ولاقوة إلا بالله
نسال الله لكم الصبر والسلوان
وصح لسانك شاعرنا / عبدالله القريقري
وتفضل بقبول تحياتي وتقديري

[ترانيم المطر]

الله يغفر له ويرحمه
ويعظم اجرك ويجبر مصابك
وفيه من شاعر جزل لمن يستحق الوفاء
لاهنت
تحياتي الطيبة