يجيني على بدع المثايل ولَع وشْعاف

[جلال ابراهيم الصبيح]

صح لسانك واعتلى شانك قصيدة جزلة من شاعر جزل.....دمت بخير وألف شكر لرائعتك....لاهنت


عاشق دمشق

[همس الورد]

لرووووووووعة حرفها

تستحق العودة

تحيتي و تقديري

[ياسر عبدالرحمن الخالدي]

المشاركة الأصلية كتبت بواسطة سعيد مقبل الأكلبي

صديقٍ عزيز يقول لي ليه ماتنشاف=ولا لك مع الشعّار فالمنطقة طاري
وانا لانشد عنّي فنا ماعلي خلاف=مادام انه وشرواه جمهور لاشعاري
انا خابر انه يوم ينشد يبي الانصاف=يهمه سمان الهرج وسمان الافكاري
وهذي طبيعه فالمناعير والعُرّاف=وساعٍ نهاياهم بعيدين الانظاري
يبين الوفا والطيب في حزة الميقاف=وبعض القلوب صحاح والله بها داري
ياراعي الكلام الذرب بهْدي عليك القاف=واغنّي على طرقٍ يغنّي به الساري
واعلمْك بعلومي عساها تجيك خفاف=وافصّل لك النشرة على موجز اخِباري
انا ماكتبت الشعر لاجل اكسب الالآف=ولانيب اوقّف به على بايع وشاري
ولا رحت ادوّر للمجلة عشان غلاف=وهي مالها بين النشامى ولا قاري
مانيب آتمذلق لين اطبّح على الاكتاف=ولا ادوّر الشهرة بتصريحي الناري
ولا اتعبت رجلي فالقنوات بالوِقّاف=وهي ماتبي الا من يذرّي مع الذاري
ماذليت عمري لو تبيّن علي الاجحاف=لإني عزيز النفْس واعز مقداري
عز الله محطات الشعر بعضها ينعاف=وعلى هَدمة الموروث مفعولها ساري
وسايط وجمع فلوس ومرايشه واحلاف=وصوتٍ على اذن المستمع يدخل اجباري
الا مارحم ربي مثل مطلق وصيّاف=والا مثل ابن جدلان ومحمد الصاري
رموزٍ عن الشعّار والا الشعر مضياف=ومعازيبة الجزلين في كل الاقطاري
وانا مايهيّضني لاعديت فالمِشّراف=الا دبرة الله فالصحاري والاقفاري
لاشفت الفيافي قُدم عيني وهي انظاف=هواها من هموم الحشا والقلق باري
يجيني على بدع المثايل ولَع وشْعاف=وهي كنّها تقول لي طب واختاري
ولا ابي نتايجها تجيني على الصرّاف=ولاهيب راس المال فحسابي الجاري
ابيها على قلبي تجي كنّها الاسعاف=لامنّه سرا ليل الهواجيس سمّاري
وابيها معا ليل الدجى كنها الكشاف=لامنّه ولع فالليل ماحوله انواري
وابيها لاعِدّت فالمحاضر يصير اهتاف=ويطرب لها الجمهور من كل الاعماري
هذا راس مال الشعر والشاعر الحوّاف=اللي يحترم جمهوره كبار واصغاري
يطول الزمن ويدور ونهاية المطاف=يصح الصحيح وتنكشف عورة العاري

الله الله

رفع الله شانك ياعزيز الشان

مبدع يالشاعر صح لسانك

[عدنان كريزم]

صح لسانك ولا هنت يالذيب

[منيع]

ابيات رائعه ومعبره
بارك الله فيكم
تحياتي وتقديري

[جلال ابراهيم الصبيح]

صح لسانك واعتلى شانك قصيدة جزلة من شاعر جزل.....دمت بخير وألف شكر لرائعتك....لاهنت


عاشق دمشق

[الخنساء]

صح لسانك واعتلا شانك

قصيدة رااائعة من شاعر جزل

سلمت ودام حرفك

[حي الضمير]

قصيده رائعه
وتستحق العوده مجددآ
ومليااااااار صح لسااااااانك

[صنداح الزلامى]

صح السانك واعتلى شانك..
ولاهنت.. قصيده رائعه
سلمت وسلمت يمينك
تحياتى وتقديرى

[عبدالعزيز البليهد]

عزالله كفو يابو مقبل لله درك

صح لسانك ياسعيد واعتلا شانك

ومايصح الا الصحيح